#1

我叫阿Jay, 今年27歲, 係一個宅男, 一直都無拍過拖, 即係現今嘅A0,  我好怕比人知道會笑我, 所以一直都無同人分享過呢件事, 而且仲將外表打扮到成個花花公子咁! 個個禮拜都扮有節目, 同事都以為我好多女溝, 實情放工後行個圈就返屋企, 放假都係同大家一樣, 上吓網... 打下機... 咁又一日, 真係令人慨歎!!

今日係星期日, 同平日一樣11點開工, 我係係一間百貨公司內嘅電器部做Sales嘅! 最近升咗Senior, 同掉咗嚟呢間新鋪, 由於係新開, 加上鄰近大型屋苑及東鐡, 假日客人可謂多不勝數, 生意真係多到做唔切, 忙到下午茶時間完結先有得食午飯, 好多時都令我諗返起... 點解要入呢行呢! 大慨係因為... 我鍾意睇住啲客人滿載而歸, 開開心心買到自己想要嘅嘢離開個樣啦! 今日又唔知有幾多個客人係咁離開我哋公司呢??

午飯過後返回剛位, 第一個客人係一個女人, 好熟口面, 不過都習慣咗! 做我哋呢行, 每日見咁多人, 總係有啲好熟面口, 唔知係邊到見過嘅客人, 但係佢就記得幫嚫你買過嘢??  今日呢位小姐來嘅目的係想買一個風筒, 於是我介紹咗好幾款比佢揀揀, 結果順利開單, PACK返好晒啲嘢之後, 對返收據已付款及交收完成後, 呢位小姐問咗我一句: 你係咪叫阿Jay呀? 我指住自己個名牌笑笑口話"係", 呢位小姐猷疑咗一陣, 再問: 你有無係XXX船務公司做過?

第一集完

幾時有第二集呢？？？？

幾時有第二集呢？？？？

#2

都已經係8年前嘅事, 記得當時剛中學畢業, 好唔容易先搵到份船務文員嘅工作, 第一日返工真係有啲驚驚哋! 都唔知好唔好做? 同事又唔知點? 又唔知做唔做得耐? 仲有就係...... 我嘅上司係一位女性, 都唔知點同佢相處好,

戰戰兢兢咁日復日咁返工, 一個月又一個月咁適應, 係上司嘅適心指導下, 終於都過到試用期, 展開了我兩之間, 漫長嘅3年多合作期, 3年來, 除了工作...... 我哋真係無咩點溝通過, 同其他同學情況一樣, 同上司總係無咩計傾, 加上上司係女性, 更加令我有所避忌,

很多時都是公司食飯, 從旁聽得知, 原來佢都係好似我咁, 剛畢業就來到這裡工作, 一做就5年, 然後就升職, 跟住公司就請咗我, 我可以話係佢第一個下屬, 所以我都感受到, 佢係好用心咁教我, 而我在工作上所學嘅...... 都係佢嘅習慣, 點都好呀! 工作上面我哋係無意見嘅!

工作以外, 其實上司係男同事間嘅話題之一, 因為佢嘅身材都...... 幾出眾吓! 故有大騎樓之稱(暗地裡), 實情我目測都係34到, 唔會大過D, 樣...... 普通(中中哋)...... 唔樣衰, 但係個PAT...... 好大!! !!! (個人當時覺得) 不過都仲可以用豐滿來形容嘅! 加上本身有5尺6到, 整體感覺比較大件少少囉!

男同事們雖然又彈又讚, 但其實個個都對佢有啲意思, 至於我自已, 始終佢都係大過我, 根本就無諗過, 至於性幻想就...... 有囉! 因為公司內都無咩邊個後生得過佢... 靚過佢, 加上日日對住, 都係無選擇之中嘅選擇,

據知, 過往同事們都沒有聽過佢話...... 拍拖, 亦唔覺佢有咩春風滿臉, 不過自從我來咗之後, 佢開始有啲改變, 衣著唔同咗啦! 開始間中有化妝啦! 多咗著裙啦! 有時仲著短嗰啲, 仲減咗肥添! 試過有次唔知咩日子, 著咗條黑色ONE PIC, 黑絲高跟, 仲3吋咁高, 當堂高過我添! 見到佢條腿, 又有波, 我真係流晒口水, 結果嗰晚佢就...... 梗係有約啦! 但係我就成晚係床上面輾轉反側, 係我對佢嘅幻想以來...... 最完美, 最無止境嘅一次,

之後男同事們茶餘飯後當然多了話題啦! 最記得係...... 我係呢間公司LAST嘅一年情人節前夕, 上司佢攞咗假無返, 最初我都為佢梗係攞足兩日(即13及14), 點知14日朝11點幾見佢返咗來, ...... ?? 我見佢返到來個樣, 真係好殘囉!! 好攰咁!! 一齊供事以來都係第一次見, 我心諗...... 唔係搞天光呀? 佢條仔都......

