到此一遊
大家濕吻技巧好嗎?我自問不太好,當年和女友,都是好乖乖的蜻蜓點水式輕吻,要是我稍一興奮,用多了力,她就卻步,那好明顯,是Cherry說的,我令唔到對方舒服和享受。而我回帶去想,昨晚Cherry技巧係純熟的,係有牽引性的,會令我有種沈醉感。就在此時,我的email響起了聲音,是Cherry。
Cherry: 黎緊星期5有時間嗎?果日我放假,我下午會去剪髮,想早上同你去一個地方,同埋食lunch。 ( 我是在趕工,但幾日後的約會,還應付得來。所以亦好爽快答應。 )
我: 好啊,到時妳俾時間地點我啦。
同Cherry傾完後,我亦都投入工作,為公為私,我亦都要快快手完成展覽既準備功夫。今日會有2個製作同印刷Catalogue既代表黎公司傾細節。例如新產品介紹應該放邊度,整本Catalogue色調今次走活潑路線但又點分佈,公司將會有新Logo,所以Pantone色唔可以有錯漏。手稿同大貨印刷往往有出入係人之常情,Lawman同柒男就最鐘意整鬼印刷公司黎既人,少少既為難動作我倒不理會,因為往史都係Amanda入去打圓場,為既係有時可以攞下著數咁。但今日,我隔住會議室既門,都聽到房裡好像有點爭持。令我不禁好奇入去一望。
當我推開房門時,一個既陌生又強勢既女性面孔,正在主導整個討論氣氛,而呢個人,我係唔識既。
Rebecca: 你放心,總言之,今次個Catalogue會由我親自follow,期唔會遲,色tone亦唔會走樣,OK? ( 一位好凶悍既女士,站在會議桌邊,表明吋步不讓既態度。我環顧四周一望,忘了今日係Amanda既定期檢查,所以佢唔係度,亦因為咁而至令對方居然可以食住個勢而無人懂反擊。 )
Bella: Dragon,呢位係Rebecca。負責同我地做今次展覽既Catalogue同海報。 ( Bella係新人,第一次開呢個會,要佢同Amanda一樣表現只會係強人所難,故此佢即時講我知,對方今次話得事既係邊個。 )
我: Hi, Rebecca,妳好有信心喎,咁我地咩都唔使講,我等妳既大貨好無? ( 細節過程既野,其實係最花時間,但要我逐樣傾,呢個唔係我作風。 )
Rebecca: 未得住,細節位Lawman仲未對好晒,而且你地新產品仲未上好色,我呢邊等緊。
我: 哦?原來妳知道,妳要等我,大家要時間磨合架。
Rebecca: 我當然知,但而家所有野,其實都係等緊你地呢邊決定,我地好被動。 ( Rebecca意思係,佢既人,比我呢邊更快完成進度,係我既人拖慢。 )
我: 我比較清楚既係,我地合同寫好左,由今日計起,要一個月內起好貨,無講我幾時要完成好核對比妳喎。
Rebecca: 如果趕唔切,對你地展覽都好有影響。
我: 呢樣唔使妳擔心,既然妳都知道時間趕,而家最重要既係,我地兩邊既人有好多細節位要傾好先,不如唔好阻住佢地,我地出返去先好無?我有另外既野想搵妳傾。 ( 我無等Rebecca回應,就示意柒男同Lawman好好同對方2個負責編輯既人傾,而Bella醒目地尾隨我同Rebecca一起入我房。 )
Rebecca: 我只係想好好咁完成今次既Catalogue。
我: 既然妳想好好完成,妳就唔好搞住佢地。我同謝生不嬲呢方面都交俾D細既自己去搞。 ( 謝生,Rebecca間設計公司老闆,我地好多時一d產品包裝、海報小冊子都搵佢地負責,呢位Rebecca,好明顯係想儘快有表現。 )
Rebecca: 咁你意思我係度等?
我: 我無意思要妳對住我,如果妳唔介意,妳可以去我地公司既Show Room,了解一d實際運作。另外,今次我想係Catalogue show off下我公司既設計流程同設備,Bella可以帶妳行一趟,妳將妳既構思整理好再返黎同大家傾,順便飲埋杯咖啡。 ( Bella好識配合我,剛才係會議室見著Rebecca飲緊咩,佢居然識得準備多一杯來我房。 )
Rebecca: 好,我唔想齋等。 ( 接著她倆就出去。之後點樣我無太理會,因為Bella睇黎了解左Rebecca後,亦學識左點樣處理。而且大家都知,接下來的這個月,大家還是有見面交手既機會。 )
事後…….
Bella: Dragon,好彩今日有你講兩句,成件事氣氛唔同晒。
我: 以往都係Amanda做既,柒男同Lawman,佢地比較擅長處理硬件上既野,對人方面,其實佢地唔太懂,所以如果Amanda行開左呢段時間,妳要幫到手。
Bella: 我唔知得唔得喎。 ( 我知Bella唔係推卸,只係人際對奕從來都唔易,但我喜歡。 )
我: 放心,我俾得妳去,唔等如我行開左,我會係後面back up架嘛。
Bella: 咁我就無問題啦。 ( Bella露出了招牌笑容,那是燦爛同陽光的,和Cherry感覺很不同。啊……. Cherry )
Cherry約了我見,目的地點仍是不詳,只問了我車泊係邊,咁我架車當然泊係我屋企既車場啦,好自然佢就講,咁車場見,啊,OK~~ 唔知…….今次佢想去邊呢?我……唔係好熟香港D路架喳喎,我在心想……..
