神仙有賽績根據的熱門馬頗穩，熱Q場合。我另講頭兩場。

頭場正路馬就自然是度身訂做及星河戰駒，都在上仗同程有好表現，亦屬有田草級數之馬，兼有好檔，但雙雙回來欠回報，望有冷門，當中好友無敵有力爭勝，早前同程僅負於專一而贏甲烷，在五班已夠爭，之後縮回短途亦近，上仗檔差隨便跑跑亦不差，今日有好檔守內欄好位甚至慢放，若跑出早前水準，未必有幾匹能追越。

第二場再追前摩馬綠豆怪傑，前仗證明前段夠速度兼不怕望空，上仗跑如試閘亦證明長力，今同場快馬不多，排外檔不必刻意搶而可逐步上前切入二疊，有力敲開勝門。再選大熱雙節棍，上仗名義上也先過綠豆怪傑過終點，兼排一檔。第三選考慮馬主星輝或皇寶，前者千六不及千八但有分在手可應付，但失準兼常要倚靠檔位，後者上仗田草千六好檔大幅進步，今仗則劣檔，若中置三疊或急於搶前則不樂觀，從值博率選則要皇寶。

鴻兄似乎幾鐘意玩低班賽 係咪因為馬太水嘅話 想做大龍鳳就做唔到？😎

你講開大龍鳳，確實主要在高班賽，但賽前不肯定哪場來大龍鳳。低班賽賽績根據較多而馬匹變化較少，步速多數正常，可計性較高，同時有合理博彩賠率，不會太乏味；高班其實是追期望但幕後知得多過我們很多，得的，熱得趕客，中了未必補償其他輸的。

今晚貼士幸運中兩Q，失望是綠豆怪傑，賽績與沿途形勢都支持跑得出，轉彎亂步穩可能不合適谷草，中單T就差天共地。此外，你可看薛恩兩場入位馬，主要都是反手鞭，皇寶有轉正手但不順，右肩應有困難。

薛恩兩年幾前墮馬受傷 唔知係咪嗰啲傷嘅後遺症

星期日玩兩場二班算 直路賽嗰場平海掌星越戰越勇 升班繼續攻直路賽合理 報名表一出就先揀 韋小寶又係唔需要講都係此程好手 單Q唔補位置Q

尾場難搞 先要踏入今季大熟大勇嘅快益善 上次場二千巴度係唔知跑乜 俾頭二馬賺哂形勢 換蔡仔雖然十檔但影響不大 外欄啲地隨時仲啱追 足金好球剛戰加磅全不睇好都贏係跌眼鏡 上二班倒不擔心對手反而係輕磅腎虧潘騎唔到換田雞唔知個影響會有幾大 計馬應該千八更合 冷門柏林探戈一上千六就現真身可惜田雞九流發揮誤大事 馬雅接手如果跑得好隨時打比有馬騎

PS：刨刨下第九場都有得諗 兩隻預期成熱門嘅旗幟輝煌同真勝者二揀一 要左旗幟輝煌 單Q要佳運來算數

[ 本帖最後由 KIRIN688 於 2021-3-6 23:50 編輯 ]

可再看薛恩贏墨爾本盃影片，當時是很有級數的騎師，動作判若兩人，墮馬受傷應該有嚴重後遺症，今日騎功難比華將；硬朗用鞭，非不為，實不能為。

以前習慣先看馬經，自三年零八個月始，逐漸變成先看新聞及評論，佔時間且影響情緒，今季大摩離場更覺欠吸引力，像這幾日實在無法有心情看排位，剛剛才匆忙刨頭兩三場。


頭場1245都是擅長泥地千二兼四班有上名能力之馬，近戰反映都有狀態，開心一號實力似最強而未有負重磅經驗，慣勝積極上仗有點失望，臨場再決定刪哪匹。

第二場選123。淺草飛三班同程入Q，落班先在田草適應重磅兼減分再回泥地，可趁對手不強交代。陽明滿滿勝在四班同程準兼上風，上仗前曾缺課仍有兩腳，今次會更好。好大大上仗入位不過不失，仍有好檔，感覺好過其他馬，兼顧。其他馬之中，金元寶馬細馬縮程，不信夠爆炸力；駿皇星泥地試閘贏較低分馬，不覺具指標性；理想回報前仗谷草入位，水準懷疑，之前泥地表現不如上季。

