引用:
原帖由 taoyuen 於 2012-5-20 09:12 PM 發表 
沒有那麼感動吧？有真人真事最好SHARE下！點都係真人真事至夠堅！
無論如何，多謝支持！
我同佢都係女仔
她大我7年,以前公司的同事,她有男朋友,
識佢果陣已同男友一齊4年半,男友經常外出工幹,
她是我dream girl,
溫柔,有耐性,斯文純品唔煙唔粗口,叻女,
比一般女仔稍為特別,
唔鍾意人多地方例如旺角,唔鍾意唱k,唔鍾意化妝
鍾意行山,映相,旅行
我喜歡佢一樣野,行山甚至咩活動都好,佢絕對唔會嗌攰嗌辛苦
容易滿足,有幾塊幾件三文魚已經得架喇
身材樣貌或者佢自己覺得唔好
但在我眼中係完美
拖拖拉拉兩年半,大多數都係我講分開,
但每次我都心軟都佢去酒店上高間酒吧...
佢在我面前座低抱住膝頭哥喊到眼腫哂...我放唔低佢...
一開頭當然好像光仔咁乜都唔介意,有佢就得架喇
但心仍然有根刺,會好忐忑
佢男朋友同佢一樣搵錢都多,而我以前只係一個文員
剛一開始一齊佢要出席男友婆婆壽宴等等
佢都會問我一聲去唔去好?
我心入面一直都係矛盾,因為佢家庭既問題
我想佢真係有個屋企有老公有小朋友叫係有一個家,
我從來無叫過佢同男朋友分開...
雖然覺得自己蠢左...但佢係鍾意我既點都會黎我身邊
一齊期間我有忍唔住問過佢,如果世界末日,妳會去搵邊個?
佢問番我會搵邊個,我答梗係妳!佢話唔會掉丟佢男友,
畢竟已經一齊左咁耐咁多風風雨雨
有時佢會話同我搵番果種熱情,好愛我
我身邊朋友話佢咁樣做對我有幾衰,
我覺得唔係當時人,唔會明白佢真係諗緊咩...
心入面會搵夠一千一萬個藉口幫佢掩蓋過去
我有時好疑惑,究竟邊句真邊句假..
愛佢當然要相信佢不停麻醉自己
後來後來我問親佢問題,都沒有點答過我
不過我還是選擇相信,相信和相信.
最近最後分手是因為,她和我說明了新年男友會回香港
我也會乖乖等她,過左一,兩個星期有日同佢同事一齊出去買野
[我地係地下情無乜人知,何況佢同事,更加唔會影響佢...]
佢同事同我提起佢,又話聽日佢飛去男友工作果度陪佢幾日"你唔知咩?"
呢幾句由天堂打左我落地獄,我即刻wtapps佢問"妳有沒有什麼要跟我說的?"
無覆我,佢回到香港我sd"welcome back"無覆我
第二日佢facebook upload左同姊妹wtapps玩包剪揼
我終於忍唔住把臭口wtapps佢
"妳當我人定狗?鍾意理就理唔理就唔理?"
"妳去陪訓都唔出句聲?"
好多好多等等
呢篇文章光仔十年前起碼知道MISS張一個答案自己既疑惑
但有時現實中,容納第三者既中間人,
未必知道自己想點,亦唔知點去做
只係一直逃避...
到而家我都唔知道佢個答案
我睇呢篇文章時會諗會否佢個答案疑惑都係差唔多呢?
曾經佢有次飲醉左
同我講過
佢媽一定會好唔鍾意我,佢全家都無人會鍾意我
[試過拖手行街比佢表妹見到同親戚講,但由於佢係乖乖女大家都信任佢]
所以佢自己一直係度掙扎究竟係搵一個媽媽鍾意既男朋友
定係自己真係鍾意既人
一切都好疑惑...
我和她已經分開了,但我仍然是很愛她
是真的感動,由前晚發現師兄的文章,令我想起她
昨天我剛巧慶祝朋友生日去以前她帶我去的高級餐館
我照辦煮碗麻煩餐館同事一齊唱生日歌...
然後眼淚就很自然流出來
性事就唔講得喇
我已好長好沉氣你既fans會打爆我
