大廳休息：
水療後可換衫，換衫果度有紙內褲供應，服務員會給你同幫你穿衣，穿好衣梳洗好取翻手機後可乘電梯上休息大廳(好似係三樓)，休息大廳好大，有五星級酒店Feel，有桌球，電影區，C區是非吸煙區，但我不太喜歡，因為較偏，休息大廳有好多休息椅，椅旁有按鈕調較斜度，揭開椅扶手下有搖控，每張椅有獨立LCD電視，你可叫服務員幫你搵位，坐低後服務員會問你飲什麼及食什麼生果，皇室假期與其他場不同的其中一樣就係生果盤係免費任叫的，與其他場一樣的係頭一杯飲品係免費，你可依你喜好叫，其實場中還有其他野係免費的，有自助免費飲料，如蘋果汁、橙汁、蔗汁等，聽說雪糕都係免費任叫。你亦可叫服務員給你餐牌，中西日食品都有，價錢同香港差不多，如皮蛋瘦肉粥$18。

*座底後享受了果盤飲品，看一陣電視後，可做一些按摩服務，場中有穿不同制服的員工行來行去，黑色套裝(男或女)果D係經理，一般都非常漂亮，披頭巾(好似荷蘭女仔果D頭巾)果D係女服務員，男服務員無什麼特別，好似茶餐廳侍應咁，有D穿中國傳統堂裝衣服果D係按腳的，有D穿短裙白長靴，手成日拿住個化妝箱，好似幫人做facial咁，樣貌非常漂亮，其實佢地唔係幫人做facial，佢地係幫人按肩、手、頭、採耳的，每項約四五十玩單鐘(單鐘即45分鐘)，值得一試，通常我會叫佢按手，因為按肩或頭佢會企起你張椅後，採耳佢會用燈照住你隻耳，好專心咁幫你採，咁你就望唔到佢個靚樣同埋同唔到佢傾計，所以最好叫佢按手，咁佢就會坐起你旁邊，幫你調低張椅，將你隻手放起佢大脾上，然後開始按，佢會按你胸旁的骨節位，按背骨，按手臂手掌同鬆手骨，做完一邊後會坐起另一邊幫你做另一隻手，咁就可以一邊按，一邊望住佢個靚樣，同佢傾計，問下佢這地方的設施、幾多歲、以前做什麼等等，非常享受，但時間會過得超快，一個鐘很快便溜走了。一般來說是以四十五分鐘稱為一個鐘，所以雙鐘即九十分鐘。如果一個鐘唔夠可再加鐘，即兩個鐘九十分鐘，五十元一個鐘，雙鐘即一百玩，按完佢會比張紙你tick小費，小費全歸佢，最貴的小費會用紅筆圈著，你可因應情況tick，如$30，咁雙鐘加小費便$130。之後你又可叫服務員搵人幫你按腳，按腳技師有男或女，費用與按肩頭手果D差不多，你可自己計。咁樣你就可在這個大廳享受一兩個鐘。
皇室假期消費一般是這樣的，淨桑，即不享用任何收費服務，約$98，雙鐘，即按摩兩個鐘(記住係90分鐘)，約$168，視乎你想按什麼式。

Thank you!

真系几贵哦

thx ar.............

good