Amy話:若然浪漫能夠延續落去，我肯定扯晒白旗，可惜吖，條友程序錯亂自斷後路，一落場就話要來個鴛鴦浴喎，有冇搞L錯，硬生生玉帛相見照全相，係咪有病呀？我梗唔制啦，浪漫氣氛即時冇咗一半，逼我唔到唯有分開沖啦，佢先我後，我入浴室前佢突然交咗套衫俾我，半帶order叫我換咗佢，一睇原來係一套湖水藍海軍學生校服，嘩條友鍾意玩呢味原來，沖完涼著上身一照鏡，幾靚喎好有學生妹feel喎，條白色百摺裙仲鬼死咁短，返學咪溝死仔！諗諗下又幾好玩喎，出到去條友一睇，兩隻眼好似發晒青光咁，猛話好靚呀，如果同班實溝走妳。本來氣氛改善咗好多，我都冇乜嘢，就喺大家happy番晒之下情況急促逆轉，離遠我昅到床上面有幾件嘢，我問啲乜嘢來㗎？條友話:冇，帶咗的玩具過嚟，陣間可以同妳玩番鋪。

Amy繼續話:我走埋去一睇，嘩頂你吖，又疍又扣咁，第一次就搞啲咁嘅嘢，變態㗎？我假假地都係個team-leader嚟㗎阿哥，你當我出嚟做或者係學生妹玩援交咁呀？越諗越唔對路，容乜易俾佢玩殘㗎，咁要諗計鬆人先得，於是我同佢講:唔好意思呀！依家好夜喇，我要走先，我從未試過喺外面過夜，我媽會鬧㗎。條友笑笑口搖頭話:妹妹仔唔似妳喎！條橋舊咗啲喎，有哥哥成晚保護妳妳唔駛驚吖，好安全㗎。我堅持話:唔係呢，實在太夜喇，地鐵都收咗喇，不如下次再約過啦。講完唔理咁多，諗住擸袋走人，點知條友企正門口擋住話:妹妹仔妳都怕夜？講笑啦！聽日星期日又唔駛返學，冇老師鬧㗎。嘩頂你呀！玩嘢玩全套，真係當我學生妹咁玩喎，條友突然面色一轉，目露凶光話:成晚又食又拎，駛咗咁多妥唔妥先？走唔係唔得，玩晒啲玩具先再講。冇喇呢次扑街喇，上錯賊船甩唔到身添，條友神高神大，同佢硬碰唔係辦法，分分鐘俾佢老強仲慘，唯有改變策略盡量拖延，見步行步再講。

Amy繼續講:我係醒字派嚟㗎嘛，面對住條變態渣男，梗係順捋代替硬踫啦，首要減低佢躁動情緒先，免得佢做出過激行為我咪死。我保持冷靜語氣温和話:你唔好嬲啦，你為我做咗咁多嘢我仲要一走了之，係我唔啱，我留番低陪你吖！跟住就打俾我細佬話唔番嚟瞓，條友見我服軟投降，當堂成個gur晒，面露笑容話:咁就乖喇，聽聽話話先得人鍾意㗎嘛，妹妹仔妳著住校服好靚呀，嚟呀！等哥哥錫番妳呀！嘩條友好似想埋牙咁款，我都仲未諗到點應付，梗係盡量拖住先啦，我話:你唔係話陪我睇夜景咩？香檳都未開，成晚流流長咁心急做咩喎，冇啲情趣。條友俾我講服咗話:係嘅，開支酒飲番兩杯先，陣間有排玩，妳慌妳走得甩咩！真係慘，本來香檳玫瑰加迷人夜景，係超級浪漫先啱，點知依家要陪條變態佬排排坐，仲要全程俾佢攬實嚟欣賞已經變得毫無價值嘅夜景，條友不停抽我水我又無力反抗，正在苦思怎樣走出呢個困局。

