救兵到，啱啱有廚房工攞咗幾盆新料過來，於是我話:秋仔快啲攞嘢食喇，我餓到腸都孿。Amy搭咀話:放心啦，班人之前衝咗一輪，已經肚滿腸肥，冇人同你地爭，琴晚搞到咁夜，你地食飽啲補番條數。Amy另外有意識向住我話:尤其你呀小林，盡量食飽啲嚟補充番啲精..力呀！此時無聲勝有聲，我以攞嘢食代替回應，間酒店早餐種類不多，但米粉麵飯都有，加上幾隻熱盆好似:高麗菜牛肉，西芹雞柳等等，都夠啦，仲幾好味添，Amy好餵食見我地食得咁開心，佢都不甘後人走去攞埋一份，就喺呢個時候，一個類似團友阿伯嘅人，走埋Amy身邊話:靚女小姐，香港人呀？我地都係呀，成班好朋友組埋一團環島遊，開心到不得了，琴晚先到台中，今朝又出發去玩，中午就海鮮大雜燴，有冇興趣呀？我見你地四個人，橫掂我地架車多咗幾個位，預埋你地呢，多個人多雙筷啫。呢條伯父都幾搞笑，口若縣河不停介紹自己，Amy未有機會出過一句聲，齋聽，唔知煩嘅咩？

明天staycation, 訂了Kowloon Hotel. 一於打個靓炮.

講講下又有一個阿嬋走埋嚟，佢話:哈你個死老鬼呀！今年貴庚呀？仲喺度撩女仔，為老不尊呀你！阿伯回應話:你識乜嘢吖，靚女就梗係人見人愛㗎啦，你恨唔到㗎喇。Amy聽完笑到咭咭聲，阿嬋同Amy講:靚女姐姐你唔好見怪呀，我呢個朋友成日把口亂咁噏，冇厘搭颯，唔好信佢呀！Amy笑笑口話:唔係吖，阿伯幾健談吖！阿伯再話:咪係，人地靚女小姐都唔介意，你咁多事做乜呀！阿嬋拉住阿伯話:咪阻住人地後生仔女拍拖啦，夠鐘上車喇。咁啱我企喺Amy隔離，阿嬋問:佢係你男朋友呀？幾登對吖。Amy即時搶白話:佢就想喇，第二世啦。跟住細細聲話:我想打柒佢就真。好彩阿伯聽唔到，唔係破壞晒靚女形象，接住不遠處有個阿嬸嗌話:喂你兩個仲唔行呀，成車人等緊你地呀！Amy順口問道:請問聲你地係咪兩公婆呀？阿嬋不約而同亦回番句話:佢就想喇，第二世啦！最後大家互相道別之後，就結束咗呢一場旅行小插曲。

唔知點解團友走咗之後，Amy不斷催谷我食多啲，轉眼間我已經食咗滿滿三四碟有多，我話:妳做乜對我咁好甘關心我呀？Amy冷漠地回應:係呀，食飽啲等你可以安心上路吖嘛！我不明所以問:妳咩意思？講到咁得人驚嘅？Amy有氣冇力地話:冇咩意思，陣間我地去科博館，你嚟到咪嚟囉？我心諗轉性呀，似乎冇嘢咯喎，我話:我有興趣呀，妳唔介意同你地一齊吖嘛？Amy冇作回應，我繼續話:但係我已經飽到上心口，食唔落喇。Amy不作理會，淨係話:你多士都仲未食，等我幫你烘，你斟杯咖啡返埋位先。對Amy好似命令式嘅語氣，我不敢造次，只好乖乖地返埋位等。三條麻甩佬坐埋一齊，冇人願意打開話題，氣氛變得好沉靜，好快Amy已經烘完多士遞到我面前，佢話:全部都係你㗎，趁熱食晒佢啦！嘩我一睇，兩大片厚多士，仲搽滿晒牛油花生醬同果占，熱量爆晒燈，旁邊秋仔話:嘩你生積呀，今朝咩事呀！食咁鬼多。唉啞子吃黃蓮，我再次話:我真係食到好飽，可唔可以....，Amy發嬲話:嘥晒我一番心機，你食唔食呀？面對動怒嘅Amy，我唯有話:食，我食，我食晒佢！於是一路打思噎一路照啃如儀。

喺Amy全力摧谷下，最終將兩片厚多士全部啃埋，死女包意猶未盡，再加碼攞多一大盆水果，佢話:嗱！飯後果呀，食埋佢啦。秋仔睇唔過眼話:Amy妳想攞人命咩，林仔就嚟爆肚喇，唔好咁啦，我地大家分咗佢算啦。色慾男若有所指話:有啲嘢啃唔落唔好亂咁啃呀，好傷身㗎。我話:我已經食滯咗，飽到就嚟想嘔，唔好再玩我啦。Amy略有收斂話:最少食咗條蕉佢，食啦！犯賤嘅我對於這種不合理要求竟然不加拒絕，反而唯Amy命是從，最終在極度辛苦下吔晒成條蕉，之後扒咗喺張枱度唔識郁，秋仔笑話:Amy妳落咗佢降頭呀？咁聽妳話嘅。Amy話:佢敢唔聽我話，打L死佢。好奇怪，四個人去旅行，從未試過一齊坐埋一枱，最後一日嘅早餐反而係第一次。

