人妻回憶旅途上的一夜情
我老公係我初戀男友，十幾年都好恩愛，不過性嗰方面就唔足夠，年紀越大佢就好似越無需要咁，有時一個月先一次，我都幾sad。
上年我自己去咗一個幾遠0既地方旅行，旅行到最後一日，等長途巴返酒店0既時候，就遇到呢個故事0既男主角C。
開頭我無乜理C，不過佢又好有興趣同我傾，我有一句無一句咁搭佢，傾傾吓車嚟，一齊上車，慢慢傾吓傾吓又啱傾喎。
佢細我8年，但係佢初時以為我細過佢，佢有扮兜個圈咁打聽我幾歲，我直接話畀佢知我35，佢係都唔信，佢又兜圈問我有無男朋友、結咗婚未，我話結咗，佢又唔信。佢自己係嚟公幹三個月，雖然有其他一齊嚟0既同事，不過外地言語不通，無其他朋友，生活係幾苦悶0既，可能佢難得遇到其他中國人啦，所以對我好有興趣。
一齊搭咗三個鐘車，傾一陣，恰一陣，去到總站已經係夜晚，佢酒店喺好靚0既沙灘區，我想去睇吓，我就叫佢帶我去行吓。我哋去到佢酒店0既海邊坐低，佢又再問我有無男朋友，我正經又答過，搞笑又答過，佢硬係唔信，我唯有再正正經經答佢，我結咗婚五年0架喇，佢聽到後衝口而出講咗句: “可惜!” 我就扮聽唔到啦。
跟住我哋起身行吓，唔知邊個開始玩撥水，但係已經入夜，我又驚行落水會危險，玩到依嘩鬼嘈，佢見我驚，第一個反應係好gentlemen咁捉返我入嚟，跟住玩多兩玩，就開始變成借D意攬多我兩吓，但係都只係一攬返我上嚟就放開，我都有少少失望，希望佢攬住我0既，跟住唔知點樣突然有一下，大家攬住咗，佢就低頭錫落嚟。。。。。
佢好高，我又矮，佢高我成一個頭，佢彎低身錫我，其實我係一路期待0既，所以怕醜得嚟都積極回應。佢好認真咁錫我，無手多亂摸，其實沙灘上無人又黑，佢實在可以亂嚟，但係佢無。
佢錫到我透唔到氣，可能佢都太耐無接觸過女人，我實在招架唔住，推開佢。佢叫我上佢酒店房 “參觀” 一下，當然我同佢都知道大家跟住落嚟期待D咩，但係我唔想去佢房，因為佢係同佢其他幾個同事一齊嚟旅行，佢有一個同房，我唔想我哋去到半路中途0既時候佢同房返嚟，所以我叫佢送我返我酒店。
不過佢都係極力要求我上佢房，最後半推半就，同埋佢通知咗佢同房唔好返嚟 (其實佢D同事出晒去玩，一時三刻都唔返)，於是上咗佢房。
入到佢房，我都好猶豫，佢又無乜push我，又無即刻做D親密嘢，反而帶我去參觀吓佢露台，睇吓出面個景，然後叫我不如去沖個涼，其實都唔一定係為之後0既事情做準備，因為我哋兩個又玩沙又玩水，兩個都一陣海水味仲黐笠笠。
不過我都知一入去沖涼，都真係有下半場，我都仲係好猶豫，成世人，未試過同一個只識咗幾個鐘0既人。。。。。我扭擰咗一陣，最後我讓步話，你有套，我就留低。
佢諗咗一諗，我心諗，佢哋幾個男仔嚟旅行，點會有吖，點知佢諗諗吓話: 咁如果有又點? 我都好奇咗: “吓, 攞嚟睇吓?” 咁我都要保障自己0架嘛。佢喺行李度搵搵吓，真係拎到出嚟。。。。。。
我一時面都紅晒，擰轉身入浴室，然後嗌出去: “你個花灑點教熱水0架?”
***********************
有D夜，我講到呢度先，聽晚等我老公瞓咗再講~~~~~
P.S. 如果大家有回應0既，我感謝大家先，不過希望大家高抬貴手，唔好用太chur 0既字眼，大家見我上面講回憶，都講到慢吞吞，用字又保守 (我知我悶~)，大家都可能留意到我都斯文怕醜、兼好易嚇親，我第一次寫post同大家分享往事，畀多D耐性我，慢慢嚟，好唔好?
