紅勇士

由於本版置頂過多, 經超級版主 & 版主們商議, 現決定將以下3項置頂解除:

內地夜遊版吹水專區

♀沙咀強哥會客室♂

『單棍弗弗』論『QQ』~ 請多支持!

本來道不同, 不相為謀! 大家o岩玩固然係好, 唔o岩玩o既話咁就當識多個朋友, 分黨分派亦無可口非. 內地夜遊版吹水專區最初成立目的係想大家o係本版有個可以吹水傾計o既地方. 而♀沙咀強哥會客室♂就係為左本版超人氣會員沙咀強哥而成立! 但久而久之, 問題開始出現. 經版主們商議, 認為本版只應設一個吹水區, 亦只會將其置頂. 奈何以上2版黨派分佈太明顯, 是但解除其中一方亦會引起唔公平情況出現. 固此同時將雙方解除, 以免有人亂咁估.

另一方面, 『單棍弗弗』論『QQ』~ 請多支持!因為之前DISCO交流營已被解除置頂. QQ區亦只好作出同一決定. 以免有人認為本版偏私QQ區!

最後, 此3區雖然會解除置頂, 但會改為精華, 永久保存! 此外, 本版將會作出公投, 以決定係咪應該重開一個全新不分黨派,男人女人,老年中年青年,大陸人,香港人,外國人o既吹水區, 以取代由Ray kk 成立o既內地夜遊版吹水專區 & 沙咀強哥成立o既♀沙咀強哥會客室♂.

紅勇士

而家置頂有公告,版規, 投訴區, 發問區, 天氣區. 全部都係同本版息息相關.
另外, 呢次決定絕無針對任何人, 亦並唔係我個人決定!
最後, 希望大家明白, 做任何一件事, 都無可能討好全世界. 問心無愧!

紅勇士

引用:

原帖由 沙咀強哥 於 2005-8-30 10:59 PM 發表
你喜歡點咪點囉!
我要民主...........

[/quote]

笫一點: 就算同一版都可以你有你傾,我有我傾, 你唔想同佢講野可以唔理佢.

笫2點: 藍天使講得o岩, 同版務無關應該一齊解除.

笫3點; Ray kk 幫你置頂一事 & 內容, 本人事前毫不知情.

而家又唔係要刪除, 只係改為精華, 又何需咁大反應?

紅勇士

引用:

原帖由 Ray KK 於 2005-8-30 11:34 PM 發表
將發問區同天文台兩個主題都放下來啦 !

之後叫超版同我地開一個吹水區置頂 !

天文台 & 發問區都只係為左維持版面暢順 & 整潔.

至於你所講叫超版開, 我會問佢意見先做.

紅勇士

引用:

原帖由 弗弗 於 2005-8-30 11:36 PM 發表
咁都吾駛全部解晒啦....可以將三個帖合一架嘛....合一叫做強哥qq內地遊吹水區..咁會吾會好d呀,,多一個置頂吾係好大問題嗟..當然啦..我呢d二打六都係講下嗟..吾岩 ...

弗弗你可能仲未明今次o既目的. 重申多次. 呢次唔係我個人決定.

紅勇士

引述高層一番說話:

我覺得係必須解除置頂的
如果因為有好多人反而唔去左的話
咁都好多人反對有扣分制度啦
其實依家你地面對呢個情況同之前吹水閒聊面對的一樣
有好多組織都要求自己個吹水鰾置頂的話
咁埋成個首頁都係
你唔信
假如我地4個超版依家又開個吹水區話要置頂
你地埋又多4個置頂
所以不如一視同仁
所有吹水區都不會置頂
好似吹水閒聊區咁
該版版主連自己吹開個吹水樂園都解除埋啦
(其實我地有規定置頂不可超過7個)
http://www.188channel.com/viewth ... 1%26filter%3Ddigest
以上只係本人的經驗和意見
所有野以你地3位為最終決定

紅勇士

另外, 我始終都認為呢個係討論區, 唔係問路區,問價區. 而且有權利就必有義務, 你可以享受,得到情報, 咁係咪要遵守版規呢?

