哈化今晚嬴得
論級數排名,漢堡都高於哈化柏林,論近況兩隊都弱勢,但係睇番個盤口,漢堡點解唔駛讓波,唔通係哈化往績食住漢堡?呢點我唔係好信!
睇番哈化對上兩場主場賽事既敗仗,一場輸比史浩克04,另一場係雲達不來梅,而當時史浩完04既盤口係讓平半,單w2.25,結果史浩完04嬴2-1...
而雲達果場賽事,當時初盤雲達都係讓平半,單w再比史浩完熱些少,得2.05,明顯熱到透,我點解咁講呢!因為當時雲達係之前作客賽事六場不勝,對上一場仲要同弱旅比勒費爾德摸和,雲達係作客既賽事比唔到人信心之下,最後讓半球,結果又係順利取勝嬴2-1
好喇,既然哈化主場連輸比史浩克04同雲達不來梅兩支勁旅之後,照計同級數既漢堡取勝都應該冇問題,但係佢今場既嬴波賠率2.35?漢堡近況雖然回落,但呢點點講都唔通,因為哈化同樣疲弱,近六場不勝之餘,對上兩場勝仗都係比勒費爾德同杜伊斯堡之流,更可況雲達嬴哈化之時,作客都六場不勝,都係得2.05,所以今場漢堡2.35係唔合理,
如果今場漢堡嬴得,個盤口應該都係開平半,客w應該在2.1-2.2之間,但唔會係2.05,從操盤手今季既開盤既評價排名計,拜仁肯定開得最辣,其餘為雲達>漢堡>史浩克>史特加>利華>,所以更加唔會比史浩克既2.25冷落,今場擺明話你知,今晚漢堡讓唔起!
平手盤,唔駛講大家都覺得漢堡高哈化一線,細心去睇,漢堡近八場都不勝,但係只輸過比雲達同史特加兩場主場王球隊,其餘和波,平手盤照計點都唔會輸俾哈化掛,感覺坐和望嬴,問題就係呢度,如果呢場波漢堡讓平半,想買漢堡既人一定比嚇走,因為計過條數起碼要連輸8口,賭波就係咁,牌面最穩陣通常都冇好結果,庄家最叻捉大家心理!
我講都咁詳細咁辛苦,大家買漢堡之要諗諗先!
[ 本帖最後由 fung281312 於 2008-4-15 09:34 PM 編輯 ]