小弟今日放假又遇上冇波時間所以就特登開張貼黎同大家分享吓究竟一場波係如何運作，當然我所講嘅係以前我係菲律賓某家外圍公司嘅情況，若有其他公司嘅唔一樣歡迎大家提出黎俾各位了解探討吓...首先我先讓大家了解吓亞洲嘅盤口或者博彩公司，據我所知，係亞洲裡邊只係得菲律賓一個國家係會出牌俾d網上投注嘅公司...而有三間公司絕對係屬於新加坡，馬來西亞，泰國，香港，澳門，印尼，大陸嘅所謂龍頭大哥...睇到呢到可能大家會覺得係呢d公司返工係唔係犯法嘅叻，不過請放心我地係絕對有證件返工而且仲要係好似d白領人士咁，挪住高薪高福利...而小弟就係其中一間入邊做Operation Team嘅職位，而小弟嘅工作就係專門負責d飛出現問題，賽事出現問題，盤口出現問題，甚至乎同其他2，3間競爭公司協商，種種問題都系由小弟呢個部門負責去聯繫並解決...因牽涉公司利益關係，公司係唔會俾你地幾個部門有機會去溝通，除非係規模比較細個d小弟就不得而知啦！好啦，講住咁多先，接落黎我會分享一場賽事係點運作，要經過幾個部門同埋各種情況嘅出現...若有師兄現在都係菲律賓度操盤搵食歡迎黎呢度留言可以大家一起分享吓當年係菲律賓開心嘅日子...

[ 本帖最後由 mikeseah101 於 2014-9-1 04:40 AM 使用 編輯 ]

首先我先將d流程同部門寫出黎先，之後先逐一解釋個部門係負責一場波嘅邊一部分...

R&D > Add Event > Live Streaming > DeadBall >Trader/Suspender>CS>MTD>Keyscore Team 以上係一場波由未開波至成場賽事完畢！除此之外仲有d.賽馬賽狗，現場百家樂，籃球或者負責其他運動嘅部門

[ 本帖最後由 mikeseah101 於 2014-8-26 02:27 AM 使用 編輯 ]

首先我將大略講出d部門負責嘅野，若有寫漏咗d乜或者有任何疑問我會盡量幫大家解惑...

R&D>負責搵d賽事出黎，比如有d國家比較冷門嘅不過d外圍公司都會開盤，呢d就歸功於呢個部門

AddEvent>呢個部門就係負責審批通過R&D選出黎嘅賽事，佢地會將通過嘅賽事加入Chart入邊之後就交俾下一個部門負責

Deadball>開始開出初盤，每一個國家嘅賽事都有唔同嘅參考指標，或者有d自己公司渣莊就會自己開盤

LiveStreaming>呢個部門除咗要安排網上直播呢樣野就係仲要負責man power，由邊組負責邊場操盤，由邊隊負責收費

Trader>開始操盤，大多數係由開波前一日開始留意市面上嘅投注數額，調整盤口水位（通常外圍賽都有走地盤所以操盤手又會分為走地或者死球）

Suspender>呢個就比較特別d，據我所知大多數公司係冇呢個post嘅，因為大多數都係trader同suspender身兼兩職...而我地呢個post就係負責收飛同踢飛...所謂收飛就係在賽事進行中沒有任何機會會入波嘅時候收（safe mode）咁踢飛就係會在可能會入波之前先pending你嘅飛，一入波就會踢嘅啦，咁唔入嘅話就會收（有時候因負責呢場賽事嘅人因失誤而收飛嘅話就會void咗你嘅飛，下邊我會再次講到）

CS>呢個部門除咗要應付客人對於投注各種奇奇怪怪嘅問題之外仲要負責埋拾trader/suspender嘅手尾...比如收錯飛，只有呢個部門有權利可以void飛，又或者開咗賠率（因人手操控所以一定會有失誤）。咁我再提吓比較特別嘅情況就係呢個部門會向其他競爭公司溝通，比如話有場賽事我地嘅reporter冇話入波點解佢地會update入咗波叻之類嘅野...

Keyscore:當一場賽事完畢之後就要呢個部門去輸入成績，當成績一輸入之後系統就會自動派彩，所以有時我地會覺得奇怪，點解仲未派彩，原因就係keyscore team仲未keyscore，通常嘅原因係d成績同其他公司嘅有所出入所以佢地唔夠膽keyscore因為一key咗就真係手尾長啦！

接落來我會同大家分享一場賽事嘅進行期間係點去運作嘅叻！敬請期待！

[ 本帖最後由 mikeseah101 於 2014-8-26 01:19 PM 使用 編輯 ]

回復樓下一位師兄嘅問題，就係走地或者現場滾波係點操作...
當一場波若有開走地盤，Livestreaming呢個部門除咗安排自己公司嘅人手調動之外仲要安排reporter而reporter就係非常重要嘅關鍵...
Reporter分為兩種，第一係現場有人報波，第二就係文字直播，除咗呢兩個方法沒有其他方法會更快...
咁波一路踢，suspender或者trader會一路睇住個文字直播或者聽住人手報波黎決定收唔收飛同埋系統會分析乜野時候要調水位之類嘅野，當然我地女排除一d操盤手法黎引盤或趕盤...
最後加d小小嘅趣事就係有d人工報波有唔負責，佢地會係屋企吃緊飯不過呃我地話已經係現場咗，當成績有出入我地會問其他公司用乜reporter先知道我地果個唔掂！
再補充小小就係文字直播，係登入一個好簡單好簡單嘅網頁界面之後可以選佢地有做嘅賽事先睇住d簡單嘅文字意思，相信bet365係直接link個網站去自己網站，我地先可以睇到d文字直播...比如話1=主場 2=客場 A=攻 G=入波
之類嘅野...據我所知總共有兩家咁公司係數一數二規模嘅...

[ 本帖最後由 mikeseah101 於 2014-8-27 11:01 AM 使用 編輯 ]

係博彩公司入邊仲有幾個比較特別或者神秘嘅部門，呢一樓講完呢個舊差唔多講曬嘅啦，而各位師兄有乜問題小弟會盡量回答！
1.MTD stand for MultiTask Department呢一班友可以話係公司入邊一班重要嘅人物，當各部門出現矛盾或者遇到乜問題做唔到決定時，呢個部門嘅人就會做一d決定同埋有時操盤之類嘅野都會做
2.Other sports:顧名思義呢個部門專負責除咗足球以外嘅賽事，比如話（我x公司）網球，籃球，桌球，甚至乎掟飛鏢都有
3.Phone Betting:呢個部門我相信其他公司系用其他名稱，樓下我有稍微提到下就係佢地負責幫公司出飛，比如過主場飛太多過公司可以負擔嘅範圍佢地就會出飛，至於點出同埋出去邊度就不得而知啦，因為呢個部門太神秘啦
4.同其他公司一樣，有各部門，比如話財政部，人事部，清潔部，等等

[ 本帖最後由 mikeseah101 於 2014-9-1 04:40 AM 使用 編輯 ]

觀摩同支持:ub_flag:

多謝多謝，有時間我會盡快更新...因一時要開始寫需要整理吓思緒先...

支持

多謝閣下分享, 但....請謹記....勿開名或留有連結, 多謝合作.

多謝提醒，我會盡量避開