祝伊欣

引用:

原帖由 湯浴火重生 於 2016-7-14 11:27 AM 發表
依欣賢妹，好文呀。
雖然好少留言，不過湯佬一直有捕住你間舖，從中細閱、欣賞呢篇《戀戀馬教授》。當中驚喜不斷，尤以《雅舍情書》出場最為令我擊節。
古今之情，穿梭不斷，歷史重演。睇完我已經慨嘆世事之巧，豈為人能所創造？
地厚天高，堪嘆古今情不盡；痴男怨女，可憐風月債難償。
本來，湯佬睇文多，恃住眼角高，仲可以隔岸觀火，食霸王餐，甘心做個旁觀者（撥住把孔明扇）。
但第五集一出，真心受到感染，不禁「吐露」，「講」出喜愛之情。
前半集，賢妹借助馬教授嘅文章解說，道出「心跡」在於寫文之重要性，已經睇到你將作品推向另一層「境界」，功架盡顯，湯佬不禁喝采。
後半集進入橋段上嘅核心，不忘文章本質嘅「調味」，湯佬亦相當「食隨滋味」。
「吻下來，豁出去」。一個吻，除卻本質上嘅喜悅、享受、性興奮之外，亦係一種「心」之所表、「跡」之所達。馬教授半堂口述，半堂演示，傾囊相授，夠哂用心。
依欣亦虛心受教，勇往直前，堪稱「模範生」。
而家色文版已經無得「推薦」，但湯佬心底連撳咗三下，誠心交出。

