平時喺呢度只係睇偶爾留吓言,依家睇睇吓見有Sis都寫,咁我又想學人寫吓我的經歷,就開個新Account學人寫吓.上個星期日係Valentine's Day,就寫吓我某年一次始於呢日的經歷.
當年的Valentine's Day我冇拖拍,因為早喺去年11月同男友分咗手.不過我仲有兩個死黨陪我.Bonnie同我一樣冇拖拍,Noel就有老公不過飛咗去美國公幹,於是我哋3個女人就一齊過Valentine's Day.
喺尖沙咀食完dinner,3個女人就直落飲嘢,我哋坐喺露天位食煙飲酒真開心.過咗一陣有個着大褸皮靴牛仔褲型男坐落我哋隔離張空枱.Bonnie睇到眼都凸晒,我同Noel仲笑佢點解唔主動去識人?佢閙鬼我哋痴線,仲話俾人聽到就唔好意思,又唔知人哋係咪等緊女朋友.
飲完散場我哋行去撘MTR,行行吓我發現唔見咗部電話,Noel即刻打我電話號碼,佢話通咗仲有人聽,但Noel轉咗channel講英文,原來我部電話漏咗喺酒吧而家waiter幫我keep住.咁我都冇咁驚,就叫佢兩個走先,我就返去攞返部電話.
返到酒吧waiter喺吧枱拎返部電話俾我,我猛咁講Thank you.佢話我知係出面個型男執咗交俾佢,咁我點都要同人哋講聲唔該.
行到出面我見個型男喺電話打緊嘢,咁我緊唔打搞人.過咗一陣佢打完我就行埋去,我唔知佢係邊度人,又見佢投先電話打英文,我就先用英文同佢打招呼.
我:Thank you pick my phone to waiter.
佢:It's doesn't matter.
然後佢隻手擺出請坐手勢,我亦坐下來.我原本想請佢飲杯嘢當報答,但佢開口快過我話:Shall we drink together?咁有型男請我飲嘢我梗應承.
我哋叫咗支白酒,一齊飲酒食煙.佢包煙牌子我未見過,佢話喺法國帶返嚟,佢話知道香港冇呢隻牌子賣,自己又食慣呢隻.
我問佢:Where you from?我開頭以為佢唔係香港人,㸃知佢答我:I'm local,how about you?竟然大家都係香港人,我仲答佢:Me too.佢笑一笑話:咁我哋講廣東話啦.
大家互相介紹,佢叫Alain,我問佢係咪好鐘意Alain Delon的電影,佢即時好開心咁笑,我仲話怪唔知你鐘意着大褸.佢話大褸喺歐洲係平常服飾,唔知點解香港人見人着大褸好似好奇怪?
傾傾吓知佢長期住喺法國Lyon,每年返吓香港探父母,佢仲話返親嚟都住喺呀爸呀媽度酒店錢都慳返.我又問佢做乜Valentine's Day一個人飲酒咁悶,佢話投先同班朋友食完飯又想飲吓酒,見呢度有露天位可以食煙就喺度飲,仲話一個人有一個人嘅樂趣.
飲完支酒成12點,我哋都唔想冇地鐵撘就埋單走人.我過海佢去九龍,喺月台Alain送咗個Goodbye kiss俾我仲睇住我架車走向我揮手,我對呢個男人已有初步的好感.
暫時打到呢度,開場完全無甜嘢希望大家莫見怪.遲啲先入戲肉.
[
本帖最後由 5000Yen 於 2016-2-23 08:52 PM 編輯 ]
