我跟P的第二次冷戰, 時間日子實在太難過, 佢有佢飛, 我有我忙, 佢係香港時, 有時我收工後, 都唔想返屋企. 但我曾來無因為冷戰, 做過任何對唔住P的事.
還記得一次, 她又飛了, 我約了朋友去飲酒, 很早我就有點醉, 帶著半醉的身軀回家. 在路上, 有人在派宣傳品, 我隨手接了就回家. (當時派的是CONDOM, 當時唔知, 到出問題先記起), 之後回家後又隨手掟到一旁..............(活該)
這次P回來後, 我還不知道發生什麼原因, 對我更冷淡, 當時我以為她還在為上次的事發脾氣. 一直我兩都是這樣的因為一口氣, 沒太理彩對方. 這天P又要飛了, 飛PARIS. 我沒送她出門, 我照樣在她離開後, 約朋友去浦. 直到我收到一個電話, 一個八公的手提電話,(點解係八公, 因為佢真係超八, 但又同我好老友), 老友打來, 聽筒中傳來欲言又止的聲音, 我有點不耐煩"你快D講啦, 做咩呀?" 老友打開話題"你條女係唔係飛巴黎?" 我有點出奇" 係呀, 你點知?" 老友"我去巴黎做野, 同佢同一班FLIGHT, 我坐BUSINESS, 佢見我唔到, 出左閘後, 我見佢同個空少有講有笑一齊走" 果一刻唔知點解, 我即時想到KELVIN!!! 我扮無野"可能同事, 一起走, 好正常, 佢要STATE一晚先返, 唔會既" 我老友見我無反應, 加多兩錢肉緊"唔係呢, 條仔幫佢拖行李, 同埋我見佢手度拿住個買完野既紙袋, 似係禮物咁既, 老老實實, 你自己執生, 有咩野我再CALL你" 老友掛線, 我個腦就一直亂諗野, 最壞時, 諗到P同KELVIN已經在床上.....................
男人就係咁, 每每將事情諗到最壞, 當時我心情好像已經肯定左P同KELVIN一齊(今日諗返我覺得好好笑), P回來後, 照樣地跟我無言, 我亦繼續懷疑她跟KELVIN有染, 但我一直沒有開口問, 因為我唔敢去面對, 直到有一天, P又要飛長途, 那天她出門前, 我終於開口了.
那天早上, 我一直坐在沙發上, 看著P化妝準備出門, 那天我總覺得她打扮得很刻意, 總覺得她去會情人. 我沉唔住氣"可唔可以唔做呢行呀? P覺得有點突然"你講咩呀? 點唔做呢行?" 我開始激動"唔好再做空姐啦, 我唔想無左你呀, 得唔得呀? 當時她有點不奈煩"你又做咩呀? 我要走既啦, 有咩等我返來先講" 我站直身子"我叫你唔好做呀, 你唔好再飛啦, 好嗎? 再係咁我唔知我忍到幾耐"
P回個頭看著我"咩忍到幾耐, 你講咩? 係我忍受定係你呀? 大家開始沖滿火藥味"我知你同KELVIN一齊"(我唔明點解當時我會咁講) P聽完大怒"你知唔知你講緊咩呀? 我幾時同KELVIN一齊呀?" 她話未說完我已經"你上次飛PARIS係唔係同KELVIN飛? 有人見到你地兩個" P也面向著我"你聽人亂講咩呀, 我無同KELVIN一齊起好耐啦, 你知唔知自己講緊咩? 點解你要一直唔信我?" 的確那一刻, 我真係唔信佢"你唔好再講大話啦, 我真係唔知點樣再去相信你" P好失望"如果你唔信我既, 我講什麼都無作用, 咁你繼續唔好信啦. 我知你有野隱瞞我, 但係我一直好努力去說服自己相信你, 我好失望!" 我聽後"我隱瞞咩? 我行得正企得正, 無野要隱瞞, 我唔似你!!!" P睜大眼睛"你唔好以為我唔知, 我唔係度既時候, 你帶女仔返來過夜!" 我摸不著頭腦"我幾時有呀? 我從來無做過"
我就完, P掟下手中的東西, 不知從那裡找來兩個CONDOM"呢兩個咩來既? 我同你同居之後, 我一直有打針, 有需要用咩? 點解屋企會有?"(唉......當時我還未知發生什麼事)相反我更火"你唔好屈我, 我無帶女返來, 亦都無做對唔住你既野, 會唔會係你同佢用呀?"(有時真係野可以亂食, 說話唔可以亂講, 有D野講左就收唔返)
P好嬲"你做左唔認, 已經係最失敗, 重要講D咁既說話, 我對你真係好失望!" P轉身就要拖行李離去, 我更激動"我叫你唔好走呀, 你聽唔聽到呀? 你咁趕, 為左會你個情人呀?"(當時有幾難聽既說話我都講得出. P無理我, 繼續準備離去. 當時我講左最錯既一句說話"你真係要走既話, 我......唔.......會.......再......係......度!" P繼續沒回應, 關上門就走.
P走後, 我腦海浮現她跟KELVIN的情境, 男人是小氣的動物, 再一次印證. 我沒有選擇去等P回來了解清楚, 我當時就作了一個非常錯的決定..............執野走, 很不負責咁執野走(當時覺得自己好岩, 所有錯都係P做成), 當時我快28歲..............待續
