我就係期望讀者會硬/濕得來都會有啲SAD呢！  劇情需要都會玩腳，不過唔會太過份，有讀者唔喜歡呢。

琪琪會盡力抵住誘惑！

佢地會再遇的。但應喺返香港。

多謝贈詩呢！

第56話 選晚裝



同一年的五月一日，是勞動節。雖然是公眾假期，但在這個時代，在銀行工作的勤也要上班，到鬧市宣傳爭取客戶。他被要求十一時到場，所以在上班前，他先到家附近的茶餐廳吃早餐。離開時他見到Agnes準備入內。

 

勤:早晨。

 

Agnes:早晨。你食完早餐?

 

勤:係AR。

 

Agnes:你等唔等埋我?我未來老公會車埋我。

 

這時勤才留意到勤Agnes身邊那位男士。他高大英俊。成熟的氣質令勤覺得他應已三十多歲。勤說:“Hello!我自己搭車得啦。晏啲見。”別過後，勤就走路往車站。他忽然感到內心有一種不安的感覺。但他卻解釋不了這種感覺何來。

 

自從大半年前Agnes搬到勤住所附近後，兩人就開始熟絡起來。對勤而言，他跟Agnes聊天的時間和次數比和Joe更多。而且JOE始終與琪琪相熟，他的女友更是琪琪的好友。所以對於勤放棄琪琪，JOE是不同意的。相反勤在Agnes面前就可以盡情傾訴對琪琪的不滿。勤因此也已經當Agnes是一個好朋友看待。

 

不過這天當勤在工作的地方見到Agnes時，勤卻收起了平日對Agnes的熱情，就像對普通不相熟的同事那樣跟她互動。勤的冷淡令Agnes感到古怪。所以在下班時她主動邀請勤去吃下午茶。而勤也答允。

 

兩人在鬧市中尋找餐廳。期間Agnes忍不住問勤:“你做乜今日古古怪怪咁嘅?”勤沒有否認自己有些情緒:“你都覺?我都唔知點解今日心情好似唔太好咁。”兩人再多走幾步，見到馬路上的一條遊行隊伍。示威者高叫“我要最低工資 立法標準工時”的口號前進。

 

勤停下來望著他們的旗幟和標語，又對Agnes說“唔知係咪紅日都要返工所以心情特別差呢?”Agnes不同意:“唔係掛……你都唔係第一次星期日或者公眾假期要返工LAR。之前冇見過你咁樣。”Agnes指著路旁一間餐廳說:“喂不如呢間好唔好?”勤說了聲“好”，兩人就入內就座。

 

點餐後，Agnes問勤:“佢地講最低工資我知係乜。但乜野叫標準工時AR?”勤回應:“我都唔係好知。可能可以返少啲工掛。”Agnes即露出笑容說“嘩咁好?”

 

勤:好鬼好馬咩?搞來都多餘。唔會爭取到嘅。嗰個最低工資咪仲多餘。自由市場來嘛……啲人嫌人工低咪唔好做囉!

 

Agnes:咁你都唔好怨今日要開工LAR。

 

勤:嗯……

 

Agnes:你估……如果可以返少啲工，你會唔會同你女朋友分開呢?

 

勤:唔好提佢LAR。

 

Agnes:即係你仲CARE佢啦。

 

勤:唔係……

 

這時Agnes的電話響起，她簡單講了幾句就掛線然後對勤說:“你今晚有冇野做AR?”

 

勤:冇AR。

 

Agnes:可唔可以幫我一個忙?

 

勤:咩事?

 

Agnes:我今晚要過尖沙咀揀擺酒嗰晚著嘅晚裝。本來個friend陪我揀。但佢頭先打來話佢仲發緊燒。你幫下眼得唔得?

 

勤:我?我唔識呢啲噃。

 

Agnes:你都會覺得邊啲靚邊啲唔靚嘛。

 

勤:你老公呢?

 

Agnes:佢今朝車完我返工就飛左去傾生意LAR。

 

之後勤就跟Agnes到了婚紗店。當兩人見到舖頭時，勤說：”啲人唔會好奇怪有個唔係你老公嘅人同你入去揀？”Agnes想了想就說：”咁你做住我細佬先LAR。我真係有個細佬GA。”於是Agnes在店內就對職員說勤是她的弟弟。勤看著Agnes試著各款晚裝、對著鏡子時那甜美的笑容，一股複雜的心情又在勤內心湧現。是羡慕？是妒忌？是為Agnes而高興？勤自己也搞不清楚。兩人在店內待了差不多兩小時。最後Agnes在勤的協助下選訂了三套晚裝。為了報答勤的幫忙，Agnes說要請勤晚飯。

睇尼亞勤有餐食喇👍👍😜😜

多謝update

勤由anges 身上學野，然後應用在琪琪身上

第57話 動情？



因為吃過下午茶不久所以不感肚餓，勤帶了Agnes到麥當勞。Agnes於是決定這餐不請客，待下次吃好一點才付錢。兩人取餐後坐了在一張二人枱。

 

勤:仲有幾個星期就結婚，你緊唔緊張AR?

