第五章 初見
當Adrian由餐廳出嚟上到自己車,佢再次湧起一陣感慨,估唔到計劃好的分手情節,都被Belinda破壞了,冇比機會佢解釋,係知道Belinda會將佢要分手的原因美化,留定條後路,到時又有手尾。而家都好丫⋯⋯只係提前cut哂佢d卡比較冇風度,如果呢件事會為Belinda帶來任何不快,就當作當日佢喺屋企偷食的代價吧!
跟住條路又要點行呢?沒有伴侶的日子⋯⋯搵SP? 但自己喺床上唔會令對方滿足;比錢援交?至少對方嗰幾個鐘係屬於自己。但當佢在社交網站搵女期間,見到佢哋的恩客留言好評,隨即自嘲一笑,頭上已經好多頂帽喇⋯⋯何必喺雞的身上搵愛情感覺呢。
當Adrian自嘆自憐時,電話響起,係佢媽。
「媽,有咩事?」
「做咩你鼻盟盟咁?係咪冷親呀,叫咗你要休息多d啦,錢係搵唔哂,最緊要呢⋯⋯⋯」
「媽,我同Belinda分開咗喇」Adrian知道唔打斷佢,佢媽可以將全套養生保健學講一次。
「唉⋯⋯見你哋今次咁耐,我哋仲以為自己跌眼鏡添⋯⋯唉⋯⋯算啦算啦,我介紹個好女仔比你識。」
Adrian都好感慨,佢以為用錢可以「買」個女友/老婆,但原來條J短,有時都有用。「你邊度搵個女仔出嚟呀?我而家唔想拍拖。」
「邊個叫你拍拖,個女仔又乖又慳家,仲識搵錢呀!人哋應該一早有男朋友啦! 其實就咁,我上網同個女仔買咗二千蚊coupon,不過我怕係假嘢,你幫我去交收啦,你讀得書多,又做開生意,識得分呢d嘛。」
「媽,你又話個女仔乖,但又驚佢賣假嘢?唔好慳呢d錢啦,因小失大呀。」
「呢幾年屋企d超市券都係搵佢買,我都不知慳咗幾多。不過今次d coupon係首飾店,你知啦,你阿媽平時淨係識去金舖買,唔知呢d首飾店張coupon點樣嘛!唉呀,唔講咁多喇,我比個女仔電話你,你同佢約時間啦,我哋講好咗$1500買$2000 coupon,記住喇!」
Adrian聽到佢媽做咁多嘢,就只係想慳$500買首飾⋯⋯諗起自己隨手買咗$5000 coupon比Belinda,換來佢同男人鬼混的live...
過去的唔好諗喇,至少而家做返孝順仔先,佢好快就同賣家約咗翌日喺地鐵站交收。
到咗交收日,Adrian諗起自己都好耐冇在地鐵站等人了,平時都係揸車,最多都係過海時搭一個站。然後再諗到今次係佢第一次私事上約會陌生人,諗起對方的頭像,係一個笑得好甜的女仔,佢開始緊張了。
「Hi,請問你係咪阿俊?」一把溫柔的聲音喺Adrian身後響起,當佢轉身時,就明白點解d人話女仔放上網的照片係信唔過⋯⋯⋯
(待續)
我第一次用電話出文,唔知效果同平時用電腦有冇唔同呢?
[ 本帖最後由 可可queena 於 2018-12-19 08:28 PM 編輯 ]