星州麻雀 vs 廣東牌
我移民去新加坡, 學左當地麻雀﹐都幾特別﹐所以想係到同大家介紹下。
星州麻雀 ﹕
特別既地方。 你可以話佢無技術可言。又可以話佢深不可測。點解?
其一 ﹕ 打法簡單。通常一番起﹐五番止。屁糊都食得﹐144隻牌外加4隻“聖獸”。佢地係公雞﹐百足﹐貓與耗子。有作用架﹐一隻一番﹐全
家報到五番。摸花機率高左﹐所以食快餐多過食大茶飯。
其二 ﹕ 計番特別。因為食快為刺激﹐番數自然吾大。
一番﹕ 平糊﹐花上 (補花自摸)﹐槓上﹐門清﹐搶槓﹐三元刻子﹐正風﹐花腰。
兩番﹕ 混一色﹐對對。
三番﹕ 小三元 (House Rule, 自定先講定)。
四番﹕ 清一色 (你無睇錯)﹐平糊無花 (你都無睇錯)。
五番﹕ 大三﹐大小四﹐十三﹐一九﹐花糊﹐海底勞月 (視House Rule 而定)﹐綠一色 (只含二﹐三﹐四﹐六索或發財)。
其三 ﹕ 安慰獎。開槓﹐“咬”﹐雙正花﹐四季齊﹐四花齊都有錢收。"咬“指公雞搭百足或貓搭耗子。亦有人玩耗子賠貓。例如東家有貓﹐你
摸耗子要賠。以上全計法一致﹐與一番同價。如一番收一﹐二蚊(打出二)﹐安慰獎就賠一蚊。暗槓或其他起手牌賠二。
其四 ﹕ 包牌多花”神“。九張﹐十二自摸外﹐又有包四番面﹐三番面﹐包槓﹐包三元﹐包生牌。
例如東風莊三番牌面﹐就包東。因為食出係五。四番牌面包正風﹐三元﹐南家四番面你打南﹐就你自己埋單。包三元就最特別﹐因
為三元九張或十三張都食得。如一家碰中﹐發﹐你打白板畀佢碰就包。小三元無效。
其五 ﹕ 吾會打晒﹐所以無得怨。牌例打剩最後七棟半(十五隻)﹐吾可以再摸或補。包生牌指七棟半前既最後四張﹐如果台面未出過為生牌
。若打出銃又要包。包槓係七棟半前既最後六張或八張(視House Rule 而定)﹐打畀人槓就自己畀晒。
其六 ﹕ 好多人貪快就成日打垃圾﹐做平﹐所以有條怪例。做平糊時﹐以下狀況先食得。
叫兩飛以上﹐卡窿﹐單吊﹐叫眼吾食得。正風﹐三元番子吾可以做眼。除非有花或門清等等﹐或者似二三四五萬叫頭尾眼﹐否則都
詐。
過吾過癮呀?哈哈哈。廣東牌我中意多D﹐控制到啊嘛。星州麻雀﹐講運?