早餐食完時間尚早，咁大家就坐底飲㗎啡吹下水先啦，色慾男一向沉默寡言，我就食滯咗攤抖冇聲出，於是Amy同口水多過茶嘅秋仔成為主導，Amy問秋仔:你好似仲未同我講，點解你吹頭按摩咁叻嘅？色慾男即時反應話:嘩秋仔你琴晚幫Amy按摩呢呀？唔係啩！之前唔係勢成水火嘅咩！秋仔怱忙解釋道:唔好誤會呀，我係幫Amy吹完頭見佢有少少唔舒服，所以咪幫佢按摩下個頭囉，完全冇嘢㗎。Amy亦都幫拖話:係呀，秋仔好規矩㗎，識落先知佢好好人㗎原來，之前大家一場誤會，而家冇嘢㗎喇。色慾男半信半疑話:又會好得咁快嘅，都唔知真定假。兩人略顯尷尬但不作理會，Amy繼續話:秋仔不如你講下你啲故事吖。秋仔顯得雀躍話:又好啫，我一向讀書唔成，好細個就出嚟做嘢，有次個朋友嘍我去學髮型設計，問我制唔制，我都想有一技旁身，於是跟埋佢去麗記學髮型，學費好貴㗎，要周圍問人借先搞得掂，全部課程完成晒，考試pass埋，咁就開始出嚟髮型屋實習。

秋仔繼續話:隨住時間過去，技術越來越到家，加上有啲天份，之後嗰幾年都揾到少少，加上儲到一大班客，你知啦人望高處，唔咁心打工㗎嗎，於是揾埋兩個師兄弟夾份開咗間髮型屋自己做老板，頭嗰幾年真係揾唔少，咁就開始學人豪起上嚟，食好着好又養埋車。我加多句話:仲溝咗唔少女添！秋仔笑笑口話:有事業有車就自然容易有女埋身啦，有啲誇張到自動上我舖頭做埋老板娘，風花雪月嘅日子令人樂不思蜀，本以為可以永續落去，可惜好日子原來到咗盡頭，自從香港引入咗快剪呢個行業，逐步開到成行成市，我啲生意大受影響，之後江河日瀉，業績大幅滑落，股東見冇運行逐個退出，我心有不甘頂晒嚟做，諗住等運到，你知啦香港啲租同人工幾貴先得㗎，最後捱唔住執笠收場，成幅身家倒晒落去打回原型。Amy問:咁你啲女朋友呢？秋仔苦笑道:人情冷暖，自動失蹤，人影都唔見。

Amy表示同情話:聽落你條人生路都幾坎坷喎，咁依家做緊乜呀？有冇做番髮型呀？秋仔答話:都叫做玩過風光過，算做唔錯㗎喇，我睇得開嘅，髮型我冇做好耐喇，top嘅做唔到cheap嘅唔想做，馬死落地行，唯有轉行揾兩餐，依家做緊倉務理貨，學歷唔夠冇法啦。Amy話:辛苦好多喎，純體力勞動又冇乜前途。秋仔答話:係呀！担担抬抬在所難免，仲要成日跟車送貨，不過就練就咗一身肌肉，慳番唔少錢去健身。Amy眼神一轉話:係？不如除衫嚟睇下。秋仔表情略顯尷尬，忽然一向沉默嘅色慾男彈咗句話:担担抬抬都係妳強項喎Amy。Amy即時側目厲咗佢一眼，但色慾男仲未識收再話:知唔知Amy担担抬完邊個最攰呀？唔係佢係我呀，估唔到呢，腳都軟呀！哈哈哈哈！Amy怒目再話:死啦你去，吊得少呀！色慾男立時收聲，而我同秋仔就揞住咀笑。Amy玩番色慾男話:唔止你呀，佢地兩個都一齊腳軟呀！好唔好玩呀？聽Amy講完即時起咗少少反應，睇怕秋仔都會。

Amy發火非同小可，大家即時收聲唔敢再講嘢，氣氛變得好沉寂，為免大家冇㽼，Amy再撩起話題問秋仔:有咩打算咁呀，唔通成世担担抬抬咩。一提起担抬兩字，男士們少不免作出會心微笑，Amy認真地話:嗱唔好再玩嘢呀，我嬲㗎！Amy繼續話:做倉冇前途喎，有冇打算轉工咁呀？秋仔歎氣話:轉鬼轉馬咩，冇學歷又唔識英文，頂籠咪又係做食蕉。Amy厲住秋仔話:又嚟啦！你可唔可以講好啲呀？秋仔即時灑冧話:對唔住我講錯咗，係secure先啱。Amy問:有冇興趣跟我揾食轉行做保險呀？我可以帶你入行。秋仔疑惑地問:我做保險！得唔得㗎？以前開舖頭就有買過。色慾男又插咀話:唉！人地冇信心做就唔好勉強人啦。Amy寸番佢話:關鬼你事咩又唔係叫你做，你都做唔掂啦，收聲啦。

秋仔又問:點解妳淨揾我唔揾佢兩個，佢兩個唔得咩？Amy跟住喺手袋攞咗張咭片遞俾秋仔，秋仔一睇話:咦高級代表喎，失敬失敬！Amy接住話:你入嚟係跟我嘅，我嗰組叫Amy team，我係team leader，我負責湊大你嘅。秋仔笑問:嘩我係成年人，妳仲當我係BB呀！Amy答話:你新入行乜都唔識，樣樣都要慢慢教，同BB冇乜分別，話你知你同佢地有乜分別，你玩得衰得talk得，把口識關心人冧人，正正係我需要嘅人才，我嗰組實行精兵制，貴精不貴多。秋仔又再問:妳又知我係精兵？Amy語帶相關話:你精多唔多我就唔知，亦都冇興趣知，淨知你口水夠多就得㗎喇，至於佢兩個就....天生有缺陷，好難湊得大。我同色慾男聽完甚覺冇㽼，色慾男抗議話:你又知我地唔掂，未做過妳點知？Amy寸佢話:我知你床上面係好掂，但床下面就一啲都唔掂。我趁機踩多腳話:Amy咁妳咪當佢係泄X工具？講完全場笑到爆咀除咗色慾男。