紅勇士

我講埋最後一次, 呢次行動並唔係針對任何人. 回數最近由置頂改為精華的post, 有Ray KK的內地夜遊版吹水專區 , 沙咀強哥的♀沙咀強哥會客室♂, mikechan833的『單棍弗弗』論『QQ』~ 請多支持!, 華D的◤一邊做一邊愛◢ , coolam的Coolam Disco 交流營 . 點解除左沙咀強哥有不滿外, 其他人都欣然接受? 莫非置頂真係咁重要? 唔係o既話, 何需做埋d咁小家o既行為呢? 閱讀權限改為255, 又叫版主關閉主題. 咁叫無聲抗議嗎? 講真大家成年人, 除了華D之外, 我全部都識, 全新都見過. 我更加當沙咀強哥係我朋友, 可能沙咀強哥唔咁諗. 點都好, 我只做回份內事, 問心無愧!

紅勇士

引用:

原帖由 沙咀強哥 於 2005-8-31 04:06 AM 發表
咁請問紅版主,
1.你突然將我"沙咀強哥會客室"嘅置頂解除,你有在之前得到我和你雙方的妥協嗎?

2.如果我真係有不滿你們的做法都係應該的,呢個會客室當時係系我不知情嘅時候置頂兼改名,當時令我喜出望外,但現在又在不知情嘅環境下解除,變相令我石沈大海!請版主們將心俾己想一吓,做版主都要睇吓民意架!

3.你話其他人都欣然接受你哋嘅做法?佢哋現在唔出聲及不在線上,你就話人哋欣然接受,你哋知唔知我收到幾多兄弟嘅pm呀,有大部份兄弟話對版主們在不妥協的情況下解除置頂的做法感到無奈及失望!

4.你又話我"何需做埋d咁小家o既行為呢?"(紅勇士,你事後有pm我嗎?你都係系無通知嘅情況下咁做,唔通你又要好大方咩,要唔要頒個最大方獎俾你呀?另一件事我只係想你幫吓手關閉我大部份的主題,因最近嗰網俾人偷相,你唔pm問我因由唔在講,你現在又話我無聲抗議!唔通要我同你用PM溝通咩!你都無計傾啦!)

5.講開華D,佢之前嗰主題由精華變置頂,又無哩頭變番精華,其間又俾個"維園阿伯"寸,你地版主團做過d咩呀?

6.你唔好話當我係朋友呀?我從前真係當你係我好朋友呀!但現在睇完你嘅回覆,簡直係心痛欲絕!如果你真係當我係朋友,點解你又唔pm吓我,了解吓我的感受呢?

7.仲有,同我出嚟玩嘅兄弟都知我為人係點啦,我在這裡何來鬧過人呀?最多都係對事同人理論吓咋!

1, 絕對一視同仁, 其他人事前都無收到我通知
2, 早幾星期前, 我已經放左少少風聲俾你, 如果你仲記得.
3, 華D & coolam 被解除置頂後, 未聽到有投訴. 如你所講, 只有mikechan833未知.
4, 呢件事上點都要有個醜人, 無人肯做只好我來.
5, 華D 個置頂 & 解除都係前超版百變星君做o既, 我試過將佢解除, 但俾百變放返上去, 之後佢又解除左. 我對佢個post唔係太清潔, 亦無人投訴.
6, 我就係預左你會咁樣, 知你心情一定唔好, 寧願俾你冷靜下. 反正我講乜, 你同你o既支持者都只會覺得全部係我錯
7, 如果係對事, 你覺得一定要解除置頂, 咁3個一齊解除唔係最公平咩?

最後, 若然你仲覺得唔開心, 覺得係我對你唔住, 我可以辭去版主一職, 俾有能者取而代之.

紅勇士

引用:

原帖由 潰爛王 於 2005-8-31 04:53 AM 發表
回應紅勇士的最後一句

你的去留係我地同你自己的決定
你所做事的並不是危害緊本論壇
請問我有甚麼理由要你走

小小經驗之談
凡事總有兩面
今日可能有好多人覺得你唔好
但亦有好 ...

當然明白, 非常了解!
同意最後一句: 如果係弄權o既話, 使乜講咁多!