188Channel » 情色文學 » 【圖文並茂】公主獵人 ( 因應論壇模式有所改變，往後的更新將會再作安排，希望各位讀者體諒！)

‹‹ 上一主題下一主題 ››

751 1 ...‹‹60 616263 64 65 66 67 68 69 ››... 76

上一頁下一頁

[原創作品] 【圖文並茂】公主獵人 ( 因應論壇模式有所改變，往後的更新將會再作安排，希望各位讀者體諒！)

收藏 | 訂閱

750 319.4k

中級會員

Rank: 3 Rank: 3

611^# 大中小發表於 2017-10-12 只看該作者

引用:

原帖由 破產中 於 2017-9-16 05:41 PM 發表
我要中女比童黨攪, 冇晒尊嚴果隻.

都ok既，不過俾我計劃下先，我諗都可以加埋入去

中級會員

Rank: 3 Rank: 3

612^# 大中小發表於 2017-10-12 只看該作者

引用:

原帖由 mwong12 於 2017-10-12 05:08 PM 發表
ching, 大概幾時會有更新?
好心急

Um... 初步估計我諗都要一年半載

原因係之後都仲有好幾個章節，而個重點係... 我仲努力緊

新手上路

Rank: 1

613^# 大中小發表於 2017-11-30 只看該作者

引用:

原帖由 AiUehara 於 2017-10-12 08:47 PM 發表

Um... 初步估計我諗都要一年半載
原因係之後都仲有好幾個章節，而個重點係... 我仲努力緊

好期待呀, 樓主努力呀!!

中級會員

Rank: 3 Rank: 3

614^# 大中小發表於 2017-12-1 只看該作者

引用:

原帖由 Eddyo 於 2017-11-30 06:44 PM 發表

好期待呀, 樓主努力呀!!

哈哈，多謝師兄！
估唔到仲有讀者記得依個故

小弟順便係依度告知大家一個好消息;

為左報答讀者們一直以來既支持，細佬都係決定係聖誕節依個大節日為大家先送上第十五章既更新，希望各位笑納啦

新手上路

Rank: 1

615^# 大中小發表於 2017-12-22 只看該作者

引用:

原帖由 AiUehara 於 2017-12-1 08:19 PM 發表

哈哈，多謝師兄！
估唔到仲有讀者記得依個故

小弟順便係依度告知大家一個好消息;

為左報答讀者們一直以來既支持，細佬都係決定係聖誕節依個大節日為大家先送上第十五章既更新，希望各位笑納啦:love ...

正，等你更新

新手上路

Rank: 1

616^# 大中小發表於 2017-12-22 只看該作者

樓主，好期你新既作品。

等待驗證會員

617^# 大中小發表於 2017-12-23 只看該作者

凍晒.

中級會員

Rank: 3 Rank: 3

618^# 大中小發表於 2017-12-24 只看該作者

~第十五章~

矇矇矓矓聽見果個已經預設左每逢一至五既七點半都會自動響鬧既電話鈴聲，我就知道又夠鐘要起身番工。一掹大眼，原來話咁快就天光，我望一望電話，依家既時間真係岩岩好七點半，仲要係“週一”，咁即係我又要再經歷多足足五日既痛苦煎熬先可以再放假。其實當我每次用D時間係度諗點解今個月好似又冇公眾假期放，點解咁快又要番工，點解仲未夠鐘放工等等既問題果陣，我有時都會覺得自己真係幾冇用，一D上進心都冇。

只不過，正所謂一啖砂糖一啖屎，雖然份工我真係開始番到有D唔想再番，好似冇咩意義咁，又唔係搵得多。但自從有阿欣依個女同事成日引我同佢扑野開始，我既生活又好似變得冇咁單調。之後，我竟然仲癲到可以食埋自己個女上司。不特止，近排仲要出現Nicole依種個樣生得可愛得尼，性格又夠晒開朗既女仔，人又靚，心地又好，對我仲鬼咁體貼。好似Nicole依D咁好既女仔我好肯定係依個世界上都已經所剩無幾。

