“你已經吮過呢枝波板糖？”
寶馬好撚聰明，唔駛我講佢都估到我同細C上過床。
“唉！”
我廿鳩幾歲仔，不嬲都係天跌落嚟當被扲，天大嘅難題，一覺瞓醒，自然有解決方法，有記憶以嚟好似都未撚試過嘆氣，今晚究竟做乜鳩，竟然好似個女人仔咁唉聲嘆氣。
“你依家知道枝糖係咩味道啦，咪好似你讀小學嗰時咁，吮完一啖咯，咪俾翻枝糖人哋囉，無謂拖泥帶水丫！喺我印象裡面，你係個灑脫嘅人，係咪？”
唔知點撚樣答寶馬，我無諗過要寶馬幫我解決呢個問題，只係想向個信得過嘅人呻吓啫。
間房好撚靜，我再無搞嘢嘅意欲，可能今晚我主要目標都唔係想搞嘢啦，望吓洗頭妹，佢已經瞓撚著。
寶馬攬住我個頭喺佢心口，慢慢掃我啲頭髮，女人對波除咗用嚟餵仔，俾仔揸之外，原來仲有寧神作用，我個面貼住佢個波，鼻尖頂住佢乳頭，心理竟然好撚平靜，好撚奇怪！
每日開工就分分秒秒睇撚住個錶，趕喉趕命，驚死甩單，好撚似機械人咁過咗個幾兩個禮拜，間中Gigi搵我收工食吓飯咁，悶撚到顛。
講撚開Gigi，我同佢吵撚咗一場，記得同細C游完水第二日，就同佢條肥婆同事吵大鑊，俾細C嬲撚咗我，過多一兩日，Gigi上我屋企，見撚到細C件泳衣晾喺騎樓，佢估係細C嘅，質問我，我心情已經唔撚好，就同佢吵一場，跟住話同佢分手，我從來未撚試過同女分手，點知過多幾日，Gigi話明白我只不過係逢場作興，對細C唔撚係認真，佢原諒我，會同翻我一齊喎。屌，分手係我講嘅，我從來都無要求過佢原諒，佢咁都得！不過算啦，橫掂Gigi都唔撚係差。
“死仔包，你恨到啦，俾翻你條女張“痾打”你做！”
晨咁撚早返到公司接“痾打”，肥婆老闆娘同我講。
原來接我手做細C公司“痾打”個伙記日日都貓刮咁撚嘈，話嗰條肥婆掩尖聲悶，嫌三嫌四，個伙記詐鳩我honey肥婆老闆娘型，話唔撚想做佢“痾打”，搞到肥婆老闆娘頭都痕撚晒。
我問老闆娘唔怕間公司詐型咩，條撚樣黑毛豬話唔俾生意佢做喎。
肥婆老闆娘話細C間公司想唔俾生意佢做都唔係咁容易，事關有規摸啲大運輸公司收費貴，服務又無咁靈活，唔似我哋公司仔，收費平不凸止，仲係貼身服務。條黑毛豬俾電話佢，肥婆老闆娘就順撚吓佢意換司機，依家班伙記個個都怕撚咗條肥婆，佢唯有俾翻個“痾打”我做。
姜係老嘅辣，肥婆老闆娘俾定電話細C個老細打定底，同佢攤牌，講明個利害，細C老細都係生意人，知撚道條數點計。
“honey，你真係抵錫嘅，我叫老竇返嚟娶埋你！”
聽到呢個消息，我成個人都精撚神晒。我要證明俾黑毛豬條撚樣睇，佢係整唔撚死我嘅。
嗰日雖然我可以早啲送貨上細C公司，不過我專登較到五點搭五先上去，我係都要串鳩吓條肥婆，你緊張收工時間咩，我偏係較到最遲，不過我又無遲到喎，仲專登放慢晒手腳嚟做嘢，到交收完，已經過撚晒佢收工時間，你吹鳩我脹咩！
日日都係咁玩條肥婆，過咗幾日上撚到佢公司，條肥婆坐嗰個接待櫃台空空如也，連燈都熄撚埋，出嚟開門竟然係細C。
條肥婆俾我玩咗幾日，佢終於投降，同細C講又話個仔等緊佢接放學，又話趕翻去煮飯，要細C幫佢手，細C咁撚心軟，點會託佢手爭。
“幫我送啲貨入貨倉丫！”
