切勿跟人上車
阿茂係大機構服務多年, 得到一分無因解僱的肥雞餐.
阿茂樂極忘形, 北上風流唱生曬.
有條賊雞就埋佢身, 話自己好想去旅遊散散心, 只要阿茂包食, 唔使收費一齊玩幾日, 訓埋一齊唔使另外給房錢. 二人世界吾參加旅行團. 交通點辦? 好容易啫,包架車幾百文一日, 想去邊, 停多長都得.
阿茂計下同條女幾日一齊訓, 即係任少佢幾多鑊都得, 計下條數,免費餐好抵, 傻傻地答應.
佢約埋個賊雞一齊搭火車北上省外, 落左火車, 賊雞話有個老鄉做司機好安全, 上左部車, 就一車開到一偏遠農村被困, 全村都係賊雞自己友, 講D一句都聽唔明既方言.
賊雞話, 你剛剛收到幾十萬, 你分一半給我使, 留番一半給自己, 仲係好開心啫. 你米以為唔俾錢我養你一世, 我將你賣落黑工場, 給你雞碎咁多口糧,日做夜做無糧出, 唔聽話俾人打死, 隨使挖個洞埋左你, 做到你死果日.
阿茂連自己身處何地都不知, 給佢走出屋, 都分唔清東南西北, 點走出條村都唔識. 困左成個月,最係都屈服.
最慘係, 帶錢上去係佢老婆, 返到香港仲要家變.
阿茂最傻唱生曬話自己有錢, 更傻在陌生地方,跟人上車.
大家米以為珠三角好安全, 現時公路網好發達,幾個鐘車, 都唔知車左你去邊. 就係廣東省都有好多好偏闢地方.
