引用:
原帖由 熟女mandy 於 2024-3-12 11:58 發表 
好多男女相處都會係咁，好聽D形容就係 痛愛，有人會形容係 犯賤囉
有時候嘛, 人把口唔會承認, 但心底深處其實係渴望o係一段感情入面得到一d 痛苦先至覺得自己有愛過囉
能夠為對方承受幾多就同對佢有幾多愛成正比
個概念係好微妙o既, 首先, 你會想得到佢o既愛, 佢o既重視, 同佢之間o既甜蜜, 呢d 野相信係唔會有人拒絕
但o係得唔到o既時候, instead of 消失或者同佢分開, 你會進一步為佢付出更多,
呢個人如果對你根本唔係果種感覺o既話, 佢會理所當然無恥地全部接收, 而你則會佢收愈多你付出更加多
因為付出得唔到相應o既feedback, 於是痛苦, 但愈痛愈勇, 繼續去愛繼續去忍受
徘徊o係一個既想有日佢終於會明白然後感激然後改變, 同時又覺得冇咁o既必要, 兩個矛盾o既情緒中間反反覆覆咁
因為我愛你, 所以快樂你可以全部拎走, 痛苦o既o野全部俾晒我替你去承受, 只要見到你開心我咩都唔會怕
又想有日你可以為我免去呢種難受, 但又想繼續有咁o既身份資格去為你難受, 既害怕但又唔捨得痛苦消失
更甚者, 係將對方令自己難受o既行為當成係同佢之間o既互動或者交流, 因為佢唔可能會好好對我,
唯一同我之間可以發生o既 interaction 就係令我覺得唔好受
如果係身體上o既疼痛我可以忍, 只要唔係致命o既果種殘害其實冇野係會話受唔住囉, 瞇實對眼咬緊牙關唔出聲,
一路死忍住直到唔再覺得痛就okay, 但心靈上情感上o既痛總需要一個宣泄o既出口囉,換句話講即係搵人傾訴
局外人聽到你o既遭遇, 一開始梗係會同情你, 俾你建議長痛不如短痛, 鼓起勇氣離開佢
但你唔捨得, 一次又一次咁返番去佢身邊, 靈魂 fill 滿左難過o既情緒又到左需要搵人傾訴o既時候,
人地又一次俾你相同o既意見, 你又再一次唔聽, loop 多幾次之後其他人自然覺得你係自己攞苦o黎辛, 無藥可救, i.e. 犯賤
PS 經驗之談而已, 唔係想做上述果位局外人
