又食飯，天氣濕濕，阿星又鹹鹹，寫啲嘢就鹹鹹濕濕～

Miss Tang XIII

Elly買咗阿星最中意食嘅扁嘅豬腸粉配豆腐卜同埋炸肉卷上嚟，一式三份，大家食一樣嘅嘢，唔使爭。Elly同阿星一路食一路傾偈，Miss Tang望住阿星同Elly，突然間開聲：「點解你哋可以咁容易就一齊嘅？」阿星同Elly互望咗一眼，然後阿星輕輕拍拍佢嘅手，同Miss Tang講：「當你知道你中意嘅人同你只能夠維持一段短暫嘅關係，你就會想喺果段唔知幾時會完嘅時間入面盡量對對方好，明唔明？」
Miss Tang沉默咗一陣，最後係阿星叫佢快啲食嘢然後梳洗出門去對面馬路嘅訓練中心上埋今日嘅堂。

今日上堂都係講埋要做ISO9001所需要嘅其他步驟，阿星亦都照原定計劃開著個遙控器，等Miss Tang喺課堂上受到突如其來嘅刺激。Elly今日好乖，全日幫阿星整理埋啲notes，而Miss Tang就一路喺度忍受阿星嘅突擊遙控器開關檢查，一路幫導師做助教，阿星見Elly望住阿星嘅眼神表現出期待同羨慕，知道Elly渴望個玩具放入佢度而唔係放入Miss Tang入面，呢個係意料之外，阿星都冇預計過要冷落Elly咁殘忍，所以阿星用手執住Elly嘅手，然後同佢講：「今晚同阿星去食飯，夜啲走好冇？」Elly聽到之後雙眼有好短暫嘅一瞬間流露出期待，然後眼神一瞬即逝，回復平時嘅滋油淡定。Elly搖搖頭，反轉手同阿星十指緊扣，好温柔咁同阿星講：「我唔能夠時常陪喺你身邊，有佢喺度，如果我唔得閒咗，你都冇咁悶。」阿星唔係要呢啲呀，你發下脾氣好似Cassy咁，要阿星氹下錫下好冇？你咁樣，阿星點捨得你唔開心？
（待續）😬

[ 本帖最後由 star_platina 於 2021-10-23 13:28 編輯 ]

收工都咁靜焗，阿星多事寫多段先～

Miss Tang XIV

Elly最後連阿星屋企都冇上，喺阿星樓下停車場攞咗車就走咗，全程只係抱咗一下，蜻蜓點水咁錫咗Elly一啖就上咗車同阿星拜拜。Elly嘅無聲無息，表達咗佢對阿星嘅不滿，係沉默抗議，係無聲反抗，對於阿星貪玩冷落Elly，佢好唔開心，阿星個心好唔舒服。Miss Tang跟住阿星同Elly去攞車，全程一粒聲都唔出，直到Elly離開咗之後，Miss Tang終於開口：「Elly係咪唔中意我呀？」你咁樣望住阿星，叫阿星點樣答你呢？

阿星去咗食煙，因咩事？咪就係阿Elly嘅無聲離别令阿星飯都冇食。阿星車咗Miss Tang返屋企，安慰佢，話Elly唔係唔中意佢，只係有啲唔開心啫。安撫完Miss Tang，阿星攬咗佢一下，然後Miss Tang好細聲咁問阿星：「你仲會唔會帶我去散步呀？」你咁楚楚可憐咁，唔通阿星話唔會咩？呢個時候，最好打個短訊問下Cassy，始終佢哋係好姊妹，或者知道阿星應該點做。

Cassy飛咗去冬蔭之國傾生意，後日先返嚟，阿星打過去，佢即刻就接電話。
「掛住我冇？」電話嘅另一邊傳嚟Cassy爽朗嘅笑聲。
「做咩唔開心？因為Elly？」Cassy聽到阿星嘅語氣，但係你點知係因為Elly?
「唏，佢乜都同我講㗎啦，我一早知道啦。」你知就好，咁阿星點樣氹返Elly好？
Cassy喺電話嘅另外一邊笑，好似考第一嘅小學生俾同學仔圍住問點樣可以考到第一咁：「我教你氹返佢，你點樣氹返我先？」你話點就點啦，你係阿星嘅軍師，你話事。
（待續）😬