湯師兄，久候喇－得你連撳三下「推薦」，真係無比榮幸，更勝星星加冕呀。 馬教授同伊欣同學更加係喜見知音，即使犧牲「色相」亦頓覺非常值得。

《雅舍情書》、吐露港同天人合一亭當真感染力非凡，真要多謝佢哋引嚟本來安坐「彼岸」嘅你及時趕到，一齊「賞花」呢－湯兄來得正是時候（且看第六章新人物客串出場）。

祝伊欣

(06)  啱啱遇着剛剛      「滌記，等等。」喺電光火石之間，教授皺一皺眉，嘴唇戀戀不捨咁離開我，微微側頭向門口方向沉聲應咗一句。      話音未落，「咦，文滌生教授！咁啱嘅，你又要搵馬教授呀？」Jessie急速嘅腳步聲同一把比平時高八度嘅嬌聲又响門外響起。      「道，道，道道道道道道⋯⋯道可道，非常道，⋯⋯」同一時間，黃霑豪氣嘅歌聲劃破房內嘅沉靜－螢幕顯示來電：Jessie。「咦，個ringtone⋯⋯伊欣好似喺房入面喎！」      而家，房裏邊春光乍洩，門外面十面埋伏。 眼前人眼神深邃，不改面色；但我就面紅耳熱，呼吸更加急速，真正如字面解一樣咁「手足無措」－呢個moment我正坐喺書枱上面同教授鼻尖對鼻尖，連身裙仍然喺身上，紅色底褲則啱啱「跌」咗落地，雙腳仍勾住佢大髀；而教授嘅皮帶已經抽咗出嚟，皮帶扣正握喺我左手之內，褲頭隆起嘅帳蓬响我五指微顫下早變得大而且硬，急升嘅溫度隔着西褲都透到我手心之中⋯⋯ 一滴汗從額角滲出，緩緩地向下滑落，我腦袋飛轉，䁽一䁽腳下：「頂！張實木書枱得四隻枱腳，收唔埋我，冇得匿入去避。」當我想落返地再執生嘅時候，下半身又忽然痺如鉛重，舉步維艱，反倒勾近教授向自己磨咗兩下。      「教授，點算呀？」慌亂嘅眼神正在無言詢問。 。。。。。。。。。。。。。。。。      「哈，咁都得呀？咁之後點呀？」湯少食咗啖餐蛋麵，又呷一口齋啡，望住我同馬教授笑一笑，追問道。我耷低頭飲熱奶茶，滿面通紅，又响枱底輕輕踩咗馬教授一下。      「你知我見慣大場面，拆呢啲彈難我唔到嘅，要快、狠、準，就五個字：不變應萬變。」離開學校之後，馬教授帶我出咗去行佐敦道，一邊同我講緊佐敦今昔之別，又一邊答我，到底佢初期〈佐敦道事件〉裏面「亞偉」、「亞茵」同佢細佬嘅故事，係咪真係响呢頭發生，傾得眉飛色舞，亦因為我哋一齊「經歷」咗office內嘅一幕驚險，再一齊「脫險」，格外開懷。 本來馬教授想帶我去佐敦道同彌敦道交界嘅一間茶記內撐枱腳，點知一入嚟就巧遇佢嘅Buddy，「湯少」－湯少正一個人坐喺收銀側跟張圓枱，啱啱落完單，低頭睇緊《挪威的森林》。 馬教授一見到，就趨步行去，一邊叫：「靚仔，做咩唔去葵涌，落嚟佐敦，自己一個黯然銷魂咁呀？」 。。。。。。。。。。。。。。。。         事實上，文教授亦唔係省油嘅燈，話晒同馬教授相識咁耐，「聞」到有唔對路，亦唔會輕舉妄動，危急關頭梗撐老友。 當時，教授抱我企返起身，拖住我隻手，走到門前，然後開一條門縫，掖文教授靠近，畀佢望見房內我正面紅紅咁企喺馬教授身後，十指緊扣，接住就講：「滌記，我同老頂傾緊要事，夜啲再同你斟，OK？」文教授飛瞥一下，話頭醒尾，即刻做一個OK手勢，就拖住Jessie走咗去。 「同學，馬教授開緊會唔得閒，你有咩事搵佢，我幫唔幫到你咁呢？」 文教授對身邊Jessie話。 「哦，我⋯⋯唔係幾知篇小說要點寫，所以想嚟請教下馬sir咁之嘛。」 「佢而家忙緊，我得閒，不如我教你吖。」文教授一邊講，一邊䁽眼見到Jessie一手拎住部電話，一手攞住兩本自己嘅小說。      Jessie本來Reg科就想揀佢嗰班，雖則轉咗軑，但平時上落堂經過課室，都成日走去「昅」下隔籬班房，可想而知佢聽到文教授呢個「單對單」課後補習offer，係幾咁之興奮緊張，莫講話連我嘅電話鈴聲都唔記得埋：「好⋯⋯好呀！其實我本來都想順便嚟，搵你幫我簽名㗎，嘻。」 。。。。。。。。。。。。。。。。     「哦，抛返個炸彈畀滌記。 啱嘅，去到嗰個位，俾佢知道反而對大局有利，至少佢企喺你嗰邊，唔會再同你添麻煩。」 湯少一臉雲淡風輕咁笑笑。      「我有下場要趕，唔阻你哋喇。老馬，遲啲再call你。Byebye！」湯少坐多咗陣，聽完教授講起我哋嘅「歷險記」，對教授單一單眼，就起身告別。 穿過鬧市人群、一盞盞霓虹燈、大街小巷，望住身邊嘅車水馬龍，教授一直拖住我手唔放，同我一齊返學校宿舍。我真想：時間永遠停留喺呢一刻，不只係呢一晚嘅春宵，而係「一剎永恆」嘅「小城大事」。

～第六章完～

[ 本帖最後由 祝伊欣 於 2016-7-22 03:19 AM 編輯 ]

祝伊欣

引用:

原帖由 荊州集團 於2016-7-16 09:14 AM 發表
祝姐果然識野 , 咁小弟就繼續跳開講電影拉

1,係<月滿軒尼詩>呀 , 不過呢套戲我係衝住學友去睇 , 而唔係湯少姐
... 歌神識唱歌就係人都知拉 , 但我覺得佢D戲其實都好好 ,
尤其係演小男人 , 我大膽咁講演小男人 , 係香港根本無出其右!!!