那天我一身便服look在街等,在等的時候,我勾起當晚同Cherry係碼頭既深吻,唔算激烈,但深吻時間是持久的,說實話我沒領會到當中多少技巧,只知道,kiss時我被她牽引著,亦令我吻得很沉醉,她好像有點啟發了我,啟發了什麼還未描述到,只知…….. 要再探索多次,唔知,今次見,有沒得kiss呢?話晒家陣都仲早上喳喎………. 係我個人ff時,Cherry比原定時間遲了10分鐘,當的士到時,我就走去開車門,遇見了感覺總是眼看著是我,但心裡還猜不透她在想什麼的Cherry,那時的我仍形容不了,只感覺她和我一樣期待大家見面。
Cherry: 等左好耐?
我: 唔係啊,一陣遮。妳食左早餐未? ( 我地邊傾邊行去我屋企的停車場。 )
Cherry: 未啊,你?
我: Haha……我都未,所以睇妳想去邊,同埋一陣幾點走,我地可以安排個時間食野。
Cherry: 一陣去一個你未去過既地方。
我: 嘩,我有咩地方未去過,咁巴閉。 ( 我們在笑,同時我腦海在閃,我同佢,係識,但未熟到我有咩地方去過同未去過都會講,所以令我非常好奇。那年代還未流行GPS,我已在想早前買的”地圖王”有無放係車裡,還是在我房裡未拿出來。 )
Cherry: 出發前,介唔介意俾我去過洗手間先?
我: 哦,無問題啊,我屋企無人。 ( 究竟一陣去既地方會唔會好長車程呢,我還在想。當返到我屋企時,規矩係需要先除鞋,再行入屋的。Cherry除鞋露出了她的赤足後,我亦示意Cherry去洗手間,我就入我房搵搵我本”地圖王”了。沒多久,我聽了沖廁聲。Cherry出來了,她在廳見不著我,就企我房門口。 )
Cherry: 你…….. 係度搵咩? ( Cherry尷尬地問…… 我腦海即時飛快去諗,佢唔係….以為我想搵套下嘛。 )
我: 哦……. 我想搵本書之嘛。 ( 但我搵唔到,應該係車度,但因為搵唔到,我既回答有D似籍口。 )
Cherry: 咁你想搵俾我睇?咁你…… 搵到未? ( Cherry咁問,真係仲老尷。 )
我: 哦……. 可能我擺左係第2度,唔緊要既。 ( 同人地第2次見喳,我唔係好想俾佢知,我唔熟路而要搵定本”地圖王”囉……… )
Cherry: HAHA……唔緊要啦,不如你都去過洗手間先,之後我地出發。
我: 哦,好好……… ( 我入洗手間,一路方我既便,一路諗:真係未出發,先瘀皮。而當我行返出洗手間時,係廳亦見唔著Cherry既身影,此時……….. )
Cherry: 喂~~ ( 叫聲來自我房的。現在我先想起,Cherry係我房喎,會唔會發現左D咩架?女仔入男人房,係男人大忌呢~~~~尤其個男人間房無點執好。我急忙行過去 )
我: 唔好意思,行得。 ( 講完個得字……… 我雙眼瞳孔放大,好明顯,我見識少。 )
Cherry: 行得,你就過黎啦。 ( 簡單而言,Cherry佈左個陣,地上、是一條已褪去左既裙,床上、有件本應屬於Cherry身上既衫,而Cherry呢?坐在我的床上,用我張被,遮住她全身,只露出頭及雙肩,還有在被裡探頭了出來的半截赤裸小腿,腳靚,對我而言係會加分的。而佢果句過黎,就好似有萬誘引力般將我帶到佢跟前。 )
我: 我…… ( 我想講我地唔係要出去咩?但真係太低B,我講唔出,但又唔知講咩好。 )
Cherry: 要唔要估下,被下面仲有咩? ( Cherry露出了貪玩的笑容,我看得出她是在誘惑我,同整古我,對於首次面對呢種視覺衝擊,我自問無力招架。 )
我: 妳咁大膽? ( 我邊行,邊笑著講,同時我扯開被子,卻發現Cherry已拉著它和我角力,我在笑,她也是,當我還未完全扯開被時,已被她突如其來彈起身攬住我成個人,而雙雙再一起跌在床上。 )
Cherry: 我叫你估,幾時俾你用手掂我。
我: 我見有個人上我張床,仲可能唔著衫,又冚埋我張被,我要搞清楚咩事嘛。
Cherry: 咁而家清楚未?
我: 連睇都未睇清楚……..咁…..妳話呢。 ( 講完呢句,Cherry在笑,我地再吻起上來。呢一吻,除了驚喜之外,也屬意料之內。我知我會再kiss Cherry,只係唔知會呢種情況。 )