與醫院姑娘的一段往事

收藏 | 訂閱

99 44.9k

drwhoever

等待驗證會員

drwhoever

1^# 大中小發表於 2015-5-24 只看該作者

與醫院姑娘的一段往事

近日無意中發現引版，發現各位分享的故仔都好好睇。自己的題材好少喺引版見到，希望大家會有興趣。但由於題材敏感，所以開新account。內容真假交集，大家當故仔聽就算了，真亦假時假亦真，如有雷同，實為巧合。

小弟係做醫生的，想分享下好多年前仲喺醫院返工時嗰段故。當年讀醫的，好多其實都係好宅男，學業又緊張，所以有不少醫科畢業生其實仲係青頭仔，甚至連拍拖的經驗都無，而小弟正是其一。

回想當年，啱啱喺大學畢業，仲要做一年實習醫生先可以正式攞醫生牌。而當年做實習醫生係必須要住醫院宿舍的。而一切故事就由醫院宿舍發生。

當年做實習醫生其實忙到死，唔似而家咁幸福又有抽血員，又有心電圖姑娘。基本上病人有乜頭暈身熱痾屎唔出乜都要一腳踢，日日放工就攰到死咁，拍拖更加無時間。

但係醫生除咗見病人最多外，就係見姑娘了。做實習醫生好辛苦，又不被任何人尊重，所以只有病房中稍為有姑娘關心一下，請食下宵夜，只要個樣唔係太差，其實好易就會撻得著。

因此小弟雖然當年日夜忙於工作，但也總算識到了人生中第一個女朋友，佢當然係一位姑娘啦，以下就叫佢做C啦。相識過程詳細係點就無謂講了，都係例牌嘢，而且亦都唔係引版重點。

話說有一日，黃昏六點幾終於放工，攰到無倫，放工就即返宿舍攤上床抖。Ｃ嗰日返P更，放夜晚十點幾。當日未放工C已經SMS(當年仲未有wechat, whatsapp)定我話放工嚟搵我傾下偈，去吃個糖水。

由於太攰，我求其去叮咗個波仔飯就又撻上床瞓過，迷迷糊糊就瞓到十一點。電話響，原來C已經換好晒自己衫，行緊過嚟宿舍搵我。。。。。。

第一集到此為止，大家有興趣先再寫落去。