 

Agnes:都有啲GA。其實都冇諗過咁後生就結婚嘅。好多野估唔到。

 

勤:咁你老公係又高大靚仔嘅。

 

Agnes:都算係。

 

勤:佢成日要飛架?

 

Agnes:佢自己開公司做生意。難免要成日四圍走。

 

勤:原來仲事業有成添。

 

Agnes:所以咪要箍實佢。唔係就走寶。

 

勤見Agnes同時展示出一個洋溢著幸福的笑容，自己心中竟有一些難受。但令勤更難受的話要到他們坐車時才出現。

 

Agnes:你覺得我結婚之後仲返唔返工好呢?我老公唔太想我再返。

 

勤:下?佢養你?

 

Agnes:咁佢又真係養得起嘅。

 

勤:唔返工你唔怕悶?

 

Agnes:都有少少怕。但係返工真係好辛苦。過下少奶奶生活都幾好。

 

勤:咁又係嘅……

 

勤自覺沒有資格就Agnes的未來給予意見。但他即時覺得很擔心:工作已夠辛苦了。如果上班時連Agnes也看不見，那自己如何過每個工作天?而且，Agnes離職做家庭主婦也意味著勤將失去一個了解他的好友……

 

這晚回到家中躺在牀上，勤有更多空間整理自己的感覺。他從沒擁有過Agnes，但又怕失去他。這是否代表了自己動了情?然而，動了情又如何?對方快要結婚，而且人家的未婚夫的條件比自己好那麼多。勤閉上雙眼，他腦海中出現的竟是剛才看著Agnes試晚裝的場面。他無法不被Agnes的美貌和驕人的上圍吸引。他也想起在麥當勞坐在Agnes對面時，他要盡力避免直視對方的胸部。因為那雙乳房在緊身上衣下更顯突出。再加上Agnes那斜揹袋的揹帶剛好在雙峯之間“掠過”，更令勤覺得誘惑。勤似乎不得不承認對Agnes已有非份之想。但他真算動了情嗎?勤自己也不大清楚。或者值得慶幸的是，因為Agnes快要結婚，所以勤根本不用搞清楚自己的感覺。如果Agnes真的辭職，他也只可無奈地接受，而不會真的傷感。

 

翌日是星期三，勤如常上班。見到Agnes時，勤就像以往一樣和她互動。只有兩點不同。第一、勤自覺自己要經常刻意不盯著Agnes的胸部。第二、Agnes每天都提醒她還差勤一頓晚餐。但就算勤自己其實晚晚有空，都找藉口推遲約會，以免自己對Agnes投放更多的情感。

 

到星期六，勤可以休假。他睡到下午。起牀時勤見到時間距離手球比賽的開始時間已差不多，就趕緊更衣趕到比賽場地。到場時，球賽已快要開始。他向隊友道歉後就要應付比賽。

 

個多小時後球賽完結。勤見到貓坐在觀眾席上。身為隊友的JOE就走到貓身邊坐下。勤也走過去打招呼。但很快JOE就先到更衣室洗澡，因為他要和貓趕往戲院看電影。JOE不在場，貓就問勤：”你呢排點AR？”

 

勤：都係咁LAR。

 

貓：想唔想知琪琪點？

 

勤：冇乜太大興趣……

 

貓：即係都有啲LAR。佢遲啲又要去外國一排LAR。

 

勤：下？點解？

 

貓：佢以前有冇同你講過？佢份工係咁。要去外國training嘛。

 

勤：好似係有講過下。

 

貓：所以你如果有意思就趁佢出發之前ACTION啦要……

 

勤：唔駛LAR……

 

之後勤刻意扯開話題，直至JOE回來和貓先離開。

 

勤不想回家，晚上就自己在鬧市一個人吃飯和逛街。他走到海港旁邊，感到特別孤獨。他記起貓的話，又質疑自己放棄琪琪的決定是否有錯。他繼續漫無目的地走，不知何故又走到日前和Agnes到過的婚妙店門外。