我用左兩分鐘時間尼同自己講到底我依家有幾幸福之後，我終於都捨得起身刷牙洗面，然後換衫番工。對於我依個平時唔食早餐既人尼講，已經唔記得左由幾時開始，依家既我已經每日朝早點都會放D野入口，因為係每一日番公司之前，Nicole仲會順便幫我買埋早餐，然後再番公司一齊食。無論買既地方係係D比較平民化既街坊麵包鋪，抑或係大集團既連鎖式餅店，又或者係總有一間係左近既便利店都好，最重要既都係我食咩佢食咩。依家諗番轉頭，我估九成都係由果晚單獨同佢去完西九倒數之後開始，Nicole就好慢慢對我產生左丁屎咁多既好感。再加上之後我地又一齊去觀塘游泳池鴛鴦戲水，就係佢依個乖乖女果陣對我投懷送抱果刻起，我就知道我已經得到左Nicole既芳心，果種實在既感覺，絕對唔會係單純自己幻想出尼既思覺失調。

我仲好記得初初佢幫我買埋早餐冇耐，因為我晨早流流真係冇咩胃口食野，咁所以我就將佢果朝買俾我既果個菠蘿紅豆包放埋左一邊就算數。點不知當俾佢見到我將佢個包放左係枱頭冇食到之後，Nicole就即刻問我係咪我唔鍾意食，係咪冇胃口等等。結果，依個低B知道我冇食佢買俾我既早餐果陣，佢真係悶悶不樂左成個鐘頭有多。雖然只係第一次激嬲佢，但我果刻就已經察覺到依個女神其實都係同天下間所有既女人一樣，嬲起上尼都真係幾野蠻，唔肯聽你解釋都算，仲要你講咩佢都唔會再睬你，依樣先最慘。認低威氹番佢佢又唔睬你，但唔理佢佢又覺得你唔著緊佢，做咩都死。到左最後，我都已經唔記得實際係用左幾多時間先氹得番依個小公主。

經過依件事之後，無論我幾唔想食都好我點都會食埋佢先至開始做野。久而久之，我就慢慢重新培養番食早餐既習慣番尼。不過始終小數怕長計，即使一個包，一份三文治唔算好貴，但如果每日淨係買我地兩個果份早餐都已經用左十幾廿蚊既話，長遠尼講條數都唔係惹小。咁所以為左還番Nicole依個人情同埋等佢以後都會心甘情願幫我買早餐既份上，每逢星期一至五，我都會是但請佢食番餐飯尼填數。

唔覺唔覺，好快就落到去樓下個巴士站。因為琴晚真係冇乜點訓過覺，依家就連行步路都好似腳步浮浮咁，望任何野都唔係好集中到。其實冇覺好訓我都遇左會出現依D咁既情況，但依一刻最困擾我既始終都係欣媽既安全。無論我用幾多藉口去掩飾自己既罪過都好，事實就係事實。琴晚，我真係因為淆抵而冇盡力諗辦法救欣媽出火坑，冇理佢生死之餘，仲要自己一走了之。就算成件事唔係因我而起都好，但畢竟我既然係現場，點解都唔肯為欣媽做番D野，個腦就淨係識係度諗點先可以用局外人既身份去輪姦欣媽又唔會俾人發現到我既存在。

一諗到依個位，我就覺得自己真係好賤格。我估都係出於內疚既關係，成朝我個腦就總係諗住Nicole同埋阿欣平時對我點好法，而我依個人渣就咁樣對佢地。為左扑野，我居然講大話呃Nicole，仲要成晚都冇理過佢，就連話過之後每一晚都會同佢講聲晚安先去訓覺既承諾都做唔到，一味淨係識得掛住出火。難得遇到有Nicole依個咁好既女仔我都唔去好好珍惜，反而仲要背住佢同其他女人搞三搞四，問心果句，我覺得自己真係一個衰到貼地既人渣。

不過相比起Nicole，其實我更加對唔住既人係阿欣；本來我既目的都係幫手去接欣媽收工，然後再將佢平安送番屋企。但點不知，我冇安全送欣媽番屋企不特止仲要眼白白睇住佢俾人帶走，雖然個幕後主腦唔係我，但到最後我都一樣成為左輪姦欣媽既幫兇之一，依個係鐵一般既事實。去到依個位，我愈諗愈覺得自己冇用，又唔可靠，完全辜負左阿欣對我既期望。結果，我真係忍唔住將果股怒火爆左出尼，一個拳頭大大力打落去巴士站個站牌度。

