戀戰沖繩 (舊酒新瓶版)
第一章
機場廣播:「前往沖繩島的旅客最後召集,請到42號登機閘口登機......。」我拿着登機證趕到閘口,登上飛機搵到座位便坐下,已經好多年無單獨一人出外旅行,雖然只是3日2夜的短行程,但可以自在咁唔駛畀屋企隻老虎囉唆,也不失為一件樂事,呆呆進入沉思嘅我,突然被一把女聲拉回現實。
女:「先生,唔好意思!麻煩你可唔可以遞一遞餐盤畀我。」原來已經到咗派餐時間,我打量一下坐在我身旁窗口位的女士,染了一頭啡金色的長髮,樣貌算是標緻,目測約30歲左右。我講聲唔好意思便將餐盤放到她的餐桌上,之後閒聊了幾句,得知這位女士叫做Ceci,與我一樣獨自去旅遊,因為與男朋友感情問題鬧反了,所以一怒之下,找個地方去散散心。我倆互相抄牌後,我說笑道:「如果你有啲地方想去,又唔敢一個人去可以Call我陪你。」佢笑笑回答:「好呀!但怕唔怕阻住你去玩?」我諗一諗說:「我除了明早約實了去觀鯨外,其餘時間都得閒,你有咩地方唔識去都可以搵我。」
就係咁,短短2.5小時的機程不經不覺就過去,抵達那霸機場與Ceci分道揚鑣後,我便先到酒店放低行李再作打算,望望電話看見她真的留了幾個訊息畀我,估不到接下來會發生我意料之外的事......。
<待續>