Elly堅嬲定係耍你？

當時堅嬲呀，佢同Cassy都已經同阿星係固定情人關係，突然間會多一個人，對佢嚟講阿星嘅注意力會被分散，俾人分咗三份之一星呀😬

只要係好故事，喺任何time zone 都會上來支持

吉貓講得好！多多支持阿星嘅創作😬

無錯
呢個真係近年難得既好帖
👍🏼👍🏼👍🏼

多謝師兄讚賞，咁師兄都要多啲捧場，多啲留言，大家一齊搞番生個場佢😬

又係星期三，天口熱，刞適合寫啲熱情嘅故事～

Miss Tang XV

今日Elly都冇同阿星食晏，只係推話唔肚餓，唔食。阿星明明聽到你個肚仔咕咕聲咁叫，你同阿星講唔餓，咁阿星又點可以由得你呢？走咗落樓下買咗一份三文治同一杯嗲(Teh Tarik)俾佢，又氹又盛先叫到佢食，真陰功。睇住佢食完半份三文治之後，Elly問阿星：「你食咗嗱？」你肯問，即係冇樹啦，阿星即刻話：「阿星唔餓。」然後個肚就好唔爭氣咁咕一聲叫咗出嚟，Elly終於笑番，同阿星講：「你快啲去食嘢啦。」好人做到底，等你食埋先講。喺阿星嘅堅持底下，Elly食哂一份三文治同飲哂杯嗲，而且肯同阿星笑番，呢種大方得體嘅笑容真係睇得阿星好舒服，收工阿星同Elly喺商場度行咗一陣，佢想買啲嘢返屋企俾小朋友，阿星就陪佢揀禮物，然後Elly話想阿星走先，做咩呢？幾經辛苦先問得到，原來仲有一份禮物係買俾家中果位男士，Elly怕阿阿星唔中意，所以唔想阿星睇住佢買。阿星明白嘅，阿星都有家庭，買嘢俾另一半俾情人睇到係真係幾難受嘅事，雖然阿星覺得一齊嘅時間盡量俾哂對方，呢樣可能真係未必個個接受到。其實Elly嘅內心係好怕令人難受，好驚令到身邊嘅人唔開心，不斷咁為身邊嘅人付出，到最後就冇人為佢諗過，阿星感受到，Elly希望阿星對佢係會有所回應，而唔係只係一味索償而唔付出。犧牲自己去到一個地步而忘記對自己好，就係Elly嘅問題所在，阿星決定為佢設計一個催眠療程，等佢可以多啲愛自己，由自己身上獲得滿足，而唔係只依賴對方嘅回報，而且總有一日，Elly會唔再需要阿星，可以自己企番起身繼續人生路。

講完啲咁正經嘅嘢，就梗係要講下啲唔正經嘢啦，你估阿星下下都咁正經嘅咩？維持正經樣要好多能量㗎，都係唔正經好。話說Elly同阿星買完嘢之後，就要揸車返屋企喇，臨走阿星同佢喺停車場梗係嚟個吻别啦，我和你吻别～～～在無人的停車場～～～，Elly臨走俾阿星攬住嘅時候同阿星講，佢唔會再呷醋，因為珍惜眼前嘅時光，呷醋嘅話就會失去咗好多時間，阿星明白，所以阿星想Elly每次都開開心心咁告别阿星。送咗Elly上車，就係要實行今晚嘅任務，了解下阿Miss Tang同佢嘅需求。阿星有話俾Elly知會去見阿Miss Tang㗎，阿星啲透明度好高嘅，佢哋三位都知道阿星做緊乜，其實唔使隱瞞吖，大家咁大個人，咁大個女，做愛做嘅事，好自然。
（待續）😬

多謝星爺出文，會唔會最後嚟個大和解四人大戰架