:024:這是我在Uwants第一次發表文章, 請各位多多指教!
前幾日我約咗個成年冇見的朋友出來,他之前因要實習的原因,在深圳居住了近一年。期間他不斷同我講女人! 佢分析得詳細之餘,我亦深有同感,現在與各位會員分享!
我這位朋友在大陸出生,小學移居香港,所以對中港兩地的生活文化有較深入的認識。他這樣分析三地女孩:
香港女仔
他說他並不喜歡香港女仔,亦表示對自己的妹妹沾染了港女的不良特質感到不開心 。講起香港女仔,佢啲形容詞比較激,希望女會員看後不要插我! 佢話香港女仔普遍都比較貪錢, 又巴喳, 又冇內涵, 仲要成日以為自己啱晒, 男仔一定要就佢地! ( 佢話自己個妹都有時係咁) 佢仲攞咗飛機阿姐呢單嘢同我講, 話香港居然會有啲咁既女仔...... ( 呢個阿姐都唔係衰到貼地啫, 起碼佢最後肯落機吖! 我個friend可能唔記得咗以前陳健康單嘢lu) 佢又話香港女仔高竇, 連豬扒都@@@高嚟賣! 佢仲講咗好多負面說話, 但我好多都唔記得lu.......但有幾句說話十分精警:
:024:
喺香港, 係人揀我! 喺大陸, 係我揀人, 仲有大把選揀!
:091:
希望大家身邊既女人都不是所謂的港女
台灣女仔
他說他曾幾次到台灣旅行,他跟同行的男性朋友都覺得台灣女仔幾吸引: 可能受日本文化影影較深, 台灣女仔識得打扮得嚟又唔會好似香港女仔啲MK look, 又比香港女仔有個性。仲有, 台灣女仔可愛啲又熱情啲 (:022:如果好似可愛教主楊丞琳咁我就受不了啦 ), 說話又嬌嗲啲 ( 呢樣我好鍾意!)。佢仲話同佢去台灣旅行嗰幾個friend都覺得台灣女仔好過香港女仔! 而且台灣人普遍教育程度/文明程度又唔比大陸女性差, 諗得過喎!
大陸女仔
我的朋友過去一年在深圳實習,他說: "喺街度見啲大陸女仔,十個裏面九個大波!" (:003:係真唔係呀?),又話見啲北方女仔好多身高都有170cm以上,大波但冇乜Pat Pat (:003:引死我了!)。佢話大陸女仔比較有女人味, 又温柔,處事比香港女孩成熟, 又少啲架子 (:024:呢樣好清楚......:014:香港女仔有時都幾串幾Cool, 咁香港女仔又會點對大陸男仔呢?)。我以前喺宿舍識咗幾個大陸女交換生 (有上海來的, 西安來的, 哈爾濱來的), :022:坦白講冇個靚, 但真係比香港女生nice同温柔, 這點我就絕對同意! 仲有仲有, 我個friend又話大陸女仔通常都打算在廿五歲左右結婚, 佢話大陸啲人唔會好似香港女仔咁遅婚喎! (:005:女人都會老, 而且多數比男人老得更快, 我覺得都係早結婚好啲!)
趨勢
政府統計處的統計結果顯示, 近年來越來越多香港男人申請無結婚記錄證明書(俗稱寡佬證)到內地註冊結婚。
港男娶大陸女人, 無論在比例上甚至在數字上都有上升之勢。以前香港男人返大陸娶老婆, 好多係四五六十歲既低學歷低收入港男到大陸鄉間娶妻, 但時代變了,
現在越來越多高學歷高收入的港男娶國內高學歷的女仔, 2005年港男娶大陸女數字比娶港女更多!(
大家唔好拗, 呢個係統計處既數字)。而家香港女仔多過男仔 (特別指到逹適婚年齡嗰批), 理論上每個適婚港男應該分到超過一個港女架啵! :005:點解越來越多年輕港男返大陸娶妻呢? :embarrass又點解越來越多過了適婚年齡的港女仍未能結婚呢?
數字係真確的, 趨勢亦係必然的!
:014:我想講, 而家係競爭的年代, 甚至於港女在終身大事上, 亦要跟國內女仔競爭(;)唔好以為大陸妹一定土氣, 在北京上海等大城巿啲女仔, 唔少人打扮得仲正過港女!)
:022:我知道,香港男仔都有唔少缺點,同樣都係眼角高,要求女仔又要有樣又要有波又要乜乜物物。但係,站喺男性角度去睇,大陸女仔同台灣女仔又真係有唔少好吸引既地方喎!
:022:大陸/台灣女仔未必個個都咁好, 亦有啲係差過港女的! 但是, 我希望各位男會員有得揀時就揀個較好的伴侶, :014:俾多個選擇自己有何不好? 對女會員, 如果先前在文字上有冒犯, :006:請接受我道歉, 但你地真係要記住同埋諗清楚呢句話: 有則改之, 無則加勉! 唔好成為一個人見人憎的港女!
現在這裏很多會員都是未婚未嫁,我想用幾句說話結束這篇文章:
男會員: 學好普通話,放眼大中華!
女會員: 有則改之、無則加勉!
[
本帖最後由 DuncanWong 於 2006-11-19 02:52 AM 編輯 ]