因為本身塊膠板都唔係特別厚，所以依下碰撞既回響都幾大下，一聽到我制造出尼既依一聲巨響，係我附近等緊巴士既人都瞬間睥住我，除左係覺得我依個人冇公德心，企圖破壞公物之外，另一個令佢地要用到咁凌厲既眼神睥住我既原因恐怕都係以為我係痴線既。一時衝動過後，突然俾咁多人望住真係有多少尷尬，好彩我又未至於真係去到打爆塊膠片既地步，如果唔係我應該已經俾人拍緊片，然後再放上網公審。

當周圍既人知道我冇真係整爛到個指示牌之後，佢地亦都冇咁多閒情逸緻再去理我依個無謂人，個個都繼續各有各望番自己手上面果部電話。過左一陣，我等到望穿秋水既巴士終於都捨得埋站。當上到去上層，我一邊行入去，一邊望緊邊度仲有吉位，大約行左一半左右，居然俾我望到近車尾既位置有個幾索既女仔坐左係窗邊位，就係依一刻，我諗都唔諗就即刻行左過去佢隔離果個空位坐低左。

當我一坐埋去，依個女仔即刻同我對望左一眼，然後佢好快就擰番個頭過去窗口果邊繼續睇風景。我趁佢既注意力已經冇再放係我身上果陣我就開始慢慢好仔細咁由上而下去掃瞄依個靚女到底近睇係咪都係咁正。佢既肌膚係屬於果種健康既膚色，唔似得Nicole咁白裡透紅，不過顏色唔會好深，望上去幾有活力。至於上身，佢著左一件白色小背心係底，再搭一件薄薄地既白色恤衫係面，而果件背心其實都幾貼身下，搞到佢果條事業線同埋小蠻腰都好吸睛。下身方面，佢就著住一條藍色既窄身牛仔褲，咁樣望落去佢既大髀真係一D都唔粗，依種修身既衣著打扮真係將佢果種辣過譚仔大辣既身材完完全全咁呈現晒出尼，冇得彈。

欣賞完依個女仔之後，我係褲袋拎番部電話出尼繼續同Nicole WhatsApp。依家每朝早當我出左門口之後就一定會同Nicole講早晨，目的除左係因為要keep住我地果種曖昧關係之外，另一個原因就係要確保依隻懶訓豬已經起左身。起初我已經覺得就算對Nicole幾有好感都好，我都冇乜必要無時無刻同佢WhatsApp咁煩，咁所以之前我都只係係公司借D易表現出我對佢既關心同著緊就算，其他既時間我都會俾番D私人空間Nicole，等佢唔會覺得我咁煩咩都要管住晒。平時我都係等到放左工之後先會開始同佢WhatsApp傾閒計，講下果日大家既工作順唔順利，又或者講下公司D是是非非咁。我地由收工已經開始講，直至講到大家都開始覺得係時候要訓覺果刻先會捨得停。而每晚臨訓之前我地都一定會同對方講聲「晚安」或者「Good Night」先去訓，依個動作由同佢熟絡左之後就一直keep到琴晚都冇停過。

或者係我自己本身都想有番D私人空間啦，所以朝早起身我地都甚少會即刻搵對方，加上我都唔想成日煩住佢，等佢可以有番D時間係番工果程車入面休息多一陣。

其實經過依幾個月尼既觀察，Nicole真係一個乖乖女，平日番工有早冇遲，俾D咩野佢做佢都可以係指定時間之內完成，又乖又有禮貌。唯獨只係有一次令佢依張白紙多左一粒仔黑點咁大把; 果次係星期一尼，岩岩放完個假，可能咁岩個天又陰陰沉沉，落住雨特別好訓啦，平日我地都係番九點正，但果日開部門會議佢竟然九點先至起身，就算佢點趕頭趕命都好，番到公司已經十點半。雖然遲左成個半鐘，不過Amanda見佢之後咁誠實自動自覺入佢房請罪，解釋番話自己真係因為訓過左龍而搞到遲到，亦都不停鞠晒躬咁同公主道歉。結果，Amanda都只係罕有咁話左佢幾句就算數，不是根據公司規定，由九點零五分開始起計，每遲一分鐘就環罰番1蚊俾公司去員工既下午茶基金，而Nicole果一次就奉獻左85蚊出尼。