2,杜SIR D戲係唔錯 , 不過我唔係好岩佢果種風格... 太少對白拉 ,
我反而OK爾冬陞 , 佢既<門徒><新宿事件>我一直奉為經典

歌神雖然亦係演戲實力派，哈，不過世事弄人，偏偏當年佢係票房毒藥呢？荊兄講起佢「小男人」嘅演繹，叫我不禁諗起另一極端－佢响《東邪西毒》嘅豪俠造型：



呢種佬味，其實我好buy，即使拍响哥哥同梁朝偉側邊，都唔覺輸蝕，各有神韻呀。 但傳聞响呢套戲某個場口，王大導捉住學友連拍咗五十幾take，搞到豪俠鬼咁冇癮，自此兩人冇再合作添，真係可惜。

講到口味嘅嘢，觀眾梗有喜惡取捨，但真正嘅 ”style” 就係大師級先會有，學識點去欣賞，其實都係觀眾嘅功課同修養，⋯⋯呢啲伊欣都係唔多講喇。  話說回杜sir，話晒佢係香港電影教父（沒有之一），如果未曾刨過佢至少六、七套經典，都真係唔敢自認係熱愛「第八藝術」之人呢  見荊兄講起「小寶」，我耳邊就「無情情」響起一首歌－前年佢套《竊聽風雲3》嘅土豪買醉版〈共你痴痴愛在〉。 嘻，點歌仔時間，順便响處重播下，結束以上「星期日戀戀收音機」節目先

LINK: https://www.youtube.com/watch?v=iRu_g3Kc9LA 《共你痴痴愛在》 作詞：黃霑      作曲：顧嘉煇 青山原是我身邊伴 伴著白雲在我前 碧海是我的心中樂 與我風裡渡童年 當初你面對山海約誓 此生相愛永不變 想不到海山竟多變幻 再也不見舊時面 是誰令青山也變 變了俗氣的咀臉 又是誰令碧海也變 變作濁流滔天 風中仍共你痴痴愛在 未讓暴雲壞諾言 即使那海枯青山陷 與你的約誓 也不變遷 靜靜雞按： 痴，亦作癡，《說文解字》謂「慧」之相反也。

引用:

原帖由 過路人文迪 於2016-7-16 02:25 AM 發表
教授曾經響佐敦起哂朵，當年長樂街仲係 Peter 仔既馬彼德有邊間的士夠格唔識佢吖

迪迪，「馬教授」係就係起晒朵，不過此「朵」不同彼「朵」，你咪「屈」佢做夜蒲史傳奇嗰個長樂街Peter仔好喎，伊欣會心酸㗎

引用:

原帖由 鋒馬故如雲 於 2016-7-16 10:45 AM 發表
話時話，我都借用咗套戲既「金句」，『今日我生日，我話事』連續用足六個月，食女食足半年
都係多得呢部戲。。勁抽之處，我係跟同一條女講既 :smile_34:

:'):'):')

祝伊欣

引用:

原帖由 湯浴火重生 於 2016-7-16 01:49 PM 發表
巧遇，啱啱遇着剛剛。本來文教授嘅出場係危，但隨即轉為機，好幫呢對如火如荼嘅戀戀師生解困。

好學Jessie係女，無陰囊，梗係唔知文迪兄先前所引用過Peter Chu嘅一句名言 :"You disturbed by fucking, your spring pocket will be barbecued."

所以，好學Jessie亦算逃過一劫。

霓虹燈夜色下，湯少驚喜串場，毫無違和感。叫我想起鄙人喺篇拙作《醜美人‧老闆娘》都曾出同一手法－－十年後，湯佬攜同細姪女Angela重遊故地，加插一段「現在進行式」。

