收工時候又寫多段先～

Louise V

阿Louise同阿星講要去餐廳食飯飲酒，阿小姐，呢度附近飲得酒嘅地方冇六七舊都落唔到樓，你好明顯借阿星頭先耍你嚟想食番阿星餐勁喎。不過阿星又唔係俾唔起，耍咗人係要付出代價嘅，所以呢，想呃呃氹氹真係要諗清諗楚，好彩阿星平時都係十哥，十下十下咁，係人睇到都唔會覺得阿星呃人，而且阿星不嬲出名心地好，唔計較，算。

個衰妹真係有啲過份，叫到一枱都係頭盤，海鮮拼盤，生蠔，炸魷魚，摩撒里拉芝士伴蕃茄，炸洋蔥花，乜都叫。阿星靜雞雞計下條數，唔計佢啱啱一個人飲咗阿星半支珍藏之餘，仲開多一支繼續飲，阿星飲緊第一杯，佢已經好似飲水咁飲緊第三杯，呢餐應該最少2250先甩到身，望下個銀包，得1000。阿小姐，唔使咁重手下話？

Louise係一個好飲得嘅女仔，飲咗酒，就開始多嘢講。「你知唔知我用咗幾多心機先做到今日？我老公剩係識得伸手問我攞錢，唔係佢我唔會變成咁！」查實阿星唔多明佢講緊乜，不過唔緊要，其實佢都未必係講俾阿星知，可能只係呻下，表達一啲忍咗好耐冇發洩出嚟嘅怨氣。每個人或多或少都有，教人點樣處理呢啲怨氣就係阿星其中一樣嘅強項。不過所有嘅嘢，都係睇當時人自己嘅意願，冇意識想改變，阿星係幫佢唔到嘅，因為講到尾，所有嘅事情都係一個選擇，就算冇選擇，都係，一個人選擇咗唔選擇，你仲有咩可以講？
（待續）😬

oh no i missed all the pictures

Haha better luck next time 😬

錯過左，冇得睇，師兄可唔可以再出多一次張相呢?🙏🙏

師兄，可以係冇問題嘅，聽日12點出相5分鐘，記得擔櫈仔啦😬

arrrrrrr我最想見既cassy，竟然錯過左....

背影咋喎😬

失諸交臂


睇唔到，飲恨

塞翁失馬


睇完後，洗眼

阿星對得公唔公整？😬

好多師兄尋日話睇唔到相片，其實留返啲想像空間俾自己唔好咩，阿星貼咗相之後大家會後悔信錯阿星，如無意外應該可能或者有機會是但隨便唔知係唔係阿星嘅文筆有進步，師兄們俾阿星呃咗，故事入面嘅人比起相片入面嘅真人可能更加令人想入非非，而望到相片之後就會覺得阿星言過其實。

不過唔緊要啦，故事嘅精彩之處，在於無限嘅想像空間，當大家睇完女伴們嘅相片之後，又或者會好奇阿星究竟有幾高，啲女士們睇落個個都唔矮，點解阿星個角度講到佢哋咁細粒？原因就係阿星生得高大接近兩米，所有女士喺阿星面前都變得嬌小。講住咁多先，故事繼續，有機會再快閃下女伴們嘅相片～

Louise VI

啱啱找數阿星真係有啲後悔，如果阿Louise食剩果啲頭盤全部打包返屋企俾阿星食，阿星打後一個星期應該唔使煮。係㗎，阿星其實係識煮下嘢食嘅，簡單如煎一隻燶邊大陽蛋，到法國名菜韃靼牛肉(steak tartare)果啲即刻要整嘅手打生牛肉都難唔到阿星，但係如果要阿星煮中菜就真係考起。講咗咁耐，阿星想講要煮查實阿星都煮到嚟食，係懶咁解啫。Louise飲咗阿星咁多酒，好似都唔多揸到車，阿星話叫車送佢返屋企，但係佢連答阿星好唔好都有啲難。鬼叫你咁樣浪費阿星啲酒咩，阿星真係心痛，你堅係飲，請你飲都冇問題，你咁飲法，嘥哂，唉！

阿星見佢都貓貓地，就同佢講你唔好搭車啦，阿星車你返去啦聽日記得俾返車費阿星。安頓好Louise上車之後，阿星見佢已經瞇埋眼喺乘客位度瞓覺，應該都可以安靜一輪等阿星送佢返屋企先。呢程車係阿星揸車咁耐最安全嘅一程，阿星手車出名定，阿Cassy地最中意坐阿星架車，舒服到次次上車都瞓著覺。Louise都唔例外，呼吸深沉，胸口起伏均匀，伴隨住路面嘅輕微不平坦而令到38G不時跳動。阿星冇特登睇㗎，咁佢係咁跳又冇著bra，望下都唔係過份啫下話？

Louise都係住apartment嘅，佢住嘅地區同阿星距離大約40分鐘車程，跳動就不時㗎啦，榴蓮之國嘅馬路大都凹凸不平，跳跳下其實都好正常，阿星冇專登行果啲路嚟昅嘢㗎。Louise 都真係幾特別，佢唔係特別靚，比起Cassy少啲豪爽，比較Elly佢冇咁斯文，亦都冇Miss Tang 果種小鳥依人，就係多咗層晦氣，成日好似有人欠咗佢咁。佢啲態度唔多合群，阿星會覺得佢一定係有啲原因。

到咗apartment嘅樓下，阿星諗住拍拍Louise叫醒佢落車，佢皺晒眉咁死人都唔打開眼。但係阿星都真係要走啦，你屋企離阿星處都有啲距離，阿星想你快啲落車，然後返屋企後悔下呢餐飯。有時候你越想事情按照計劃進行，事情就偏偏唔會照你所想去發生。Louise終於張開眼望住阿星，一路皺住眉頭一路望，然後大家期待嘅畫面終於出現，佢伸出左手想摸阿星塊面，點知摸唔到，一手揸住阿星個衣襟，然後“嘩”咗一聲。

你冇聽錯，頭先餐廳嘅美酒佳餚，一次過嘔哂落阿星個身同阿星架車度！我頂你！
（待續）😬