經過果一次既教訓，依隻豬依家除左會係訓之前肯定自己已經校好鬧鐘之外，另一個預防既措施就係叫我每朝早都morning call佢，確保係我出門口果陣佢都已經起左身，佢仲講到明話如果冇人聽就要打到佢聽為止。正因為依個原因，我又多左個機會去聽下Nicole把聲。當我發完呆之後，Nicole個電話就打通左。

Nicole：早晨~
我：早晨呀
Nicole：我起左身喇。
我：好呀。
我：對唔住呀，因為我琴晚攰得滯訓著左，所以漏左同你講Good night。
Nicole：傻瓜！見你咁坦白，原諒你啦。

[ 本帖最後由 AiUehara 於 2019-10-1 11:35 PM 編輯 ]

中級會員

Rank: 3 Rank: 3

619^# 大中小發表於 2017-12-24 只看該作者

同Nicole傾左兩句，我見佢都差唔多要換衫出門口，為左廢事拖慢佢既進度，所以我地都只係同對方傾左幾句就講拜拜。而係收左線之後，我就繼續一邊玩電話，一邊間唔中昅下隔離果個女仔做緊咩。講起佢，其實依個女仔都幾得意，由我坐係佢隔離果刻開始，依個女仔就已經掛住一邊望住窗口出面既風景，一邊塞住對耳仔聽歌，甚少將注意力放係我身上又或者拎部電話出尼噤。真係估唔到，依個年代仲會有人唔做低頭族，反而係揀睇風景。不過對於咸濕仔尼講，更加吸引我眼球既始終都係佢果條事業線。雖然件背心都未算係特別低胸，依個女仔亦都冇欣媽既身材咁玲瓏浮凸，但係佢行既路線好似就唔係單純為左賣弄性感，只係為左著得舒服咁。不過講到尾，話之佢點諗啦，最緊要都係益左我依D可以近距離鑑賞佢既咸濕仔。

以今日既交通狀況尼講，其實都算係咁，唔算有好多燈位要停，又冇乜點塞過，所以唔洗幾耐就番到去公司果頭。就係前一個站，架巴士一閂門郁車，原本我都已經諗住噤鐘仔預備落車，點不知隔離依個女仔突然同我講左聲「唔該」之後就企左起身準備行出尼。雖然我都係係下個站落，只不過既然見到佢咁心急，而我又唔係特別趕時間，咁所以我就索性擰側個人等佢行先，我一陣再慢慢爬落去都未遲。唔知係我諗多左定係佢有心咁做，平時當坐裡面果個人真係要行出尼既話通常都會背住你，跟住再慢慢出。但係，今次既情況就有少少唔同，當依個靚女見到車速開始收慢果陣，佢就已經企左起身準備落車，跟住仲要特登擰轉個人面向住我出。

又真係咁岩得咁橋，明明個司機成程車都揸得好定，可惜正當個女仔一經過我果陣，個司機就突然之間俾油，成架車即刻向前衝左一下。結果，佢唔小心一失平衡就撲左落我度，個胸仲要壓住我塊面。雖然已經嘗試用手頂住張櫈等自己唔洗直接撞得咁應，不過果下衝力咁大，加上佢個人本身好似又冇乜力水咁，所以，依個波餅我都係食硬。即使佢對波係我塊面前面停留既時間只係一兩秒，但果種唔知係洗頭水定抑或係沖涼液既清新體香都足夠令我全日都記得佢。

不過就算我恨左幾耐都好，話晒人地始終都係一個女仔，咁大個波餅車埋尼，佢唔尷尬我都會覺得唔好意思。就係我想問佢有冇事果陣，依個靚女已經即刻笑笑口同我道歉，然後講左句唔好意思之後就尷尷尬尬咁走左。真係好奇怪，類似既情況前排已經發生過一次，依家佢係第二個坐我隔離既女仔係落車果陣要同我道歉，而且轉身走之前果下去佢地兩個同樣都係面都紅晒。雖然果刻做左附近班人既焦點，但既然有D咁幸福既艷遇發生係我身上，我敢百份百肯定，就算可以俾我揀多次都好，我都寧願揀俾人望住都唔想放棄依D咁千載難逢既好機會。

