到底佢係唔係想引我入性? 前傳
話說學校識左個重讀一科的女同學仔M, 係同學心目中都超索超正- 個個口中都變態到話直程要抱住黎妖。
咁呀M細細粒2X歲出頭15X CM, 做地產, 樣令(ABC FEEL)食洋腸果隻, 身材正常, 乖乖女, 而最正係把聲, 個個聽到都話正。
而我, 2X歲中, 拍過好多次拖, 有一個穩定的8年女朋友(重要係由0 調較到聽聽話話果隻), 但自己都試過一次出事去追求新鮮感。
故事介紹, 可能對各位黎講係汁汁碎, 但好鬼曖昧。
因為做PROJECT關係, 有藉口抄佢牌。有日開完會, 同M一齊去行年宵, 原本3個人行年宵, 因為另一個同學約左其他人, 我就扮野話屋企無飯食就同M 2人世界去食飯。就係咁就有藉口同佢開始WHATAPPS去了解下呢個女仔。當中講到話自己好難約..又show晒今個月schedule比我睇。
根據勞工法例, 一個星期實有一日放假, 我就捉住呢一點去約佢去踩單車。
當然最後佢無say no啦
去到當日, 先講下天氣, 全日天色陰沉無太陽, 風力4-5級 重要有少少毛毛雨(全日都比D毛毛雨顏射)。一開始踩踩下都無咩野既(沙田>大尾篤), 踩到一半咁岩M有客仔打比佢(有生意做) 你知啦, 做一單生意成幾萬蚊, 咁我當然停埋一邊比M傾生意, 順路買下水, 野食。順路當然要偷聽下M同客仔講的野啦。(企到好埋 耳對耳咁樣) 而M都無走開 比我一路聽佢講野。
之後買左個波羅冰同水, M一路傾生意, 我一路喂M食波羅冰, 佢一啖我一啖, 十足十情侶咁款。M又成日講唔好意思, 要我等咁耐, 當然我實話, 唔緊要-生意要緊。
去到終點大尾篤 當然一定要上堤壩坐下啦, 因為當日好大風, 而果到又係食風位, M又很陪我一直坐係果到傾計, 一路傾一路話好凍, 好大風呀。好凍, 好大風呀。好凍, 好大風呀。好凍, 好大風呀, 總之就好似講到要你做D表示咁。如果當時係一個無女朋友的你, 你一定第一時間攬住佢去幫佢擋風擋毛毛雨, 但我當時無咁做 但一直係想攬同唔攬之間(因為我有女朋友)。離開去還車果陣, 上返單車, 我馬上捉住左佢隻手, M當時無拒絕我, 重話我隻手好暖, 我馬上講咁不如拎埋你另一隻手過黎啦就係咁我就捉住左M果2隻手仔, 果一刻又有少少監介FEEL但M又無咩野。好啦, 之後還完車, 拎返支一直都無提過的水樽走, 佢突然講, E, 點解支水都重係咁多既, 你做咩唔飲?
我當堂唸一唸
下? 姐你遇左我同你飲同一支水? 之後我就答佢 係呀, 因為我無飲過呀, 之後我飲左啖又比M飲左啖, 果陣行緊返去大尾篤入面D餐廳。而我叫M拎隻手出黎, 之後我地就用左手拖住M, 重要2隻手都拖埋(扮幫佢取暖), 當時十足十拖住隻狗咁行, 而呢個拖的手勢不斷咁HI到M心口果2球野, 但因為我慣左用右手拖人, 所以拖左陣就叫M企去右邊比我拖, M又無拒絕咁比我拖到佢實一實,
就好似一般情侶般咁拖左一段時間, 後尾去到巴希雅(BBQ燒串燒), 因為係平日, 所以人好少, 係入面的台大多數都係情侶(姐2個人一張台果隻)
自自然然, 我地就變左情侶檔咁入去燒野食。你知啦, 去到果一刻, 前後左右都係情侶檔, 個個男朋友都係人地女朋友面前SHOWTIME(因為D台都幾近下, 成日睇到人地男朋友講: 睇下我燒得幾叻, 燒得幾勁, 燒得幾金黃鬆趣鮮牛油香味, 囧) 當然,本身有女朋友的我, 我一定要show下自己自己燒野食的功力, 而M就好好咁扮演住女朋友的角色(坐定定, 等野食, 話D野燒得好好食咁)。
當中2個成日你喂我 我喂你, 攬下腰仔咁, 好鬼曖昧。
食完之後又變返好大風好凍 又毛毛雨, 一出去 佢又話(個身)好凍, (個身)好凍, (個身)好凍, (個身)好凍, (個身)好凍, (個身)好凍, 講到想叫你有D表示咁, 又愈行愈埋 重要試過撞開左佢果隻, 呢個當然我一定識做, 攬實佢啦。但唔夠10秒, 我腦海有隻天使出黎叫我收手, 我就停左攬住佢的動作, 直到上到小巴, 當時9點30分, 得我地2個人, 我地無拖手無攬住, 但痴埋一坐, M問重有無著落, 我就問左佢你想去邊呀? M答緊係做夜晚做的野啦。我突然LOAD唔到機, 話不如返屋企啦, 你聽日又要返工, 不如下次先啦。
M答: 你講得岩, 聽日又要返工, 呀, 不如我地下次一齊夜晚睇戲啦………
就係咁, 我地就約左下一次的活動……………………..夜晚睇戲……………………
之後好落小巴轉火車, 散BAND….
當中回味的細節太多, 只能記錄我覺得曖昧的野出黎。
雖然對各位師兄答講係小學雞的野, 好細微的小事
但我覺得, 曖昧係由細微的野開始. 呢個就係曖昧的精髓!
而係呢到, 請問各位點睇今次單車活動同各位師兄點睇下次夜晚睇戲的活動?
過左當日馬上UPLOAD。
[ 本帖最後由 applebabyy 於 2015-3-6 08:21 AM 編輯 ]
