廣東牌章法測試 (實戰版)
以下牌局是我遇到的一個真實例子，當時有位朋友認為我打錯牌，我點打？賣個關了先！
事後我一直念念不忘這手牌，我覺得這手牌好有參考價值，特此跟大家一起研究下，乜讓大家測試一下自己的水準。

三番起糊，十番 256，全沖

下家做筒子
檯面碰出：888筒 發發發

對家做對對糊
檯面碰出：二二二萬 3 3 3 筒

上家做萬子
檯面碰出：八八八萬 東東東

我做索了
檯面碰出 ：111索 222索 999索
手牌持有 ： 1 , 2 , 9 索 + 南 .......摸入 8 索
3455 77 888未露面

我對這局牌的分析如下：
從牌路及各家之動態，各家應還未聽牌
橋上只剩下16 隻牌，即平均每人可摸入四隻，3 4 5 5 7 7 索肯定在橋上
對家做對對有八成機會有一對 8 索 ，即同樣有八成機會在橋上有餘下一隻 8 索(因其餘兩家應無 8 索在手)

一對南應該在對手中，餘下一隻南應該在橋上

大家認為應該怎樣處理這手牌，為什麼呢？

你碰左,1,2,9索之後,手上仲揸住1,2,9索各一隻,一隻南同摸入一隻8索!!
係咪咁???

雖然我對麻雀認識唔深,但睇完你內容,我會咁諗(希望無會錯意)
對家一定係對對,因為佢碰左8萬3筒
但其餘兩家都有可能係對對,因為佢地檯面只係碰出一字一式
無上牌,而佢地手上有咩牌,都只係估計,實質唔知!!!

答:我會槓埋1,2,9索先,因為可以摸多3隻牌,有機會摸到我要o既牌,睇下摸到咩先再打算!!

[ 本帖最後由 保安員 於 2007-7-14 04:12 AM 編輯 ]

你真係咁覺得其他人無糊叫, 隻南唔會輸, 咁就打南啦.
正常穩陣嚟講都係打1索先. 你要進取d, 好似樓上咁講, 走去槓1索先又得.

[ 本帖最後由 perspex 於 2007-7-14 04:13 AM 編輯 ]

開槓先喇﹐摸多三隻牌。

都會係先開槓一, 二, 九索... 看看摸什麼牌... 就算摸回的是索子.. 都係打索子.. 絕對唔會打南.. 因為打索子.. 輸極有限.. 而且開槓一, 二, 九索, 搶槓當自摸的話, 對手都唔會大得去邊, 因為其他的抬面都沒有索子牌... 起碼模多三隻在自已手裡面, 減低其他人的模牌機會...

及想問, 你大約幾時會覆回你打什麼牌呢???

大家可以詳細些分析你自己點打及點解咁打，資料已足夠了，唔需要想得太複雜。
當有約廿人回覆或有人講到我點打，我就上來解釋一下

槓晒三隻佢, 然後睇下有無機會啦, 打南出沖o既機會好大

開槓一先...

槓1,2索先, 睇下摸到咩牌
話唔定摸番隻7索黎"痴"8,9索, 或摸多隻南做眼

但關鍵都係睇槓1,2索後摸D咩:025:

[ 本帖最後由 ucsdtriton1 於 2007-7-14 03:07 PM 編輯 ]

跟據你提供的資料, 本人有以下分析. 但因沒有全部已出牌的資料, 所以還未完全掌握所有形勢.

情況1:

雖然3455 77 888索未露面, 但如果"中" 和 "白" 都未死, 手上的 "2索""9索"是有機會輸下家小三元或 "8索" "南"是有機會輸下家大三元

因為:
下家做筒子
檯面碰出：888筒 發發發
下家手上可能1:中中中 白白    34索  --------------- 小三元食2索
下家手上可能2:中中    白白白 34索  --------------- 小三元食2索
下家手上可能3:中中中 白白    78索  --------------- 小三元食9索
下家手上可能4:中中    白白白 78索  --------------- 小三元食9索
下家手上可能5:中中中 白白白 8索    --------------- 大三元食8索
下家手上可能6:中中中 白白白 南    --------------- 大三元食南 (仲可能輸兩家或三家)

最穩妥是打1索, 因為開槓1索後可能會無安全牌打, 而且自己只有3翻, 無謂博5翻或8翻!

情況2:

如果"中" 和 "白" 其中一隻死(已出3隻或4隻)或"中" 和 "白"已各出2隻, 那便要開槓1索,再開槓2索 (南仲可能輸兩家混對, 無謂博)

因為:

可能1: 第一槓摸7索叫南, 摸南就叫7索, 第二槓仲可能自摸10翻!
可能2: 第一槓摸不到7索或南, 但第二槓摸7索叫南, 摸南就叫7索, 之後仲有3次機會自摸4翻!

但如果槓到隻可能輸下家或上家混對的, 就無謂博. 自己只有3翻!

潛在風險:有1家有1間2翻的翻子, 或2間1翻的翻子, 還拿到34索, 搶槓2索, 因為大家都可能不敢打索子.