引用:
原帖由 Katrinacat 於 29/6/2021 05:35 發表
我曾經睇過本書。話說當你見到保養得好嘅靚靚中年女人,唔好只係睇表面,雖然靚嘅外表可以教咗你一啲嘢,例如點樣化個靚粧丶衣著配搭丶以髮型去減齡。睇深一層,呢啲女人唔講笑,佢背後嘅付出先值得學習。所講嘅付出,唔係付出 ...
唔好講女人,其實男女都一樣,人到咗某一個年紀就開始唔再注重自己嘅儀表同內涵,令到成個人走哂樣。單靠自己年輕時代積存落嚟嘅知識並唔足以俾人過一世,但係求安穩嘅人就會相信只要逹到某一個級別,就永遠都會喺某一個級別,唔會退步,唔會俾人爬頭,社會唔會丢棄佢。
阿星讀書唔多,不過知道一個道理,就係當你永遠只企喺一個位置上,好快就會有好多人從後趕上,追上你,趕過你,拋離你,而企喺同一個位置嘅你,就係等待俾人淘汰嘅一群,好現實,好殘酷,好辛苦;但係唔認清事實嘅真相嘅人,就只能夠作為觀看魔術師表演嘅觀眾,驚喜不絕,不過永遠唔知道點解會發生,亦唔可能明白,因為佢哋一生都只係觀眾,受表演者嘅擺弄。
相反,認清事實真相嘅人,就好似企喺魔術師後面,作為表演嘅工作人員一樣,喺魔術師背後,乜都睇得一清二楚,而且有能力,有智慧,亦都有資格去笑坐喺台下嘅觀眾因著魔術師每一個表演而驚嘆嘅幼稚。
咦,阿星突然認真mode講咗咁多唔知有幾多人明嘅嘢,一陣啲人又嚟話阿星喺呢度扮正經,阿吉貓你會對阿星負責㗎呵?😬
[
本帖最後由 star_platina 於 2021-6-29 07:45 編輯 ]