讓球備忘錄1 ------ 平半盤
平半盤TIPS:
- 不應揀主隊受讓的比賽作為重注場次
- 如買高水下盤, 不妨考慮轉買讓球主客和[+1], 長遠更有著數
[因為甚少下盤可以食足全格]
- 如大注買上盤, 不妨補小小主和客和, 可能有意外收獲
1. 上盤低水 (1.65 - 1.83) vs 下盤高水 (2.02 - 2.28) [可重注的平半盤]
呢一類的平半盤難度不高, 因為一般都係買上盤以半搏全,
賭左幾年, 真係比較少可以下盤收哂全格, 要買呢D盤一定要小心3樣野
- 上盤球隊會否讓得太少, 例如近況好到不得了但對家差到不得了
- 上盤球隊往績是否佔壓倒性優勢, 如有應先考慮下盤
- 下盤球隊排名是否比上盤球隊高
呢3樣係最簡單, 甚至入球大細賠率都有影響
總結黎講, 由於開上盤非常多, 所以我認為要重注, 應先揀此類場次
2. 上盤中水 (1.84 - 2.01) vs 下盤中水 (1.84 - 2.01) [忍到就忍, 忍唔到就小注怡情盤]
呢類盤比較難玩, 唔理係飛數定賠率走勢都唔簡單,
往往你以為上盤以半搏全, 真係會輸到咩都無......
你買左下盤, 反而成日開上盤贏一球...... 又輸
所以我唔贊成大家揀呢D盤的場次黎重注, 小注怡情算了
3. 上盤高水 (2.02 - 2.28) vs 下盤低水 (1.65 - 1.83) [雞肋盤]
'' 唔好當佢係平半盤, 當佢係平手盤 ''
我唔係叫大家用平手盤的角度睇呢D盤,
而係你買得就預左要食全格先好買!
因為有時下盤得1.7X, 真心講句, 買左和波食半格但頂足全場,
真係好無謂, 所以買得就要直頭覺得佢SURE WIN
否則不應買低水下盤, 搏少少賠率就無謂
但呢隻係一隻雞肋盤, 因為下盤開出的次數比上盤要多,
上盤難買程度係10星...
讓球備忘錄2 ------ 半一盤
半一盤小TIPS:
- 所有半一上盤都可以揀作重注的場次
- 所有半一下盤都不應揀作重注的場次
1. 上盤 (1.68 - 1.85) vs 下盤 (1.99 - 2.23)
Case 1: 主上盤客下盤 [個人認為最穩的盤]
呢一類係我認為最穩的盤,
真心講句, 主場加上本身實力高一班,
讓客隊半一真係收左半格等全格, 所以好好買,
但同時要知道經常會出現食半格的情況, 仲要好險先贏個隻,
只要讓得合理, 或者上盤隊讓多左, 都宜先投注上盤
(注意: 如果外面本身初盤開一球上盤高水, 而最尾轉左半一低水, 請避)
Case 2: 客上盤主下盤 [支持愛隊盤]
如果客隊做到超低水半一下盤, 都8成係勁旅,
例子: 漢堡 vs 多蒙特, 水晶宮 vs 阿仙奴 ...
買黎支持下睇波咪算, 唔係呢D隊都好少見呢D盤,
可以忍咪忍, 唔得咪小注睇波, 開開心心
2. 上盤 (1.85 - 2.02) vs 下盤 (1.83 - 1.99)
Case 1: 主上盤客下盤 [百分百感覺盤]
簡單講幾句, 睇下主隊會唔會讓得太多/太少,
唔認為呢類盤開上盤多, 真係一半半,
以我印象, 開半和的情況都唔少......
要買呢種盤真係好講FEEL...
Case 2: 客上盤主下盤 [中注時機來了]
呢類上盤好好,因為客隊大多唔係超級勁旅,但讓得出半一中水咁勁, 通常因為
- 爭標/爭歐洲賽資格
- 飛到波到 [同馬仔一樣]
呢類盤大家留意下, 主力應先留意上盤
3. 上盤 (2.03 - 2.23) vs 下盤 (1.68 - 1.82)
一次過講哂, 賭左幾年,上盤成日都一係收哂全格, 一係輸哂,
下盤當然都係, 唔多開出讓和,
呢類場次好得意, 戰況成日都一面倒......
再講, 有時候呢D盤可以開平半, 但又要開半一,咁就要留意2樣野
- 其他公司初盤究竟係開半球定平半?
- 其他公司主勝賠率會否高過馬會太多?
唔係高過就係上盤贏, 低過就下盤
但我認為大家可以紀錄數據,
長遠會發現箇中玄機
對你睇呢類盤有極大幫助!
讓球備忘錄3 ------ 平手盤
平手盤特點:
~ 最易賭的盤 (好多高手都鍾意出)
~ 最難賭的盤 (可能真係要高手先覺得易)
~ 最安全的盤 (因為和左即係無賭過)
平手盤小TIPS:
- 唔好長期追高水黎買, 總有一次你會贏, 但可能先輸幾次
- 重注平手, 一定買中水或低水, 唔好重注高水平手盤
- 平半轉平手宜先考慮本來受讓的下盤球隊
1. 主隊 (1.68 - 1.84) vs 客隊 (2.00 - 2.23) (走盤的平手)
開出呢個盤, 雙方實力自然相當接近, 不過主隊有主場之利
所以被提高一線, 首先留意, 成鬼日走盤
通常低水的主隊都好穩陣, 但要留意
主隊本身實力如何, 如果實力高點解係平手唔係讓平半
主力留意兩隊的近況同排名, 其實係幾時都可以用需要用
個人覺得, 主隊開出機會的確比較大, 可長期留意
2. 主隊 (1.85 - 1.99) vs 客隊 (1.85 - 1.99) (又客隊 ......)
開得出呢個盤, 其實睇高客隊
唔信試下做紀錄, 開客機會相當高,
但唔係叫大家盲目咁買客隊
另一方面, 通常呢個盤外面的變化都好大,
多加留意睇下馬會係唔係全球最低水的公司,
如果係, 不妨一試馬會的眼光
3. 主隊 (2.00 - 2.23) vs 客隊 (1.68 - 1.84) (唔買客隊對唔住自己)
呢D盤, 真係好多時候開客隊,
因為今次唔單單睇高客隊少少, 而係睇高好多,
所以要重注一定係揀呢D,
但問題係, 主隊高水成日做個陷阱引你,
所以要睇清楚主隊係唔係好廢,
如果佢夠廢的話, 可能真係要相信盤口買主,
如果本身都唔係太廢, 咁就要轉投客隊了......
4. 兩回合的賽事
- 其中一場開平手盤, 宜先留意客隊
- 宜先留意首回合輸盤球隊
個人意見, 不喜勿插
歡迎大家討論讓球
[ 本帖最後由 lkjhg0707 於 2015-2-2 02:29 PM 編輯 ]