湯少所食嘅麵，所飲嘅啡，所睇嘅書，所表露出嘅孤家寡人愁緒，都叫我完全Catch up依欣賢妹嘅觀察入微、順手拈來。

文末，宛如梁、韓璧人般留世脫俗，二人牽手穿梭鬧市，大有眼中只有對方之態，浪漫之極。

福禍相倚，笑中有淚，危亦有機，時時只在於一念之差；從另一方面睇，最美麗嘅火花亦往往喺呢一念之間迸出啊。 所以，故事，人生，實在係有無限可能性。



嘻，多謝晒湯兄同迪記幫手落註腳，中英對照，收雙倍之效，等我再配圖一張，睇怕都聲畫俱備喇啩？ 阻人扑嘢燒春袋， Jessie固然唔曉，就算知亦燒唔着佢－好彩文教授知，咁就夠喇。 將心比己，彰顯人性嘅光輝呀。

實不相瞞，第六章加插茶記巧遇湯少一幕，以及用兩個時式交叉嘅寫法，失禮了，正是伊欣向湯師兄《醜美人．老闆娘》一文致敬嘅小小心意。 還請賢兄笑納。

祝伊欣

引用:

原帖由 鋒馬故如雲 於 2016-7-17 08:05 AM 發表
哈，話時話，畀人「爆門」呢啲「小型彈」已經好耐未發生過 :smile_30:
記得頭幾次係十＃歲喺屋企同條女搞緊，有人返嚟喎。。。:smile_14:
當年都已經拆得掂，何況今日呢

文教授當然係「高手」（又或者經常「低手」下插）摸西，多過我摸自己賓周啦 :smile_46:
見到佢即時點帶 Jessie 走嘛？係「拖著」佢走㗎。。第日仲可以入馬教授數，話係「幫」
馬教授，所以先「拖著」條學生妹咋，條友好有「散餐」運

嗯，「飽暖」喇？ 返宿舍？ 。。會由前門。。還是。。。返宿舍呀 :smile_30:。。又擒上
窗口入呀

雲哥哥，點唧？ 唔夠喉呀？ 要人哋女仔人家畫公仔畫出腸都有嘅？
窗口嘅嘢，入過一次就夠晒「深刻」，用不着故技重施啦

文教授同Jessie條伏線就求其埋咗响度，唔會就咁由佢完嘅。而快樂嘅時光過得真係快，《戀戀馬教授》十二章都已經播映咗一半－「起、承、轉、合」，亦係時候進入第三階段喇，嗚⋯⋯伊欣已經有啲唔捨得添呀:')

