大大力推～

去精華選舉個po推多下😚😚

第七章

興奮過後的Adrian稍作休息，就上網搜尋資料（之前佢認為自己的短小無得救，一直逃避相關資訊）。原來男性的興奮度係會影響Size的，以Adrian的理解，原來佢一直都未達到最興奮的狀態，所以咁細條，當然，佢的「新長度」只係接近平均值的中位數，但總比之前屬於平均值的最低點，實在好太多了。

同時佢開始認為：以前d女都唔掂，所以令佢未能「發揮」，而家藉著對吳小姐的幻想都咁勁，如果真係做，會點樣呢？諗諗下，佢又忍唔住玩一次，之後決定繼續幻想更好，因為唔會有失望。


另一邊廂，剛完成交收的吳小姐去到同朋友合作的工作室，將交收得到的現金抽起$100作為佣金，其餘就交比負責記帳的朋友。

「我終於都捱完喇！」吳小姐邊說邊攤倒在梳化上。

「時間過得真係快，咁就半年喇，聽日開始就係我負責做CS同交收。」坐在一旁的亞洛笑著說。

吳小姐、亞洛同另外兩位朋友，年半前合作，在各大社交網站設立專頁，進行二手買賣，當時商議每人負責半年的營運，兩年後再決定請人打理，定係拆夥或者其他。而吳小姐經過呢半年的經營，發覺太花時間，回報亦唔算大，而且交收太浪費時間，有時仲要拎一大堆嘢去寄，太麻煩了。所以佢決定兩年期滿之後，就會退出。

「係呢，沙律你今日見工見成點？」

Charlotte (吳小姐）微笑點頭道：「今日係簽約喇，下星期一返工。」

「咁我哋去食餐好嘢，慶祝大家都返新工啦！」




半個月後，Adrian 同佢媽咪食飯，言談間提到吳小姐已經冇賣超市券：「吳小姐話而家呢個係佢朋友，搵佢買都一樣，但我就鍾意吳小姐囉，而家呢個男人婆咁，見到就唔鍾意。」

「咁咪唔好去超市買嘢囉⋯⋯上網買都好方便。」Adrian掩藏著失落的心情，安慰道。

「上網冇印花送嘛，冇印花點換屋企d煲呀？！」

（待續）

Andrin唔使失望… 好快就會見到。

無錯！下一集就會見到！仲要含住⋯⋯⋯

Thank you Queena. 個post一次過追曬，好滿足。你寫咗個post差不多一年。辛苦曬

其實我係由15年開始寫，只係以前的故事分散，沉哂底

而家重新整理過，方便新舊讀者睇文😁

多謝你喜歡我的故事😚

一次過追晒，正！