當我仲係度回味緊果個女仔身上既香味果陣，唔覺唔覺原來架車已經埋左站，仲要開始落緊客。岩岩如夢初醒既我即刻拿拿臨拎齊野衝落車，好彩仲趕得切落車，如果因為咁而唔記得落車就真係柒到核爆。可惜丫，當我落到車之後，果個迷到我神魂顛倒既靚女已經不知所終，唔知行左去邊。因為公司依家請緊人，其實我頭先都有一刻諗過佢會唔會有機會係去我地公司見工，不過見到佢咁既衣著打扮，我估都冇乜可能。

番到去櫈都未坐暖，我就已經見到一如以住比我遲少少番到公司既Nicole都安全到公司，隨即佢就係自己個背囊入面拎左份早餐出尼俾我，仲叫我快D食。雖然我同佢仍然係處於瞹昧階段，但對於佢依種咁溫馨既舉動，我一早就已經認定左佢係我既女人，冇人可以妄想係我手上搶走佢，甚至掂佢一條頭髮。為左可以減輕少少對Nicole既內疚，係佢放低左D野坐番埋位果陣，我就決定行過去茶水間拎盒維他奶俾佢送早餐。因為公司所有零食同埋雪櫃入面D野飲每個月都會有同事負責用公數添番D新既落去，所以如果你真係口痕，其實都只係需要行過去拎就得，好方便。

我：拿，唔洗咁dry呀！
Nicole：唔該晒~

佢既笑容真係完全融化我個心，再加上佢依個無論食D咩都可以食到好滋味咁既幸福樣，真係令我愈來愈鍾意佢，同時亦都係我依幾個月尼都堅持準時番工既原因。之前冇咩精神寄託同目標果陣，每日番工都冇咩意義，純粹好似係為左可以舒舒服服做到等月尾出糧就算咁。不過，依家番工無時無刻都見到佢，即使有時會忙到連食飯時間都冇機會關心Nicole一句，但我覺得依家可以日日係佢身邊陪住佢，就算發生咩事我都可以第一時間幫到佢就好足夠，只要佢開心，我就開心。除左老豆老母，Nicole依家已經可以話係對我最重要既人尼，無任何人可以代替到佢既位置。

食完早餐之後我又要開始埋頭苦幹做野，不過頭先掛住同個傻妹傾計都冇為意到，原來阿欣到依家都仲未番。雖然對於我尼講，阿欣番唔番工對我都冇乜大影響，但話晒佢都係其中一個俾我搞過既女人，冇佢平日咁專業既訓練都唔會有今時今日咁貪玩既我。加上，第二個重點係我依個人渣琴晚仲背住家姐搞完佢老母，之後仲要見死不救，由得欣媽自己一個係豪哥間club入面自生自滅，試問我欠佢既野真係點還都還唔清。

曾經有一刻，我真係想阿欣今日唔好番尼，免得過都唔想同佢撞口撞面有咩交流，廢事講講下又提番起依單野，我真係唔個仲可以點修飾落去。只不過，作為朋友又好，性伴侶又好，我點都要係咁易關心下佢既，廢事家姐咁可憐，以為冇人理佢啦。

我：番到邊？
我：九點三喇喎！
阿欣：今朝訓過龍，就到樓下。
我：春虫虫
阿欣：收皮！

最後，佢九點廿六分先番到公司。好彩近排冇咩大壇野跟緊，如果唔係，家姐除左要罰番今日果十幾廿蚊去我地部門個下午茶基金果度之外，萬一遇著果日公主心情唔好，隨時剷到佢上天花板都唔出奇。況且，佢依家仲要負責教埋Nicole，正所謂近朱者赤，近墨者黑，作為一個senior，的而且確點都要做番個樣出尼俾人睇既。點似得我依D閒雲野鶴，作為食物鏈既最底層，基本上我既角色真係好small potato，只係需要理掂自己就得，唔洗煩咁多野。

為左避免尷尬，當阿欣番到尼經過我個位果陣，我只係望住佢恥笑左一下就繼續"扮工"，直到十二點鐘，因為一個電話，我一日既心情就咁俾佢破壞左。

肥波：喂，今晚係咪八點時代等呀？

聽到肥波突然之間咁問我先至如夢初醒，我完全唔記得左原來今晚約左肥波同幾個大學同學出尼傾下果晚做伴郎要負責同籌備既野。肥波唔提我我真係冇左回事，明明一個禮拜之前先實牙實齒話今晚會出尼傾，點知轉個頭我就已經唔記得左依件事。