祝伊欣

(07) 性愛研習crossover      「我同Joseph散咗喇。」Jessie同我一樣「天地堂」中間嘅呢段時間冇乜細藝，而家並肩坐喺宿舍山後嘅石級上，一邊拎住份突然改為assignment嘅mid-term測驗卷討論，一邊閒聊少女心事。 Joseph雖則外貌上青靚白淨咁，又係有錢仔，摱車邊算做「金玉其外」，但係好遺憾，佢早洩，實難想像佢同「大食」Jessie性生活協調得到；而佢份人又冇內涵，咁就慘喇－性事方面已經乏善可陳，想「神交」下都唔啱層次，先至係致命傷。  話雖如此，聽到Jessie忽然咁平淡，帶點憂傷而愉悅咁嘅語氣提起佢撇咗Joseph，我都不禁有些少意外，心諗：Jessie嘅拖泥帶水症素來嚴重，突然會扚起心肝斬纜，最有可能都係因為有「第二個」啦。      果然，兩年宿友生活所能培養嘅默契並唔係講笑嘅，當我擰頭，仲未回應，只自然地將眼光從手上份「試卷」轉移到Jessie面上，佢似乎已經可以從我微微瞇起嘅雙眼，同兩邊淺淺嘅酒粒，諗到我諗緊啲咩：「Well, kind of啦，唔係你諗嗰種⋯⋯我仰慕佢、鍾意佢，but you know what？當我哄近佢－到真係好近嘅時候，佢無名指上面隻戒指，閃醒咗我。嗰一刻我哋先啱啱迷迷糊糊搞完嘢。 之後我仲好蠢咁問咗句：『咁我哋算係咩關係？』佢答我：『親密關係。』我屌。」      「哈，」我跟住Jessie苦笑一下，又更加覺得好奇：Jessie又唔係話濫交嘅女仔，不過，而家時代係唔同以前喇，只能話佢本人係十分支持「Friend前性行為」嘅「新世代情慾自主女性」，easy come，easy go；識佢以嚟都未見過佢咁樣嘅，唔通呢啲就係傳說中嘅「沉船」？ 定抑或佢走去苦思馬教授畀嗰份「愛」的功課，諗到「走火入魔」，傻咗呢？  我一諗起馬教授，嘴角又不自覺向上揚，諗起前兩晚徹夜纏綿，面都開始變紅咁滯。 但係Jessie並無由得我跌入去回味嘅漩渦，當頭棒喝一句：「咁你呢，伊欣？ 你唔好當我咩都唔知喎，呢排晚晚咁夜返，個樣又姣屍櫈篤咁，蜜運緊呀？尋晚仲俾我斷正聽到你睏响度練習⋯⋯」      「嚟，我幫你含撚，丫。」      無錯，就喺我自己好認真「練習」緊講呢句說話嘅時候，Jessie返咗入房聽得一清二楚。 「妖，咪扮我啦，有咩咁好笑呀？」我即刻妖停Jessie，心諗我都係太過投入，先至搞到旁若無人啫。 「我知『佢』鍾意聽我咁講，但係我講唔慣，所以想預先練習定。」 「咁點解要係哩句呢？」Jessie反問。 「含撚同吞精，都係愛嘅表現，男人都鍾意㗎啦。」 「唔係，我明，我意思係除咗『我幫你含撚』之外，好似有『好』啲嘅代稱咁啫。」 「Alright，我洗耳恭聽。」事實上，我都好想知道，點樣先能夠言語上保留嗰種赤裸裸嘅欲望之餘又唔使咁露骨，兼有感情嘅成分。 於是我托住腮，趣味盎然咁等Jessie指導。 「嗱，『含撚』，科學啲就係『口交』，英文就oral，blow job， “I’m gonna suck your dick babe ”，嗱一轉channel係咪即刻exotic又erotic先？