我同佢喺一個咁撚自然嘅機會再碰翻面，細C表情係開心，但係就忍撚住唔想俾我知，扮撚晒無嘢嗰款。
我望撚吓佢寫字樓，水靜鵝飛，乜撚人都無，又係剩翻佢一個，唔駛講條肥婆梗係未夠鐘放工就閃撚埋。
呢個幾禮拜，細C少咗同我吹水，表面上佢仲嬲緊我，但我明白佢正係喺個心理關口掙扎，我俾啲時間佢，唔俾壓力佢。
我乜撚都唔做，第一時間想走埋細C度。
“你搬啲貨入貨倉先，出嚟再講啦！”
我三步走埋兩步，快手快腳搬好啲貨，細C見我走翻出嚟，伸佢收埋喺身後面對手出嚟。
“俾你架！”
係太陽餅同鳳梨酥，唔駛估，細C梗係同條仔去撚咗台灣玩啦。
我心裡面諗，哈，你仲幾撚得我。雖然好撚想知道細C呢個幾禮拜點過，但嗰日我屌柒條肥婆，令到佢咁唔開心，我點都要先同佢講多聲對唔住。
“我最唔中意你一隻牛咁，成日咁衝動！”
細C屌完我，同我講翻，原來又係條黑毛豬作怪，佢條撚樣話細C係秘書，唔應該做埋啲貨物交收，逼撚門口條肥婆接翻手，無錯，呢啲唔撚係細C嘅工夫，但係人都知成公司啲人都恰鳩佢，質撚晒啲嘢俾佢做，條黑毛豬就扮撚晒好人，向細C賣好，將啲貨物交收俾撚翻原本應該負責嘅人，即係門口條肥婆，不過又唔撚見條黑毛豬攞翻佢以前瀉咗俾細C啲嘢嚟做？
同細C傾得一陣，佢話佢老闆返緊公司，叫我走先，費事俾佢見到我喺度吹水。
“太陽餅幾好食喎！”
我收咗工，唔撚得切咁what’s app細C。
“你話唔食零食，我仲驚你唔鍾意添！”
細C好撚快就回我。
講撚開手訊，話題就一定係旅行，一講就講撚咗成個鐘，中間好撚多係關於佢同條仔，之前佢喺我面前唔提佢條仔好耐，但自從嗰晚之後，佢唔再介意講關於佢同條仔啲嘢。
每個女仔都要浪漫，細C本來好撚滿意整個旅程，就係錯過咗一個佢認為最撚浪漫嘅睇日落，同我講都講咗幾次話好可惜。
“嗰日喺個海灘仔，我哋都睇到日落啦！”
“不過，台灣嗰個係紅樹林海灘，睇日落好出名喎！”
“既然咁想睇，點解又會睇唔到？”
“哈哈，有原因。”
細C好曖昧，一定唔撚係好嘢，我問佢，佢一路都唔撚肯講，我𠱁佢好耐，我終於估到係因為條仔同佢搞嘢而遲咗出發。
“等唔到夜晚？哈哈。”
“我哋耐無見嘛！”
“佢主動？”
“係我攬佢先，唔關佢事！”
“你令我想起嗰晚。”
“……….”
細C無出聲一陣，跟住佢話。
“喂呀，你係咪將我當係你以前班女仔？”
講真，喺我呢個世代，上床係認同一種關係，由我讀初中開始，我身邊所有同學都當撚咗係愛情，所以無論男溝女又好，女溝男又好，都係睇有無上撚過床嚟確認大家嘅關係，上撚過床先係情侶，未撚上過，就唔撚該你努力啲喇。
所以，我無時無刻都希望可以同細C過一晚，當然我唔撚可以同細C發展成為情侶，但最低限度證明我同佢之間有過一啲愛情，同以前嗰班女，無論係洗頭妹，阿穎，Miya或者其他學生妹，甚至係Gigi，係完全唔同，不過細C未撚必會明白。
“哈哈，我都搵個機會同你去吓旅行至得，哈哈。”
費撚事令細C誤會，我叉開講第二樣嘢。
“好丫，睇吓有無機會囉！”
本來諗住係講撚吓笑，點知後來真係同細C出外面玩咗兩日。