我：係呀。
肥波：OK
肥波：今晚有冇興趣早D出尼吹兩句先？
我：冇。
肥波：仆你個街，認真！
我：真係散左？
肥波：係
我：睇見你琴晚係Facebook 懶係感性咁打埋Ｄ奇奇怪怪既千字文出尼我就知你一定係game over左啦！
肥波：唉！
我：你條粉腸，琴晚搵你又唔覆機~
肥波：屌，邊有mood，一早熄撚左機
我：唉，得啦！七點時代啦！
肥波：好

雖然係番九點半，不過我用左差唔多一個半鐘頭既時間去調整我唔想番工既心情，嘗試擺脫依個假期後候群症。而係依段時間入面，我除左要聽肥波吐苦水之外，坐我後面果個阿欣突然之間又係WhatsApp搵我。內容大致上都係解釋番點解突然要我幫手，又講左少少豪哥同欣媽之間既關係我聽。雖然個故仔一匹布咁長，當中既來龍去脈我又未算係好清楚，只不過係佢同我依家解釋番成件事既始末之前，其實係琴晚我都大約推敲到佢地幾個有過D咩牙齒印咁。

最後，終於都講到我最關心果部份，就係欣媽既下場。都係阿欣同我講番我先知，原來琴晚欣媽只係好夜先番到屋企，而唔係冇番，咁亦即係代表係我走左之後佢都平平安安出番尼。雖然俾人強姦已經係改變唔到既事實，但依家咁既結果點都總好過真係俾豪哥果班人困住玩足成晚既。之後，阿欣仲有講番琴晚當佢兩點幾上床訓果陣都仲未見到欣媽，電話冇人聽，又冇講低去左邊度食，有一刻，佢話真係幾驚欣媽有咩冬瓜豆腐。不過好彩，當今朝早起身，家姐見到auntie終於都番左尼果陣個人先至定番D。雖然睇見欣媽番到尼攰到連衫都冇換就上床訓左，但至少知道佢安全番到屋企都放心少少。

或者係因為佢覺得我真係有份參與依個營救行動啦，咁所以阿欣都同我交代得幾詳盡下，甚至係字裡行間我都可以感受得到阿欣係果刻到底有幾擔心auntie。依一份母女情，我肯定絕對冇任何野可以取代得到。俾肥波同阿欣兩個騷擾左咁耐，依家先算係有時間做番啲公司野。係剩低果兩個鐘頭入面，我發覺自己好似又冇想像中咁頹，可能係因為自己都唔好意思用公司資源去做咁多無聊野啦，再加上我手頭上負責緊既野都有些少趕住，所以，由十一點幾開始，我決定無視所有同公事無關既對話，專心去搞掂埋我手頭上既野先。

當自己個人太得閒，冇野做都要搵野尼扮工果陣，永遠都會覺得時間好似過得好慢。但遇著某D野要指定係deadline前搞掂晒既話，果刻既時間就一定會嫌少，一個鐘頭既時間就好似只係過左一分鐘咁，眨下眼已經用左。我埋頭苦幹做左一陣，唔經唔覺原來仲有唔夠十五分鐘就到lunch hour，不過，為左廢事一陣間將D野堆埋一齊做搞到咁趕，所以諗諗下都係係度留多陣先再出去。係個位度望住其他人一個二個都拎住個銀包出去食飯，而自己就因為要趕工既關係無奈留低繼續做，感覺真係好似D小學生因為冇做功課而要罰留堂做完先走得咁。

阿欣：喂，番尼先做啦！差唔差得幾多~
我：我想做多陣先呀，你地同佢地出去啦。
阿欣：咁我唔理你架喇~
我：得啦！
阿欣：Bye~~

[ 本帖最後由 AiUehara 於 2019-10-1 11:45 PM 編輯 ]

中級會員

Rank: 3 Rank: 3

620^# 大中小發表於 2017-12-24 只看該作者

當阿欣行左出去之後，Nicole都有走埋尼睇下我做緊咩。

Nicole：你搞成點呀？仲唔行既？
我：冇呀，我諗住整埋少少野先，你同佢地食先啦！
我：我一陣做到咁上下會自己落去買野食架喇。
Nicole：下，唔好啦！一齊去啦...
我：唔喇，想趕埋佢先，廢事煩！
Nicole：咁洗唔洗我一陣順便買D埋野俾你食？
我：Um… 又好啫！唔知唔可以食八方雲集呢？
Nicole：好啦好啦！係咪又係照舊果個呀？
我：係呀，你懂的。唔該晒~
Nicole：好啦，咁我落去喇~
我：好啦，Bye~
Nicole：拜拜~

