當我決定同老公離婚, 我就搬左去Eric屋企同佢住。 Eric住嘅係二三百尺個啲單房apartment, 除左間房就只有個廁所。
每日著完啲衫, 一係掛係廁所門後, 要洗嘅就會放係廁所個箱裏邊, 集齊就會攞去洗衣鋪洗。
如果凈係得我地兩個人生活, 就無咩問題, 只係建立我地之間嘅生活習慣。 但係Eric鍾意請朋友或者屋企人過黎, 咁就變得好唔方便。
有老婆嘅就會知, 邊有女人鍾意係屋企戴bra, 係屋企最好就著T shirt短褲, 最自然又最舒服。 Eric有時無講, 就有朋友係門外等入屋。
想點呀！有時真係戴唔切, 攞起個cusion遮住就算數, 但係見佢屋企人就唔好啦！最怕係佢兩老同家姐, 我都唔想佢地對我有好差嘅印象, 因為佢知道我結過婚, 肯定都唔鍾意架啦！我唔希望佢地知道Eric隱蔽嘅一面, 亦唔想佢地覺得我隨便。
至於Eric啲朋友, 雖然唔多上黎, 但係上左黎就唔想走。
得一張床又無地方避佢地, 都好唔方便。仲有就係你地男人啲衰野, 我肯定佢地有摷個洗衣藍, 因為男人唔會發覺女人收爸巴嘅方法, 點解男人咁鍾意搞女人嘅內衣呢？