就係嗰年佢向公司所有同事派餅咭公佈婚事, 同年我亦都因為感覺做咗3年...... 工作上好似都無咩發展咁! 又唔覺得自己真係好適合做呢行, 所以向公司提出請辭, 向外謀求發展, 就係咁我離開咗我第一位上司, 亦係今日係我面前, 想買一個風筒呢一位客人,

佢叫Shiron

第二集完

加油加油，期待你下一篇

第三集要大家久等, 謝謝!!

#3

原本都以為賣完呢個風筒, 閑聊兩句就算, 點知原來只係一個開始, (否則唔會有"作故仔 唔好睇"呢個POST啦!) 因為呢個並唔係一個普通嘅風筒, 佢係有好多配件, 配合起來有恤髮及卷髮功能, 加上係大牌子, 性價比自然低, 銷售對象亦有限, 所以公司都係入少量擺買,

幾日後, 舊上司Shiron就攞返呢個風筒返來換, 由於當日我放咗假, 所以由同事來跟, 按公司規矩, 都係CHECK清楚, 換個新嘅比佢, 但由於店面無貨, 所以需要ORDER倉貨....... 又幾日後, Shirron又再在來到店面, 原來係因為收到通知無貨, 所以前來辦理退款手續, 由於原本負責嘅同事DAY OFF, 所以由我來負責, 辦理中不忘致歉, 並介紹其他產品, 閒談中得知, 原來佢即將搬來附近居住,

自此之後, 有一段時間佢都經常見來睇電器, 雪櫃, 洗衣機, 電視機, 冷氣, 電飯煲...... 很多家電佢都係幫嚫我買架! 除了公司可提供嘅優惠拆扣外, 我更利用職員嘅優惠代佢訂貨, 就係咁我哋交換咗電話號碼, 並以WHATSAPP聯絡, 短短一個月內, 我哋係店面嘅對話, 遠勝過去3年多嘅上司下屬關係時,

有一日佢又來到店面搵我, 原來今次係買一部電腦, 於是我又為佢介紹, 介紹期間...... 收銀部嘅女同事經過, 問我食飯未呀? ...... 咁一陣間一齊呀! (我心諗唔係好熟咋喎! 只係日日埋數同佢對吓單啫!) 跟住Shiron就話: 女朋友呢?? 我更係話唔係啦! (不過大家唔好悟會呀! 當時, 我對Shiron真係無嘢架!) Shiron: 咁... 一陣你去唔去呀? 我話: 更係唔去啦! ...... Shiron: 咁呀?? 仲想話請你飯, 多謝你比咗咁多優惠同拆頭我添! ...... 我話: 得架啦! 小事啦! 唔使架啦! 要請... 都係我請啦! 攢咗你咁佣金, 跟住Shiron就話: 咁一言為定, 多謝晒! ......

就係咁! 我第一次同我前上司Shiron單獨一齊食飯, 不過, 心諗...... (如果係同一個我心儀嘅女仔一齊食就好啦!)

第三集完

waiting for your story.

謝謝!! 久等!!

#4

約定嘅時間, 我哋去咗商場內嘅快餐店食下午茶, 閒談間Shiron問到我離開公司後...... 不禁鈎起我以往備受Shiron照顧嘅回憶, 很多工作上嘅阻滯都係佢代我頂上, 從來都沒有訓話過我一句, 很多時都願意額外花時間, 循循善誘咁從旁一起, 教導及協助我學習及完成工作, 遠勝於其他同學...... ONLY比大佬屌, 比阿姐X, 及至後來獨自出來闖蕩江湖, 當捱過唔少苦後...... 都會諗起佢,

正當我感到想開口多謝Shiron以往對我"百般照顧"時, 嗰個二打六嘅收銀部女同事, 突然之間坐埋來我隔離, (我心諗"屌"...... 但係...... 屌唔過, 情可揀Shiron都唔揀佢,) Shiron很快便答上: HI! 你好呀! 剛才大家都見過(係店面), 我叫Shiron, 點稱呼呀? ...... 我係Jay嘅前上司...... 都好多年前嘅事囉! ...... 以往佢都好勤力, 好幫得我手, ...... 仲好乘仔添! 你同佢年紀應該都差唔多, 諗得過架! ...... ...... ......

Shiron果然係做上司嘅材料, 面對呢個有敵意嘅女同事, 佢居然可以釋除對方嘅疑慮, 我真係要好好咁跟佢學習, (應該當初唔好辭職, 起碼跟多幾年,)

......

由於Shiron需要買一部電腦, 但係店面果啲又唔適合佢, 所以我建議佢上官網睇, 揀一啲低階... 平嘅... 應該已經足夠佢使用, 而且可以使用網上付款, 又包送貨, 會係一個好方便嘅選擇,

......

幾個星期後, Shiron因為路過探一探我, 仲送咗一個蘋果, 一個橙比我, 佢話電腦已經買咗! 一開機已經可以完全運作, 有別以往又要裝乜又要裝物, 但係一額外要裝啲軟件就搞唔掂, 於是我自動請英, 並約好時間, 放工之後上去佢屋企整......

第四集完

寫得唔錯，應該漸漸入戲玉。

幾有趣, 快啲update, 唔好爛尾 😂