同H回程中, 我跟她都有講有笑, 的確她有一點P的影子, 特別是她的笑容配上那頭短髮, 看在眼裡, 我一顆心又飛到數年前, 在此時她的手機響起.
H : 我返緊來啦, 你要唔要食D野? 糖水? 定想要咩?
SORRY, 我遲左返來, 係, 我知……..
我好快到, SORRY……….公司D AGENT, 我知, 好快到…………..
她接聽這個電話時, 明顯地有日常沒有的緊張, 我猜是她的男友, 那個修讀MASTER的男友.
她掛線後, 我沉默一會, 再打開話題 :-
我 : 無事呀?
H : 無野, 屋企
我 : 男朋友仔呢?
H : (無出聲)
我 : SORRY, 我問多左
H : 無野 (之後她都一直無言, 我亦都懶識做唔出聲)
去到她屋企樓下, H箭步落車, 一副急趕的樣子, 說過BYE BYE就馬上走了, 我呢!? 則一直目送她的身影離去……….
隔日, 我正好外出開會, 突然手機響起, 原來是H, 手機中又再一次傳來她那副可惡的聲音:-
H : 你係邊?
我 : 開緊會
H : 開完會打比我 (命領式)
我 : 哦, BYE~~ (收佢線, 我最討厭女人命領我)
開完會後, 的確我係記得要回佢, 就因為佢既態度, 我決定唔回(我個人就係咁衰, 反正又唔係我女友), 點知我唔打比佢, 當時人已經自動送上門 :-
H : 你開完會未
我 : 開完啦, 剛坐下噗茶
H : 你有無攪錯呀, 我叫你開完會打比我, 你唔打, 我有好緊要既野搵你 (佢好惡)
我 : 咩事? 講啦
H : 我男朋友知果晚你同我食飯, 佢話我同第二個, 我話你係我公司AGENT, 佢點都唔信, 如果佢打比你, 你千萬要知點講呀
我 : 你男友又會有我NO.?
H : 佢要我比佢, 我無計, 如果佢打比你, 你千奇唔好亂講野 (佢好認真, 好緊張)
我 : 哦 (我扮到毫不在意)
佢男友有無打比我呢, 無囉! 我心想, 有邊個男人會咁醜惡, 就一餐飯打去比個唔識既人問話呀~~ 兩日後, H又打比我, 追問情況 :-
我 : 又點呀H小姐? 我有咩又可以幫你呀 (我用又, 的確係……..哈哈)
H : 佢有無搵你
我 : 你條仔!? 無喎, 有我一定丙佢
H : 你唔好玩啦, 真既, 佢嬲左我好多日啦
我 : 唔係呱 (有D咁既男人, 為呢D事嬲咁耐)
我 : 得啦, 知啦, 我知點做.
H : THANK YOU (佢第一次同我講THANK YOU)
我 : 唔需要THANK YOU, 請返我食飯啦, 一人一次
H : 你打劫呀?
我 : 係呀, 比唔比打?
H : 你話事啦, 近排唔得, 我定日子時間, 我CALL你.
我 : OK, NO PROBLEM
幾日後既中午前, 我打比H, 想話住動約佢LUNCH, 免得佢難做, 電話中傳來H的聲音, 一把軟弱無力又帶點傷心的聲音……………………..待續