雖然我都好想同佢食飯，不過廢事將D野拖咁耐，一陣晏D又有新既野搞，再咁每積落去，我到時真係跳樓都唔掂。好彩我依家手頭上果樣野又唔算係大壇野同埋唔係特別趕，只要係今日五點前搞掂send番俾個客就冇問題。

過左一陣，我突然聽到大門口有人噤密碼，當聽見開門聲，我留意到lunch hour只係過左廿三分鐘，我係度諗，邊個咁蠢漏低左野呀！點知，出現係我面前既居然係Nicole。就係我想開口笑佢係咪漏左部電話冇拎果陣，我見到佢對手已經拎住左兩袋八方雲集既外賣。原來，係佢幫我買完個外賣之後依個傻瓜仲特登買多一份俾自己，最後情願買上尼屈係公司陪我食都唔跟阿欣佢地去附近餐廳坐得舒舒服服咁食，真係好蠢。不過把口講係咁講，但其實我個心入面的確係幾感動既，話晒有個咁好咁純品既女仔肯同自己捱外賣，唔講其他，就係單單依份心意都值得我用我下半世既時間去愛佢一個啦！

為左可以慳番D時間，當我衷心感謝完Nicole對我既體貼之後，我又要繼續開工。我將D野食放左係張枱上面，然後一邊做一邊食，至於Nicole佢就坐左番去佢自己個位度玩電話。即使食飯時間大部份既同事都會落街食，但公司入面仍然有少數人係會選擇帶飯，然後留番係公司食。咁做一來可以慳番D錢，二來又唔洗落街同人爭位坐咁辛苦。不過亦都因為咁，平時我同Nicole之間果種瞹昧都會俾佢地果班八公八婆留意到。雖然佢地平時都只係笑下我地，冇講咩特別野，但感覺上Nicole就好似真係因為唔想俾其他同事成日留意住自己，搞到咁尷尬。可能出於依種無形既壓力，結果就搞到Nicole唔敢同我行得再近D。

埋頭苦幹左四十二分鐘，幾經辛苦終於都Mission Complete。為左可以善用埋剩餘果十幾分鐘既休息時間，我決定靜靜雞走過去Nicole個位度嚇下佢，順便睇下佢做緊咩。不過，當我望住佢果陣，依個傻妹仔好似眼濕濕想喊咁，初時我都唔肯定佢係咪真係喊，或者只係因為佢對眼亁先會分泌D眼水出尼。但後尾我留意到佢果幾滴眼淚水將電腦屏幕果D藍光反射得好清楚，到準備流落尼果下，佢仲即刻用手抹走佢地。去到依個位，我都廢事估估下，索性拎定張紙巾過去睇下佢咩事。

行到過去，原來佢係度上緊Facebook，而咁岩就睇緊條泰國片係關於報恩既，結果睇睇下就感動到喊；

https://www.youtube.com/watch?v=vajYrYy1glU

依個Nicole真係傻到一個點，雖然我都唔想成日咁樣笑佢，不過佢果種單純既性格真係傻得尼好可愛。就係我仲安慰緊佢果陣，午膳時間已經接近尾聲，好多坐係我地附近既同事亦都開始坐番埋位。好彩，Nicole唔係大喊，純粹係流左一兩滴就冇事，否則，如果俾人見到，我都唔知可以點樣解釋番好似係我整喊Nicole咁。當Lunch hour時間一過，所有人都各自番番晒去自己既工作崗位繼續開工。當然啦，Nicole同我都係一樣，我地就好似咩事都冇發生過咁，大家照舊埋頭苦幹做番自己既野，一切如常。

其實我都預左下奏時間係會好忙，不過諗唔到D工作量又冇我想像中咁排山倒海喎，情況都幾理想。所以，我輕輕鬆鬆係放工時間內就搞掂好晒，準時六點半放工。初頭都以為要OT，點不知最後竟然會咁順利，照咁睇尼真係連個天都要我早D過去聽肥波吐苦水，不過，係臨走之前，我點都會行過去睇下Nicole搞成點先走，如果佢都做得七七八八就梗係等埋佢啦，但就算佢要留低OT而我又陪唔到佢都好，為左俾Nicole知道我都著緊佢，基本上我係咪都會照樣扮下野問佢有冇野幫手先走，始終話閃就閃實在太衰仔，我做唔出。