⋯⋯你鍾意文藝啲，就『吹簫』，摩登又卡娃兒啲，就『食腸腸』，想前衞啲，就⋯⋯」Jessie顧住吹，吹到詞窮，一時都接唔返自己。 「咁，你不如又講下除咗『含』之外，又可以點啦？」我掉返另一個字畀佢解困。 「呵－含、吹、舐、啜、索、抛、篩、磨、擰、揈－十項全淫呀。」Jessie一路用手指數住，數到十隻啱啱好；少咁個字，都幾乎以為佢唸緊「九字劍印訣」，臨、兵、乜乜陣列在前咁添。「呀才女，你估你『對』唔『對』到呢十個字吖嗱？」 「唔難吖，只要嗡返個男性版就得啦：摸、搾、挖、搗、扑、鋤、推、抽、插、舂。」 「咁都得呀？好嘢好嘢。⋯⋯老老實實，邊個幸運兒係你新男友呀？講嚟聽下啦，我識唔識㗎啫。」Jessie追問，想將話題兜返轉頭。 「男朋友？」 我呆咗一呆，趁Jessie未捕捉到呢一下反應之前又接返住上句：「你唔識嘅。」同時心諗：你同「佢」又真係唔算「相識」吖嘛，知音者誠希。 「咁，你同『佢』又安唔安全㗎？ 咪話我長氣嘞，打真軍都要睇對象，小心啲呀。」我藉機又將個波抛返畀Jessie，擢下佢嗰邊究竟咩料。 。。。。。。。。。。。。。。      有口話人，無口話自己，就係我。 嗰晚，經過兩重「波折」之後，我哋終於可以喺無人騷擾嘅軟綿綿大床上繼續做未完嘅事。 教授狂野而溫柔，以一隻手指喺我陰蒂上打圈，繼而用兩隻手指有節奏咁交替輕敲、捽、揉，用不着第三隻手指，我就決堤，氾濫而擋不住嘅，係愛。 「Babe，you look so sexy now。」教授嘅耳語，令我感覺置身雲端。 「咁太、咁太、咁實在係太刺激喇。」我一臉迷離。 「我嘅寶貝，好濕啊。」教授一臉滿足。 「濕咪可以幫你⋯⋯滅火⋯⋯囉。」      教授曾經停低，想戴返個套－佢係關心我嘅男人－不過「今日好安全，唔需要」，因為即使得0.02嘅距離我都唔想有。 其實，「愛液」形態上係似「溪水」，本質上則似「火水」多啲，調返轉「助燃」而唔能夠「滅火」；當佢捉住我手、引領住佢嘅鐵柱叩門，然後在一片濕漉漉之中，龜頭慢，慢，撐，開，進，入，陰暗潮濕嘅小道，嗰種真正靈魂被漲滿嘅滋味，令我目眩神迷；飛揚到節制，這樣就有了年紀。 女人，其中一個，教授生命裏面，有我。   。。。。。。。。。。。。。。。。。。 「我識㗎啦，第一日出嚟『行』咩。」我預咗Jessie會駁嘴，當然佢都知我都只係出於關心先多口兩句。 。。。。。。。。。。。。。。。。。。      而事實上，當感性焗暈理性嗰時嘅Jessie，根本會將所謂「江湖規矩」統統抛諸腦後，而且，佢發現原來自己好樂於咁做－可以從中得到「忘我」嘅感覺。 喺文教授同佢「補完習」之後，佢哋就坐的士去咗酒店－當然係「食嘢」啦，唔通去「睇電視」咩？ 文教授同Jessie，由浴缸，玩到圓形大床上，床邊，梳妝枱前，前後不知幾多Q，口爆，顏射，中出，一晚內就試勻晒。佢有要求過文教授戴condom咩？佢無。      伊欣並唔知Jessie此時講緊嘅「佢」原來係「文教授」；同樣地，Jessie亦唔知伊欣諗緊嘅就係「馬教授」。 大家各有心事，猶猶疑疑，只望彼此心照不宣，最好凝蕩响不確定嘅半空之中，由得鍾意鑽牛角尖嘅人先繼續去猜測。