第四場再追喜多樂，今季四班連番能近之馬，上仗氣管多血失水準敗，由熱變冷，跟多一次。盛勢上仗路短雖爆不起但沿途走勢不俗，足證狀態已起，轉倉前贏過同程，有水準的組別，今仗只多負四磅，又有好檔，次選。第三匹選都市神話，始終在五班有優勢，千四九度入Q，雖排外檔，仍可如前仗搶前切入二疊，賠率比仍排外檔的得賞好。神期大帝上仗早段切入直路先突圍，贏來覺神奇，今加磅換人，整體形勢有別，不否定機會但寧信都市神話可反先。

第二場駿皇星,第八場駿皇綵每次都係同日一齊出賽,可能都係馬主心意想起孖過關。
兩隻馬都有D機會:評分低,都係E家草地競爭麻麻,所以轉泥地試,應該識跑,尼次換D有水準騎師希望老馬有得再贏啦!

駿皇星把握特殊場地優勢跑第二而未勝，稍為可惜，我估計如上季般利用陳嘉熙減磅之利，很可能頂得住。以我所知，不少同主馬匹安排同日出賽，只為方便，不必分開入場，招呼親朋較有體面，因此與機會及戰意無關，但如此安排幾可肯定會入場。

尋日三場泥地千二大利放頭 獎金大王應該有人收到料一定放得出 臨入閘啲飛倒水咁落最後中到咁應棍 又唔知收埋到幾時

星期三心水最後三場

講第八場先 疾風勁草匆匆再戰符合神仙作風 換田雞影響唔大 係加到頂磅檔位外移想贏應該唔易 但P唔難 正路要返資本家 上次贏馬雖然都有一定程度係腎虧潘騎得笨七 但同之前星運子爵一樣 本身用一個唔係最好跑法都贏 個分肯定仲有水位 今場有金鷹翺翔同美麗友盈兩隻快馬喺前面更好跑 Q膽之選

尾場兩大座騎表面好似幾好 但又可以隨時無影 晨曦飛馬九檔極睇際遇 嘉應精英勝在主動但繼續頂磅可能輸臨門幾步 搏好分先要上次被問話嘅佳尊三 逐漸上力而跑返千二更合 換擅跑後勁賀銘年有得諗 另一隻冷門競駿天驕 久休復出兩場無段好睇意料中事 但能夠短時間可以再出隻腳睇嚟頂到 上場泥地當試閘 今次降班轉場有好檔 咁好分點解唔搏？？當然陣上跑跑下腳痛咁就無得講😴


PS：魔頭同細摩喺澳洲倉口分道揚鑣 講真除左馬格問題 兩兄弟練馬手法南轅北轍 留意細摩喺澳門嗰陣嘅日子 手法更接近希斯 嗰陣合組馬房其實唔睇好 如今各有各搵係好事

[ 本帖最後由 KIRIN688 於 2021-3-9 21:08 編輯 ]

獎金大王過去兩次泥地都貼欄領放，昨日內外欄對手也輪流施壓，形勢其實差不多，但場地變化，頭兩場顯示貼欄放比平時跑快兩三個馬位，賀銘年騎駿皇星領放應該心中有數，獎金大王平時輸兩個馬位以內，對手無好檔，不難計得出可反先，燉廄早前有認真跑獎金大王，所以才能把握突如其來的場地之助，這個回報算公道。幾匹泥地貼欄領放馬，下次計數要扣減差距。

大細摩本身看法不一致，從當年練騎合作已如此，大摩向來比較堅持，難持久合作屬意料中事。

明晚稍後再說。

魔頭喺一個訪問都承認細摩係有主見嘅人 個人覺得細摩適合做馬販 起碼好過摩仔先😆

重心第七場喜蓮慧星加程更合腳法 雖然11檔但腎虧潘跑呢啲難發揮嘅馬係有佢一套 Q腳首選文武傳奇 盛年時候首本係谷二千二 依家馬老力短反而跑同程更好衝 今季三戰同程全上名有根有據 另一隻係瞳矓光彩 終於落返三班轉場計級數有一定競爭力 只係馬雅跑幾次賽事比外界預期有落差  做配腳好似穩陣