慣咗有人喺身邊, 但係中秋節人月兩圓嘅日子反而孤零零一個,我嬲老公重朋友多過我! 我有問過老公,不如帶埋我出去!但係老公直接話,佢想同佢朋友單獨傾下計。
嗰日嘅晏晝,公司裏面嘅人都講緊夜晚去邊度慶祝,有啲乜嘢節目!而我,仲諗緊夜晚一個人喺屋企做啲乜嘢? 電話突然收到個message,就係 eric!佢帶我由地獄返回人間。 佢影咗張 selfie, 一張扮可憐,傻更更嘅一張自拍相。佢話佢孤零零一個,仲呃咗屋企人,會同新女友去食燭光晚餐! 所以唔返屋企團年。我問佢"咩識左第二個咩?有無好咁正?"
我即時想起 eric 可以陪我!我冇問過老公,亦唔會問!!!就直接同 eric 講,想唔想同我過第一個中秋節呢?我仲同佢講要做孝順仔,唔好呃兩老,今晚我就做佢新嘅女朋友,陪佢食燭光晚餐啦!
我冇叫佢去公司樓下等我,因為我唔想畀公司同事見到 我返咗屋企換衫,然後約咗eric 喺幾個街口外等我, 因為我亦唔想畀街坊見到!
我冇期望 eric會準備啲乜嘢,我只係想有人陪我呀!做一晚後備情人!估唔到 eric 每一次 都會送上鮮花。當時真係冧到爆!!! 上咗車 我冇問 eric 會帶我去邊?我只係同佢講我有啲攰,想抖下! eric 錫咗我一啖,當時,天未黑曬,我真係怕有街坊見到!! 但係我有幾享受 eric 佢突然之間錫我......