～第七章完～

[ 本帖最後由 祝伊欣 於 2016-7-22 02:51 AM 編輯 ]

祝伊欣

引用:

原帖由 過路人文迪 於 2016-7-18 10:36 PM 發表
Miss 祝，

我有個疑問，的人成日都話吹簫，但據我認知，橫簫就直笛，響我偷睇老豆的咸片既時候，明明的女主角係直吹，咁其實係唔係應該叫做吹笛咁呢？

成日裝妳底裙的
小明上

好學嘅小明：


丫，咁多嘢你唔問，獨對「吹簫」有性趣，打爛沙盆問到篤添，真係孺子可教喇。 好在姐姐兩種「簫」都吹過，就分享兩句，僅供參考咁喇，唔包百分百準確嘅。

廣義嚟講，查實「笛」同「簫」就「橫豎」都係「吹」嘅啫。 雖則你偷睇老豆嘅嗰套咸片，女主角係「直吹」，但姐姐都有聽聞過有啲舞藝高強嘅AV囡囡係「打橫」擺入口㗎。 世事無奇不有，天外有天，人外有人，所以，我哋任何時候都要保持開放嘅思維，想像力先可以翱翔「九萬里」㗎。

而根據我國民族樂歷史，查實「笛」、「簫」最早期嗰時「不用分那麼細」，可以混為一談，而裏頭亦都愈益發展出更多種類，不但有南有北，仲有長有短，有大有細，有粗有幼，有單管有排狀，歷史好乸悠久lu，可以遠溯至遠古傳說，同漢代以後嘅文獻記載－咁呢啲嘢姐姐就唔响處贅述喇。  Technically，姐姐可以肯定咁話你知，現代民族樂器必定係以「橫笛直簫」呢個概念為準嘅－換言之「笛子」係打橫吹，而「洞簫」先至係打直吹。 咁何解又有「橫簫直笛」之稱，則實全賴廣東一帶玩開粤劇嗰班人留落嚟嘅傳統：「橫簫」者，其實正是「笛子」（笛子猶如打橫吹嘅簫）；「直笛」者，實質係指「海笛」，「海笛」亦即嗩吶，「D打」是也。 姐姐曾經因緣際遇响粤劇樂團裏面客串混過下，知道「笛子」同「嗩吶」音色清脆兼穿透性強，同敲擊聲部齊齊擔大旗，好威水，比拉弦彈撥更為重要㗎。

樂器方面，橫吹嘅「笛子」需要貼塊「膜」响「膜孔」之上才能發聲，有時咁啱無「笛膜」喺手，用膠紙頂住先亦都得㗎，不過塊「膜」實係畫龍點睛個「睛」之所在，因為有佢，笛聲先至可以咁響亮、咁有穿透性。 舉個例，即係一位笛子高手老前輩，喺單人匹馬一支笛嘅情況，係絕對可以企响紅館舞台正中央唔需要用咪嚟演奏，都可以令全場任何一個角落都聽得清楚㗎⋯⋯ 「簫」，就係另一個故事喇：佢同笛子唔同，係唔用「膜」嘅，並且係打直吹嘅；笛就有短笛小笛，但簫嚟講，一定有返咁上下長，音色相對柔和典雅，可以寄託寧靜悠遠嘅遐思，表達細膩豐富嘅情感，正如蘇東坡形容「如怨如慕，如泣如訴」，與同係「直吹」嘅「牧童笛」不可同日而語；而簫聲正因為音量細而內向，所以，吹簫者嘅對象唔係大庭廣眾，相反只係自己，以及眼前知音，所以「笛簫之別」，又與「古箏、古琴之別」同理。 係咪好鬼浪漫動人呢？

再根據以上瀨過嘅些少文字考究，我哋有理由相信「吹簫」呢個term係由啲熟讀唐宋文學嘅文人攞嚟「借喻」，因而擴充業務到情色界發揚光大嘅。 因此，依姐姐之見，「吹簫」實在不宜亂改為「吹笛」喇。

祝橫衝直撞，口技日進


伊欣傾情回覆

祝伊欣

引用:

原帖由 lololololol 於 2016-7-20 12:17 AM 發表
樓主 去做 小說家 吧 你因該有機會 出本 超越 格雷的。。。 作品 我深信  根本就 先天才華 。。。。

師兄盛讚，實太抬舉，叫我惶恐咯:')  先唔講我支筆入唔入流，人生，最緊要都係際遇，一命二運三風水，四積陰德五讀書啊⋯⋯成功湊帶哈利仔、帶壞Ana玩SM仲寫到發埋達嘅女小說家，絕無僅有，伊欣豈敢發夢吖。

拿拿臨擔多張櫈請你上座先，若師兄繼續收睇伊欣處女作《戀戀馬教授》，得閒賜教兩句，我就已經十分滿足喇。
衷心感謝支持。

祝伊欣

引用:

原帖由 過路人文迪 於 2016-7-20 12:39 AM 發表

多謝 Miss 祝傾情瞓身兼老鏈咁長....詳細咁黎回覆我，果然聽欣一席話，勝讀萬卷書，小明經已深深體會個中分別，就等小明馬上坐言起行，即踩大南街展露我支牧童簫黎比笛翠蓮去演奏一番先。

咦咦，小明咁都未瞓着覺，仲即刻走去搵人蕭小姐示範吹奏技巧呀，記得帶夠錢喺身喎。 （唔知「秀秀」口技好啲，還是翠蓮姐更勝一籌咁呢？）

祝伊欣

引用:

原帖由 過路人文迪 於 2016-7-20 01:07 AM 發表


睇清楚, 係 "笛" 小姐, 後生的, 貴的架 :smile_30:

哦，係喎，「我吹故我在」嗰位「笛卡娃兒」小姐呀嘛