無思分享--疫情係一個分水嶺(1)
話說幾年前識左位人妻,因為大家都做運動,係屋企附近既gym room一齊操,一齊玩幾組幾組輕鬆咁上,又會出去一齊學野,慢慢相處落知道佢對自己有好感,但小弟當年已有對象,所以大家保持好朋友關係就算。咁講講佢先,點樣?索正人妻一名,老公斯文人,其實係悶蛋IT一名,鐘意電腦多過女人,人妻嫁左俾個老實人先知條友對異性同性都零興趣,但雙方家庭又好滿意,因為男老實女大方,成件事係唔係好正,童話黎講係,現實係人妻乖乖工作放工做運動又靚又好身材,呢D配套搭件無性慾既老公,其實真係唔食就好嘥,咁話說同佢做朋友後,佢講因為屋企經濟無壓力,又無小朋友,實在係悶,所以有時佢會網上識人,成班出去飲野,我就當故仔聽,因為我真係無咩野可以做。時間耐左,有日佢就自爆識左個男人,發展成SL關係,我當然有叫佢小心,但始終佢心靈空虛又索,真係好難唔會有佬埋身,分別在好佬定賤男。
咁男人角度黎講條友就行運啦,因為人妻真心思想唔複雜,完全俾條友lead住黎玩,咁我充當閨密聽下人妻既喜與憂,喜既係人妻有男人寵愛,開頭好開心,點知慢慢條友原來係窮L一名,大男人又大脾氣既廢佬,充完暖男溝到人妻上床後,就開始衰衰格,人妻一開始都好開心,可惜個男人慢慢變得剩係識同佢上床,而人妻要返工,個男人會check住人妻行蹤,又介意佢日常同異性接觸,亦介意佢放學後上堂。咁我點知?我仲有同人妻做gym時聽佢呻既,我問人妻,喂,其實個男人真心廢,自卑又無風度。點知人妻講: 佢失業,壓力大遮......... 嘩,人妻自己都用呢個藉口包庇條友,我當然唔多說話,因為我做人好簡單,妳想呻我聽妳呻,妳想要意見我亦會俾,分別在我唔會做醜人,我最唔鐘意既角色係,呻完又要俾藉口黎保護佢,所以我都補充一句,妳自己知自己做緊咩就得嘞。
日復日,疫情大家都聯絡少左,到上年,人妻搵番我,之前因為疫情,大家當然無再出去gym room夾時間玩啦,而且小弟又轉左打拳呢。今次再傾,都真係傾左好多野,人妻講個人想放空下,去下旅行,唔....... 究竟佢發生咩事呢.......... HAHA....... 我知以上內容極悶,只係純分享下。有一點可以update既係,人妻終於同條廢佬分開左,睇黎都係一件好事。