引用:
原帖由 一夜狂歡 於 2019-12-3 06:23 發表
三十罐飲料人人有份,得我冇份,分到我嗰陣一罐都冇,十分冇㽼,點知塞翁失馬焉知非福,可愛嘅Irene走埋嚟同我講,不如我地分一罐啦,嘩!呢個震撼嘅題議,簡直係夢寐以求,可以分享Irene啲口水之餘,仲可以間接同佢kiss,即刻扑倒答應啦,於 ...
小休一輪之後,攝影大軍就浩浩蕩蕩向住山頂涼亭進發,沿途拍友們都有傾有講,好不熱鬧,突然有個拍友大聲話,Irene姐姐點解咁耐唔出嚟客串一下,俾我地影番輯靚相好喎,Irene好識做,即刻兜番話,今日兩位姐姐咁靚,你地有排影啦,幾時輪到我,但嗰位拍友仍然唔收口,竟然話,妳係咪俾Peter(攝影師名)私有化咗,所以唔出嚟呀,喂Peter!你唔好咁大貪自己收埋喎,此話一出,Irene同Peter兩個顯得不知所措,唔知點回應,我作為旁觀者都唔知發生咩事,跟住仲有其他拍友起哄問,喂你地幾時拉埋天窗呀,記得請我地飲喎,講到呢度,我完全明白晒,原來佢地以前係拖友嚟嘅,唔怪得知咁鬼熟啦,俾拍友們不停追問,佢地兩個尶尬到極點,一時之間為之語塞,還幸Irene有急智之才,好快回應話,我地仲係朋友,此話一出,大家都知道發生咩事,好識做咁晤再追問落去,氣氛突然之間變得沉寂咗,冇晒生氣,還好在Irene不停打圓場下,大家好快又變得熱絡番。