第十八章 (離職 – 1/5 卷)【Mandy 執筆】
響呢間公司都已經做左幾年, 各方面似乎都無咩大進展咁, 偶爾一次見到有間中型貿易公司嘅招聘廣告, 我手痕痕咁寄左一封求職信去, 無幾耐, 間公司居然有電話到叫我去 interview。
我本住一試無妨嘅心態上去見工, 我求其提出一個較高嘅薪金要求, 但估唔到大家傾談之下, 佢地居然又肯 offer 比我, 但我仲話因未辭職, 所以我要等一個月後先至可以上工, 點知佢地居然又肯就我, 既然係咁, 我都諗唔到我仲有咩理由會唔去轉工。
第二日, 我一早就遞左辭職信, 個別男女同事知道之後, 亦都不約而同咁分別約我下晝食 lunch farewell, 不過都係女同事佔多數。
好快, 呢個星期六就到左我要離職之日, 咁啱, 早幾日公司出左 memo, 響我最後嘅一日居然就係公司嘅 annual dinner 日子, 而且果晚仲會攪一個叫懷舊主題之夜, 主任響度笑我, 話公司係特登要同我做 farewell 先揀呢一日, 仲叫我果晚都可以去埋一齊玩下都無妨。
呢幾日, 的男女同事係咁響度討論住果晚要著的咩, 男嘅咪又不外乎話著闊腳褲加大關刀恤衫, 女嘅就個個都話要著旗袍, 咁即係到時全場都係的果的麥基同南紅咁款。
到左我嘅 last day, 亦即係星期六, 班同事成朝都已經無哂心機工作, 剩係響度傾緊今晚會著的咩, 一陣收工會去邊度攞衫, 呢個又話要約埋一齊去洗頭恤髮, 果個又話要扮呢個扮果個, 成間公簡直係立立咁亂。
可能真係有的人去茶涼, 已經無咩人再會關心今日係我嘅 last day, 無咩所謂啦, 反正我都另有高就囉, 就襯住今晚仲有餐食同玩, 咁就唔使同佢地客氣囉。
收工後, 我自己去左相熟果間 Salon 度剪吓果頭先, 就當係星期一我用新型像去迎接新的開始, 剪完髮後, 我再番屋企沖埋個涼, 然後就攞左我一早已響衣柜摷番果套以前我最心愛嘅旗袍出黎, 我挽住呢袋旗袍, 著左對高根鞋之後, OK 哂, 我要出發囉。
去到尖咀日航酒店, 都已經成六點幾七點, 我攞住袋衫入到會場, 行去 table board 度望下, 諗住搵下屬於我個 department 果張檯響邊處, 突然, 已經著到成個粵語片飛仔嘅主任見到我走黎同我講
「珍尼, 唔好意思, 公司話其實妳都屬於已經離職, 所以, 今晚就只能安排妳去果便同的 client 果圍度坐!」
哦, 咁好安排, 真係有的令我感動添, 咁好啦, 我唯有就自己過去果便同的 client 一齊坐啦, 望住佢地成班人已經悉心打扮咁玩住同影緊相, 呢一刻, 我覺得我就只係一個路人甲咁, 不過, 從來獨來獨往嘅我, 咁樣反而令我更加唔需要有任何嘅顧忌, 好, 就等我回復番我 Jenny 本來嘅面貌先。
我特登行去距離會場較遠嘅 toilet 度換衫, 我入左廁格度, 換上左呢件多年前嘅旗袍, 咦, 點解…件旗袍居然好似有的縮左水咁, 定係我嘅身材好左, 大脾個叉居然好似高左咁多咁嘅, 成條底褲繩響個叉位度現哂出黎, 呼, 既然係咁, 我索性就將條黑色 T-back 都除埋出黎就算。
換左件縮水旗袍後, 行出廁格後, 我對住洗手檯塊鏡, 我先換番副 con, 跟住再薄施脂粉, 劃左眼線, 戴番對耳環, 再搽埋口紅, 唔, 攪掂哂, 望住鏡內嘅我, Ok 啦, 都算幾好, 似乎都應該引得吓人啩。
我挽住個袋行出 toilet 之後, 果然, 沿途之內, 有唔少男女, 都對我著住呢件縮水高叉旗袍深深咁行住註目禮。
番到會場後, 場內嘅人依然聚哂響果的懷舊佈境板處影緊相, 有幾個男女同事已經望到我, 但佢地就似乎好似唔係咁認得我係邊一個咁, 我無理到佢地。
我行去屬於 client 嘅一張檯度坐住, 坐左一陣, 我部門出左名嘅攝影發燒友 Ringo, 身上正掛住部單反機突然走左過黎。
「小姐, 我叫 Ringo, 唔好意思, 我想請妳去過果邊嘅佈境板度影的相, 唔知….妳方唔方便咁呢?」 Ringo 似乎又係唔認得我咁。
(離職 – 侍續)
[ 本帖最後由 mandy2013 於 2014-5-21 12:47 PM 編輯 ]
