其實當我拖住WENDY手一刻, 我即時知錯(的確, 我果時覺得自己玩大鳥, 玩得太大), 我想縮手, 但又怕當時人鑑介, 我點好, 硬著頭皮吧. WENDY無甩開我隻手, 佢隨我引領下, 企左起身, 行出了第一步.
DANCING FLOOR好迫, 迫到只可企係外圍, 我扮晒無野, 隨住音樂扭動我那生硬的身體, WENDY呢, 對住我一路笑, 因為音樂實在太強勁, 我將頭移到她的耳邊 :-
我 : 郁下啦, 反正都係度, 唔郁更怪啦
W : 我都唔識, 睇住你都覺得開心啦
我 : (我扮左個鬼臉)
係音響及剛才酒精的的引動, WENDY開始放鬆自己, 慢慢亦都有隨拍子晃動, 呢個時候我班豬朋狗友亦來到, 佢地估意將我迫到WENDY身邊, 我向佢地報以目光, 示意佢地唔好玩, 呢個時候, 有個朋友提議, 行入去DANCING FLOORING中間, 佢咁講, 我已經知佢地想行入D溝女, 好遺憾, 有客人係度, 我要顧我自己儀態, 唔可以咁做. 班死仔當然唔會因為我拒絕而改變呢個行動, 咁佢地有佢地轉入中間, 我就繼續同WENDY企左係外圍, 過左一陣, WENDY係我耳邊問我 :-
W : 你班朋友呢?
我 : 佢地行晒入去中間啦
W : 咁迫!? 點解呢?
我 : 入邊情緒會再高D
W : 你唔跟埋入去?
我 : 唔好啦, 你係度, 我有責任TAKE CARE你
W : 咁我同你入去咪得囉
我 : 你講真 (其實我好唔想, 好想佢話走先, 我果晚好唔自然)
W :係呀, 我都想試下入面咩感受
我 : 咁好啦 (唉.............)
好無奈, 我就帶左佢轉入人潮中, 去開CLUBBING既朋友都知, DANCING FLOOR係有幾迫, 基本上高峰期可以迫到雙腳離地個人都唔會跌落地下, WENDY一直緊貼跟係我身後面, 我阻好努力格開眼前既人, 佢跟跟下可能好唔習慣又或行得唔隱, 佢拉住我衫尾, 我感覺到. 當越係走近中心位置, 就越迫, 呢個時候, 佢企唔隱, 推左我一下, 我好自然回身托一托佢, 佢企返直, 示意自己無事, 正當我轉手想繼續行前時, 佢今次拖左落我手腕度........(唔係呱, 你係唔係拖錯左呀!?), 咁我繼續啦, 唔通甩開佢咩, 無機耐, 佢隻手落左落我隻手上面, 拖住左我......(呢之麻煩囉, 我心入面想)
講真, WENDY果晚著得好靚, 但只係合去返工, 如果去夜店, 就實在係太保守啦, 再加上樣貌同年齡, 其實係果個環境下, 佢真係慘晒.(我咁諗覺得自己好衰!) 終於行到去中間位置, 見到我班狗友, 佢地正在圍住兩件"甜品", 我拖住WENDY行埋去, 其中一個見到我地拖住, 即時係我身邊, 大大聲講"有人今晚好快搵到食" 我真係好想丙佢"死仔唔好亂講野................" 我無理佢地, 我自己同WENDY玩(心入面一直咀咒佢地), 良久, WENDY首先開腔 :-
W : 你成日出來玩?
我 : 唔係, 睇情況啦.......
W : 等你老婆唔係香港果時
我 : (我笑住點頭...........係要踢爆我)
W : 其實我都好悶, 有時都想搵D朋友出去飲野, 但係D朋友都結晒婚, 都推我
我 : 哦.......係咩!? (我唔敢比反應)
W : 第時如果你去玩, 我就到時間, 我都想JOIN (唔好啦, 我唔想囉, 我同你只係朋友咋...............)
我 : 無問題呀 (好唔開心, 果一刻)
W : 但係我老公係度就唔方便 (佢的確好多野都要交代得好清楚, 唔知係唔係工作關係)
我 : 我明白.........
我一路裝作自己好投入音樂, 一路要保持儀態同照顧WENDY, 相反佢玩得越來越投入, 笑得好開心, 亦都越貼越近, 近到個胸已經貼住我.............我有D唔好意思, 縮一縮, 點知佢用手又捉我手臂 :-
W : 可唔可以捉住你?
我 : 可以...........(你咁問, 唔通我話唔好咩........)
W : 我怕自己會企唔隱
我 : 我明白 (扮明扮笑)
佢捉住我手臂後, 佢無保持距離, 相反係又越貼越埋, 又再一次個胸貼住我, 我好自然望住佢, 跟手講左句"SORRY", 佢無理我, 只係笑左一笑, 攬左落我度, 我最唔希望見到既情況發生左, 我應該點好!? 點開佢, 可能生意都無得做, 唔推我又覺得對唔住自己, 我從來無試過去CLUBBING去得咁煩惱, 呢個時候 :-
W : 可唔可以攬住你?
我 : 可.......以........
W : 攬住你好舒服
我 : 係咩......
W : 你比我攬住得既啦
我 : 哦.....好 (我比佢攬住, 郁都唔敢郁)
時間過得好慢, 已往去CLUBBING, 老是覺得時間唔夠, 今日呢!? 好足夠, 還有就是足夠得太過份. 最終! 我終於忍唔住, 提出"不如走啦!", 好在佢接受左我呢個提出. 佢拖住我離開夜店, 到街上WENDY甩開我隻手(我甩難啦...............) 我叫左部的士, 想話叫司機車佢返屋企, 點知佢未上車, 已經叫我送佢返去......................! 上到車, 佢有挨係我身邊 :-
W : 剛才SORRY呀, 我唔想比人見到我拖住你, 怕有熟人
我 : 我明白 (唔好拖最好)
W : 要你送我返去咁遠, 唔好意思
我 : 唔緊要, 男人應該做既
這一程的士, 我覺得坐了好耐, 終於到佢屋企, 我好開心, 送佢落車, 拿拿聲上的士走人, 心入面好開心甩難時候, 我電話響..........................待續
[ 本帖最後由 Alden72123 於 2013-12-9 02:54 PM 編輯 ]
