引用:
原帖由 KIRIN688 於 2024-1-5 09:05 PM 發表
繼續三日一賽 三場心水只寫戲肉嗰場G3
另外兩場噏馬名算
第五場搏光頭蘇馬房Q
尾場紅愛舍搭桃花雲
第七場G3直路賽預計維港智能狀元及第呢啲喺前面放步速估計快 繼續向後上馬埋手 白頭佬一對威力奔騰同賢者無敵都係 ...
尾場千六亂局,舞林密碼上仗大後上力鬥神虎龍駒,改跑法表現進步,實力有證明,增程則不詳。新力高升雖連番失望但上仗第四仍實實在在壓倒桃花雲,第三的越駿歡欣再出補中,加上頭馬中華盛景重回千六抽好檔亦有機會。
另講兩場。第三場四班千四,重磅馬較惡。大數據贏完又贏仍在四班,當然要揀,上仗雖不算輕鬆而還可以,今次重磅兼外檔,秤先但非機會壓一。天行健上季評分高未曾入位但所負不遠,上仗今季初出三班追得近,現落四班應稍超,爭勝份子。紫荊綻放上仗初落四班前置二疊跑第四,先過馬主雄風一個馬位算表現不俗,今次檔位轉佳預期貼欄放頭或第二位會有更好表現,兼顧。
第六場四班泥地千二。鑽飾璀璨上仗同程一放到底輕勝,加分後用鍾易禮抵銷加磅,跑法簡單,排中檔仍可望再捷。大眾勝利上季落四班試一仗後次仗得手,今季似有相同部署,上仗蝕形勢追得勁,比上季落四班一仗更佳,今次應有好表現,前駒的最強對手。寶麗生輝及駿皇星上仗串Q,後者上仗排大外檔追不及前者,今仗駿皇星排一檔,應可順利跟隨鑽飾璀璨,形勢大為轉好,加上寶麗生輝贏馬加分,駿皇星可反先,保險腳。