Lam心水 分享 一位職業賭徒的心得(內文#1)
賭波,我唔係咩高手,亦唔會有人可以話自己係高手,除非你曾經係博彩公司做過操盤手,當有d人係某討論區大大聲講已經掌握了狗會的賠率,大家可以有笑話同朋友分享了,我係一個好貪心同好勝既人,我好想掌握每一項投注既方向,所以我曾經試過唔同時段專注賭某一項投注,自己最厲害既一次,都只係18連勝,當中更包括了走地在內,所以18連勝名存實亡,我不得不承認,憑我們的力量,要戰勝操盤手係幾咁虛無!!
最難嬴既其實唔係操盤手,係操盤後面既市場心理學專家,呢班專家掌握了全世界賭徒,包括職業賭徒的博彩心理,曾經有位以賭為生既朋友同我講一句,呢班專家夠膽講 一句,只要你一日會賭,呢一世都唔會羸!!
我好奇咁問左朋友一句,點解你可以生存到,佢比左幾個提示我之後,我相信做得到既人,實在小之由小,所以咁小撮既人就算每個月羸一千萬,所有博彩公司都唔會介意,因為一大撮既人每個月輸既何止千萬,莊家求既係殺大門賠小門,偏偏就有呢班專家另你不停奉獻,最無奈係,個個明知會咁樣,都總希望可以羸,到大錢!!!
今日我未經朋友同意下公開佢既心得,雖然佢曾經講過,呢d心得同任何人講,佢地都唔會相信或者自以為一早就知道,但係,我希望至小有那麼一個人,會因為呢番說話而有所領悟!!
賭博會輸,係因為幾個最簡單但係偏偏冇人肯面對既理由!
1,追數者必敗,越想追數,結果只會越泥足深陷,因為當你追到了,你便會希望嬴多少補償,最後,你只有不停追數!
2,懶惰人必敗,任何一種博彩,都一定係由人想出來,只要係人想出來,就一定會有破綻,問題係,你有花多少時間心血去鑽研這破綻?
3,盲目人必敗,當你越羸得順利,你死亡的時間越近,因為你已經羸到盲目了,不知道前面就是懸崖,問題是還有多少步跌下去!!
4,沒自信必敗,賭錢最重要就係自信,當你決定了投注項目,不要在埋門一腳想三想四,往往不小人事後都說一句,早知信自己!
5,長賭者必敗,任何賭博,只要你不抽身離場,從來沒有一個人可以羸錢離開!
6,群眾者必敗,人棄我取,全世界都認為穩嬴的,必須放棄,因為那是莊家埋下的毒藥!
7,孤寒錢必敗,賭徒不應有預輸的心態,你每次下注係為了羸錢,所以你不能顧慮輸了可惜的想法,如果有這想法,干脆不要下注!
賭博要嬴,原來只需要幾個原素,偏偏冇人做得到!!
1,止蝕止賺,就算你真係想每日賭錢,你都應該有一個止蝕止賺既數目,沒有這個界定,你沒嬴錢的一天!
2,盲目下注,原來世界上羸錢最多既人唔係賭錢最叻既人,係完全唔識賭錢既人,因為操盤手同心理專家沒法分析這一小撮人!
3,莊家破綻,雖說莊家半握了8成勝算,但係你只要爭取剩餘的倆成便足夠,那倆成便得看你對莊家有多了解!每個莊家都有派錢的時候,你是跟莊家最親近的敵人,如不了解派錢時段,那便從旁觀摩,掌握到手再跟莊家博亦!
4,集思廣益,聽取外界對該投注項目的言論,抽取當中的精華,捨棄最接近勝利的方式,取出最不可能的結果,那便是你的勝利!
5,注碼分配,再厲害的賭徒也不可以每注都羸,所以他們都會分配好注碼,以2,3,5的方式下注,平注是不可能羸錢,只能保證你不會輸大,要羸就要狠,首要條件,你必須嚴格實行論點一的動作,不要害怕再下重注會輸的心理,因為你會浪費了羸大錢的一刻!
6,重疊威力,賭錢,最重要同莊家鬥快,越快離場輸錢機會越小,不要妄想先下小注,大部份人輸的就是羸小錢輸大錢,給你羸十場,往往輸的一場都補不回來,所以從第一注開始,你不要放鬆了下注的注碼,信心強就要疊上所有的本金,跟莊家賭博,勝利取決於時間上!
總結之下,得到的答案可能真係好多人都知道,但係有幾多人會做?如果你今日睇過呢段文章,真心希望你們會慢慢咀嚼,我敢說,你沒有嬴也不可能輸,但留得住本錢就等如留得青山在,那怕冇柴燒?根據朋友的說話,你只要嚴格實行止賺止蝕,鬥快離場,你今後的賭博只有盈餘沒有損失!!
共勉之!!
[ 本帖最後由 lam1017 於 2014-3-31 05:35 PM 編輯 ]
