Star 師兄  將會以一敵4，真喺盛況空前，小星星  兩隻手  同個口 忙個不停  

星爺既小字宙應該突破到去阿賴耶識既層次架喇

加油呀咁多位師兄

叻叻星加油!!唔好比佢停

努力呀師兄們，有冇彩蛋就睇大家啦。食晏時間，繼續分享Louise嘅故事先～

Louise XXI

飲一餐早茶，喺榴槤之國可以平，可以貴。阿星中意坐得舒服，去大酒樓涼冷氣一路食一路傾偈一路欣賞各位美女，係一件賞心樂事。不過對於榴槤之國嘅人嚟講，佢哋會中意坐喺室外嘅大排檔式茶樓，只要有遮擋，有風扇嘅話，好多人都會去果啲熱辣辣嘅大排檔茶樓嘅。Louise話有間茶樓喺佢屋企附近好好食，要阿星接完Cassy機之後揸車去同大家食。阿星當然冇所謂，雖然係大熱天時，不過同咁多位靚女一齊飲茶，就算飲完一身汗濕淋淋，最多返屋企一齊冲涼啫。阿星就係喺度諗緊呢個壞主意喇，你話係咪真係非常之期待呢？

不過世事，又點會盡如人意呢？Cassy班機嘅delay打亂哂阿星嘅全盤計劃，阿星打嘅如意算盤最後喺Cassy嘅航班延誤之後要作出更改。Cassy打短訊嚟，話佢嘅班機延誤咗，叫阿星車咗Elly返屋企先，然後再返嚟接大家喎。係嘅Elly為咗要陪阿星多一陣，特登遲啲返屋企，但係都唔能夠要佢為咗阿星而犧牲佢嘅家庭嘅。所以阿星唯有留低Miss Tang同Louise喺機場，車咗Elly返去阿星度攞車喇。咁中途摸下手仔，錫下咀仔就點都唔少得啦，車到佢返阿星屋企樓下個停車場都仲要攬住佢攬到實一實錫到佢一路笑一路推開阿星一路行去打開車門一步錫一啖咁錫到佢上車先俾佢走。唉，最温柔嘅Elly要返屋企，阿星冇得瞓大脾。阿星最中意瞓喺Elly嘅大脾上面由下而上咁經過34D望住佢，今日冇得望啦，返去機場攬住Louise同Miss Tang等Cassy落機啦。

揸車返機場，喺阿星屋企出發，大概係40分鐘左右，如果塞埋車，有可能要一粒鐘，即係話塞車可以塞超過20分鐘嘅。阿星去機場嘅時候，已經係12點幾，打過電話俾 Miss Tang叫佢同Louise食住等，阿星一到就即刻過嚟。喺上咗快路之後冇幾耐，阿星就開始後悔。條快路都係三線行車，今日係星期六，朝頭早係冇問題唔會塞車嘅，究竟發生咩事，所有嘅車都停哂落嚟？打開個爛舊電話睇apps，發現原來前面有人通報有意外，咁就唯有慢慢等喇。等咗一個鐘左右，警車過咗，消防車過咗，救護車過咗，點解仲未到阿星過？Louise打嚟問阿星幾時到，阿星話仲塞緊車，然後佢笑住話如果阿星再遲就唔等阿星喇。哼，一陣返去屋企你就知！

又再塞多50分鐘，Cassy打嚟問阿星喺邊度，阿星話俾佢知仍然停留喺原地冇郁過，然後佢話今晚約咗人，依家要走啦。咁都冇辦法，阿星唯有叫佢孖阿Louise同埋阿Miss Tang一齊搭機鐵走先，星期一再見佢啦。就係咁，阿星塞咗喺快路嘅中心，等待交通慢慢疏導，再揸到下一個出口掉頭返屋企。返到屋企，都已經差唔多4點半。又攰，又餓，又急尿，而且好冇心機。點解冇心機？因為計劃好接Cassy，同佢食早餐，同埋Elly，Miss Tang同Louise地可以有講有笑，點知最後事與願違，大家都走哂，得番阿星自己一個。

唔知係咪個人唔開心係會容易啲病。阿星返到屋企就覺得唔舒服，連煙都食唔落，飲咗杯水就上床瞓。一瞓，就瞓到天黑。起身嘅時候已經八點幾，頭暈眼花，成身骨痛，阿星可能真係病啦。成日同班女仔去食晚飯，阿星屋企真係連杯麵都冇一個，家下肚餓，又手軟腳軟咁，都落唔到樓下買嘢食，連最近落去樓下果間印度餐廳度買份印度薄餅(roti canai)隨便點啲咖哩汁填肚都難。坐喺梳化度，阿星連攞支煙嚟點都冇力，唔通阿星要餓死喺呢度？
（待續）😬

爆閃頑皮Louise 5分鐘～完畢

[ 本帖最後由 star_platina 於 2021-6-9 12:22 編輯 ]

终于看到一次。顶啊。

我投訴！我12點來過，12點半又來，都看不到！可否定個時間啊星哥？

終於UPDATE ，不過睇唔到TIM

爆閃嘅美妙之處，在於失驚無神，師兄下次留神啦😬