此事我對阿花有少少改觀，平時嬉皮笑臉既佢，做起事來有其認真的一面，亦會處處為人設想，對其負責。我大病一周後回到公司就要面對因我而延期的海量工作，因知阿花做運輸便將公司小量貨品交給佢間公司負責，減輕原本運輸公司的過度依賴風險，數量遂少遂少增多咁移向阿花間公司，其間因大家工作量增多而少見面，行山就停了，只係互發訊息聊聊。
有晚我還在公司處理將要出的貨，全是阿花公司負責的，問佢時佢好似好忙咁，再了解下原來佢還在公司處理我的貨——係一個人。於是我即到佢公司了解，呢次係我大病後大家第一次見面，見佢一個人仍在車場處理緊我的貨，見佢一面認真咁搬，身水身汗，油污滿臉。我已估到一二，
我走埋去同佢講 : 我好肚餓 陪我食飯丫
花 : 姐姐  你d貨未搞掂呀
我 : 仲有時間喎 實搞掂架  依家陪我食飯  人地好肚餓呀
花 : 搞掂埋呢d先食啦
我作狀 : 都好丫 人地啱啱病完 應該有力同你一齊搬既 姐姐同你一齊搬丫
花 : 你咪呀  再整親就大件事啦  怕你啦 同你去食啦
於是我地去左打冷，幾杯到肚後阿花先透露由於我間公司俾左好多單佢間公司，老細當然高興啦，但阿花果組人就好唔開心，因為多左好多工作量，於是放慢手腳，但阿花因為我的原因，要對我負責，便自己一力承擔，不致送貨有所延誤。我靜靜咁聽，心中默默盤算，不停勸酒，當臨別時

我 : 你返去休息下啦 d貨實搞掂架
花 : 又係呢句

數日後阿花帶著數位生面口的同事來公司處理餘下的貨物，在現場佢發號司令，指揮若定，當有一個空檔我行去佢身邊

我輕聲 : e  小弟弟 昇做大佬喎
花亦輕聲 : 你知我不嬲都大架 姐姐
我輕聲 : 你再口花花 我以後就唔釆你
(因我講明在公事上阿花唔可以叫我做姐姐或小白，我亦唔會叫佢做阿花或小弟弟) 阿花的嬉皮笑臉又再重現

教授，小妹因為你。。。慢慢滲出😜😜😜

睇左你滲出来嘅嘢了，好正呀！再滲多少少吖！未夠滋潤呀！

你返去休息下啦
你返去休息下啦
你返去休息下啦



都唔攰

快D返黎咗

做送貨大致兩種人，一係唔鍾意講嘢，一係就口花花鍾意撩人。

大佬，全世界應該都係呢兩種人

熟女姐姐真係好正架🤤

當晚阿花來電謂有批貨要脫期，因為有班流珉來堵亂
我急問 : 人有無事
花口窒窒 : 人就無事 但你有d貨爛左唔送得
但我覺佢有事隱瞞，不過暫時信佢並且即時處理貨品，最後亦不用脫期。第二日我即到佢公司了解，見到佢頭用紗布包住，面有瘀青。
我如骨鯁喉般冷冷問 : 有無事
花亦口窒窒 : 你d貨爛左 放左向果面 呢到係爛左的資料
正當我檢視緊資料時，突然有一班人衝入來大聲叫囂，當中有阿花之前的同事，阿花第一時間擋在我身前，我在佢身後慢慢了解到發生咩事，原來就係呢班人昨晚來堵亂，俾阿花及一眾同事打跑，因此阿花掛左彩；依家佢地叫更多人再來搞事，當中我亦了解到哪位是話事人，我越過阿花直接叫那位話事人，嚇到阿花再擋於我身前，我用眼神阻止阿花。我和那位話事人交談，交談過後更加確認自己所想，此時，前同事開始同阿花起手
我冷冷一句 : 即係點
那位話事人即吩咐其手下用力咁制止前同事並向我道歉後像一陣風般消失得無影無蹤。
阿花呆左咁望住我，其他同事亦茫然咁望向我
我即道 : 阿仔 你地幫我check下剛來的新貨同d爛貨有無錯到  阿x(即阿花)同我上寫字樓 今早剛有email俾你
講完我頭也不回直朝寫字樓方向走

寫字樓內，阿花即去開電腦 : 你有email俾我咩
我怒道 : 同我坐低
阿花嚇到呆左，因我從未用此語氣
我 : 縫左幾多針
花 : 三針
我已氣得胸口起伏不定 : 昨晚我問你人有無事 你做咩唔話我知 剛才問你有無事 你亦都唔答我
花 : 我…我…我…
我的眼淚開始湧出 : 我…..嗚...嗚…你…嗚...估我只係擔心批貨咩…嗚嗚…嗚…當我…嗚…處理緊班人時…嗚…嗚…你…你仲同佢地打…嗚….嗚….你知..唔..知…嗚..我當時都好驚架….嗚..嗚…我處理唔到佢地…嗚…嗚…咁你點算呀….嗚..嗚…你有事…嗚嗚…你父母…你d細佬妹…嗚..點算呀….
花內疚地 : 我…我怕趕唔切你批貨….你嬲咋…
我 : 嗚..嗚….我嬲..我嬲就唔會俾你入我間房啦…嗚…嗚…除左我老豆外..嗚嗚…無男人入過我間房架..嗚嗚..嗚…
此時阿花來攬住我，我在他懷內再一次放聲大哭。
自始我才真正接受呢位小弟弟。

Nice~~~~~~~~~~