我：點呀喊包，你搞掂未呀？(耳邊細語)
Nicole：喂吔~ 唔准再笑我呀！
我：好啦好啦，笑埋今次唔笑。
Nicole：我行得喇，不過俾我執埋D野先。
阿欣：喂，走先喇，拜拜！
Nicole：拜拜~
我：Bye~

今日幾好彩，咁岩佢都搞掂晒手頭上既野可以一齊走。依家我同Nicole既關係，大概就係”友達以上戀人未滿”既階段，簡單尼講，即係介乎密友同情侶之間既關係。或者係我內心仲係想享受多一陣自由既空氣同埋依家果種瞹昩既感覺，所以暫時我都未係好想同Nicole再行前一步住。

Nicole：你係咪話今晚約左以前班大學同學？
我：係呀，七點係時代廣場等。
Nicole：咦，咁你未好趕囉，依家都已經六點八喇喎...
我：哦~ 唔緊要啦... 講係咁講啫，不過佢地不嬲都例遲架啦。
Nicole：乜佢地咁衰架咩!?
我：係呀，所以我諗住送埋你去搭車先走架~
Nicole：下，唔好啦... 我唔想一陣佢地個個到晒淨係等你一個喎...
我：冇事既... 依度過去好快架咋，更何況你個巴士站行兩步就到啦~
Nicole：唉~ 你都唔聽話既。
我：我唔係唔聽話... 我係擔心你啫~
Nicole：...
我：...
Nicole：...
我：...
Nicole：...
我：...

送到Nicole去巴士站之後，本來我仲想等佢上埋巴士先走，可惜，最後都係俾佢趕走左。岩岩離開Nicole既視線範圍唔夠兩分鐘，依個肥波就已經係WhatsApp問我去到邊。雖然仲有八分鐘先至夠鐘，不過我都預左一定冇可能可以準時去到銅鑼灣，既然係咁，我都廢事同肥波講咁多，求求其其話我行緊入港鐵站搭車就算。

沿途同Nicole傾住計，時間都特別易過D，感覺上都唔係用左好多時間就去到時代廣場個大門口。雖然肥波唔係生得高，不過個身影都幾易認，加上周圍都係成雙成對既情侶，唯獨得佢係望落特別頹廢，一個人孤零零咁企係度玩電話。

肥波：屌~ 你條仆街仔又遲到...
我：喂，你估我想架咩... 公司多野做丫嘛~
肥波：唉~ 明架喇~~ 心照啦！
我：收皮啦你！點呀，死得未呀？
肥波：咁又未既~ 係個人灰D囉…
我：今次又衰咩呀你？
肥波：唉~ 佢話我唔緊張佢囉…
肥波：又話始終都係唔知佢最想要既係咩。
肥波：仲有話我變左囉... 咩以前都唔係咁果D。
肥波：屌！總之佢都戇尻既，都唔知佢想點！
我：有冇試過氹番人呀~
肥波：氹鬼氹馬咩… 佢要走未由得佢走囉~
肥波：話撚知佢！
我：係喎，你好似前排同佢嘈完冇耐咋喎！
我：果次最後點呀？
肥波：未又係要死死地氣認低威~ 之後用左我成八舊水係街買番隻公仔氹佢囉~
我：嘩~ 你都幾揼本架喎...
肥波：唉… 咪撚提。

[ 本帖最後由 AiUehara 於 2019-10-1 11:46 PM 編輯 ]

‹‹ 上一主題下一主題 ››

751 1 ...‹‹60 616263 64 65 66 67 68 69 ››... 76

上一頁下一頁

前往最後回覆

當前時區 GMT+8, 現在時間是 2024-6-16 21:02

清除 Cookies - 使用條款及免責聲明 - 私隱政策 - 聯絡我們- 188Channel - TOP

Processed in 0.106215 second(s), 13 queries, Gzip enabled.

重要聲明：188Channel (“本討論區”)是以即時上載留言的方式運作，本討論區對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。188Channel有權刪除任何留言及拒絕任何人士上載留言(刪除前或不會作事先警告及通知)，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。