colorsmissa

support

湯浴火重生

引用:

原帖由 鋒馬故如雲 於 2015-12-26 12:18 AM 發表


馬雲常一句「人到境界自然明」。。清水一杯亦是甜

炒股有芸：初級者，「看山是山，看水是水」。高級者，「見山不是山，見水不是水」。
唯而脫離級別者，「無山亦無水」。但亦唔再注重成敗得失。
所以，都係 ...

年紀大咗，經歷多咗，眼界亦會唔同。四個字，反樸歸真。

好多時見到一啲再普通不過嘅人與物，亦會識得欣賞。

就好似茶記同快餐店嘅一碟餐蛋飯配鼓油汁，屌，好味到暈。佢嘅吸引點邊單止係平同醫肚。

同時，男睇女，女睇男都係，外表／身份往往都蒙蔽咗好多精彩嘅地方。唔係話唔好睇樣，而係，唔靚嘅樣，亦有欣賞之處，更重要嘅係要去放低成見先。只要有呢個心，往往都會有意外收穫。

好簡單，上網識一條女，佢SEND張相畀你，你一睇，唔多靚，仲可以話係有啲扒。即係通常喺街都會撞到廿零三十個嗰挺。但，三九唔識七，人咃都肯畀相你睇，背後之意，係幾咁廣闊。當你存在呢一份珍惜嘅心，再去睇返張相，感覺亦會唔同。

好與壞，一念之差咋。

所以，茶記老闆娘，湯佬會珍惜；大肚人妻敏如，湯佬亦會珍惜。

聽晚會上第七集。

[ 本帖最後由 湯浴火重生 於 2015-12-28 12:22 AM 編輯 ]

monko

I love pregnant girls. Very nice!:smile_40:

bgf4se1f

請繼續分享給大家~~~~3Q

























[ 本帖最後由 bgf4se1f 於 2015-12-28 10:01 AM 編輯 ]

湯浴火重生

引用:

原帖由 monko 於 2015-12-28 09:55 AM 發表
I love pregnant girls. Very nice!:smile_40:

哈哈，有眼光。:smile_04:

多謝支持。

湯浴火重生

　　下晝兩點半，我坐喺廣華醫院嘅婦產科候診大堂度，愈嚟愈後悔。

　　我諗，自己係平生第一次畀咁多大肚婆包圍。而且最奇怪嘅係，我竟然唔興奮，甚至無扯旗。

　　唔係質素嘅問題（指班大肚婆），更加唔係因為有過半數嘅大肚婆都有老公喺側間陪住（咁小事唔會打擊到我性慾）。而係因為而家嘅情況，先至係所謂嘅現實世界。就算，我有幾鍾意啲大肚婆都好，呢一刻嘅心情，我都無辦法分出心神去欣賞。

　　我耳邊聽住佢哋同自己老公或朋友閒話家常，仲時不時用眼角向我呢邊掃過嚟（一個男人坐喺度唔知做乜？等緊老婆？），居然有心理壓力，或者係話，作賊心虛。

　　我呢個「賊」，仲要衰到未搵到自己個「客仔」。我不時留意呢度每一個大肚婆個樣，但無一個係敏如。至少，我認唔出。因為呢，前幾年嘅「沙士」已經培養咗市民去醫院要戴口罩嘅公德心，更莫講話係而家陀緊Ｂ嘅呢班大肚婆，着咗九成都笠住個罩，而家靠對眼認條眉毛咩。

　　佢無嚟？或者只係耍我？尋晚隨口鳩噏話自己嚟產檢？甚至乎，佢唔係大緊肚？張相唔係佢？玩鳩我？佢唔止唔係大肚婆，仲要係男人嚟？我呢兩個禮拜都係同緊基佬玩Cyber？

　　呢度嘅大肚婆，川流不息，個個都好似複製人咁。呢頭坐低又到呢頭起身，有啲入咗房又好似無出過嚟，有啲好似無入過房就走咗去，想要去認得邊個打邊個都幾難。我惟一有印象嘅就係坐喺我左手邊嗰個貌似吳綺莉嘅大肚婆（佢係少數無戴到口罩嘅大肚婆）……屌，佢隔離個老公居然都有幾分似成龍。

　　當然，我都有留心聽廣播器，聽下會唔會有叫到「敏如」呢個名。但我聽唔到，而且，我亦唔敢百分百肯定「敏如」係真名（雖然佢話過係）。

　　湯佬，你從來都唔打無把握嘅仗㗎，做乜今次衰成咁？而且，就算畀你見到敏如又點？相認？話同佢玩Cyber玩到High哂，所以專登咁戆鳩走嚟撞佢？

　　湯佬，究竟你知唔知自己做緊乜呀？

　　其實……我係知嘅。



　　喺醫院嘅7-11入面，排完隊到我買嘢，我一片茫然咁望住收銀員嘅背後，啞口無言。

　　「先生，你想要咩？」

　　「……大衛杜夫。」

　　「先生，呢度無煙買㗎。」

　　「啊。」我居然醒唔起，醫院嘅便利店係無得買煙嘅。

　　差唔多成廿年無食過煙，而家想整返支，但都係買唔到。今日，真係做乜都唔順。

　　「先生？」收銀員催。

　　「增值五百。」我喺銀包拎張五百蚊出嚟，求求其應付就算。

　　「好，拍卡丫。」

　　八達通「嘟」一聲響完，我身後面就傳出一陣電話鈴聲。

　　一段失落嘅配樂，令我即時諗起《THELMA & LOUISE》（末路狂花）呢部電影。首配樂，係Hans Zimmer嘅《Thunderbird》。

　　邊個咁知音？我下意識回頭望。

　　着住孕婦裝嘅敏如，手搾住一包奶，同我四目交投。

　　《Thunderbird》失落嘅結他聲，喺我同敏如之間持續響起，無中斷到。



　　其實……我係知嘅。我渴望愛，我心底裏渴望愛。無論段愛係幾咁崎形、幾咁違律，我都渴望緊。




[ 本帖最後由 湯浴火重生 於 2015-12-28 08:23 PM 編輯 ]

湯浴火重生

引用:

原帖由 鋒馬故如雲 於 2015-12-29 09:45 AM 發表


哈，真係去咗「廣華」撞人呀 :smile_14:
想屌可以一樓一，淨出可以搵邪骨。
想見人，唯有真係沉船。。非色膽包天，真係只想尋真。

唔使喪志，無女喪志都係無女，男兒志在四方，如果無女會死，馬雲唔會 ...

人生起落總有時，而家咁撚耐就梗係無事啦，喪志唔會喪一世嘅。

不過去撞人，為性亦係主要部分，只係未到全部。一樓一同邪骨，邊及得有交情嘅勾搭咁吸引。只係，當涉及情，一切都變得唔單純喇。

湯浴火重生

引用:

原帖由 loyanpai303 於 2015-12-29 09:55 AM 發表


其實好配服，我連去o個 d 識人網都吾敢去   :smile_o05:

有咩唔敢？屌，衰咗又唔會少條毛嘅。

不過如果lo哥有老婆，畀佢發現之後就可能會少條啫。