引用:
原帖由 一夜狂歡 於 2021-1-31 03:40 發表
自從Amy目光離開咗店長之後,店長可謂如釋重負,成個輕鬆晒,為免可能惹禍上身,店長對我地採取廻避態度,不敢再有任何眼神接觸。Amy帶點兒恥笑話:小林,我發覺你同店長兩個有個共通點,大家好相似。我問Amy此話何解,佢話:你兩個都 ...
Amy繼續話:條店長仲9屎,俾我兇兩兇啤兩啤,即刻縮都縮唔切,仲話做夜班店長?收皮啦!我搭咀話:可能店長知道夜間人客品流複雜,見妳來勢凶凶,唔知妳咩料費事得罪妳,怕惹禍上身,所以抱持住好佬怕爛佬心態做人。Amy牛咁眼望住我話:好佬怕爛佬下一句係乜嘢呀?你係咪暗寸我話我係潑婦呀?你真係打得少,係咪想俾我打爆頭呀?我怱忙解釋話:妳千祁唔好誤會,我嘅意思係話店長盡量息事寧人咁解啫,冇其他意思,況且妳點會係潑婦呢,係艷婦差唔多,Amy話:我係婦?我未結婚個啵。我更正話:我講錯,應該係艷女先啱,遲啲同我結埋婚咪變番艷婦囉,再遲的瓜埋咪變艷屍囉,哈哈好嘢,艷到盡呀!死嘞,我又講錯嘢?Amy面色都轉晒,佢話:你把死人口真係唔L收喎,先係寸我係潑婦,再嚟話我係你老婆,最後仲咒我死埋,我有咩得罪你呀?