諗到頭都爆都苦無良策，酒店房空間咁細根本無處可逃，打又打唔過佢，唔通真係要俾佢蹂躪？我好唔甘心呀！橫又死掂又死，不如試下用暴力解決咯，或者可以絕處逢生都未定，硬碰硬一定唔掂，只會惹來更大報復，只可以以柔制剛，分散佢注意力來攻其無備，靈機一觸，我學過泰拳嘅，其中一招擸頸膝撞正正切合我所需要，改變下打法，成功機會一定有，酒過三巡，夜景又欣賞到差唔多，條友開聲話:嚟呀！同學妹妹仔，等阿Sir帶妳去happy吖。嘿！條死友自我幻想當我學生妹咁玩，超變態。嚟到呢度好緊張，個心開始卜卜跳，條友感覺得到仲話:唔駛緊張喎，阿Sir會錫住妳，妳係咪第一次呀？我心諗頂你啦第一次，我都唔係緊張嗰啲，好呀！又陪你玩下嘢又點話:阿Sir你就住我先好，唔好咁大力呀，我好怕痛㗎！條死友俾我講兩講，下面即時扯起晒，佢話:放心啦妹妹仔，我會錫住妳，全程有咁温柔得咁温柔得未呀？

床, sofa, 浴室同車

條友拖住我手仔引領我向大床行過去，我就扮到好似熱戀中嘅情侶般依偎住佢，佢梗飄飄然啦，仲以為自己係大情聖添，其實就嚟俾人隊冧都未知，跟住我話想去個廁所先，喺入面我厘清所有行動細節，同埋點樣撤退，希望做到萬無一失，望下塊鏡，件校服都幾另類，開得都已經比較低，仲可以有兩粒鈕解開，你話真係着返學，啲男仔同阿Sir仲有心機上堂嘅，出到去唞番啖大氣，行動就正式開始，我顯露媚態調情話:Honey我想錫錫先呀得唔得呀？然後雙手溫柔放向佢頸後面，bingo！第一步成功咗喇，信心即時增強，我故作嬌羞地話:好衰㗎你咁鬼咸濕！居高臨下咁望住人地心口，乜都俾你睇晒啦，人地怕醜㗎嘛。誘惑又淫蕩嘅說話，加上脹卜卜嘅心口，條友當場色魂授與，老豆性乜都唔知，最佳進攻時刻到咗嘞，呢一刻我反而有少少同情佢，佢似乎似一隻待宰中嘅羔羊多於似一個男人。

對敵人仁慈等於對自己殘忍，唔係唔知係嘛，吊你老味，而家唔出手更待何時？我再作誘惑話:Honey我好想錫你，你眯埋眼先呀！條友懵然不知大難臨頭，果然合埋眼配合我，繼續陶醉於虛假嘅浪漫當中，記得打拳師傅教過話，若然對手已有防備，肚腩會即時收縮，仲可以頂到下，否則可以收皮，謹譐師傅教誨，迅速行動即時收緊雙手，右腳微微向後，對準佢肚腩之後，大嗌一聲死啦仆街，就大力一嘢飛膝鋤落佢完全放鬆嘅肚腩度，中到正一正，條友不虞有詐，硬食我一嘢，痛到攣低嗌都嗌唔出聲，得勢不饒人之下我點會放你走呀？我收緊雙手將佢鎖到緊一緊，等佢無法掙脫，我話:抵L你死啦，正話唔放我走，後悔呢？有排同你玩呀！於是有仇報仇左右開弓，當佢沙包咁打，痛到佢眼淚鼻涕口水一齊流，連求饒嘅機會都冇，唔知鋤咗佢幾多下，見佢面色轉晒，知道再鋤落去分分鐘打死人，於是即刻收手唔再玩。

一鬆手，條友即刻冧檔，攤咗喺地下度典下典下，痛苦萬分，以弱勝強為我帶來無窮亢奮和信心，我寸9佢話:哎吔老師！你正話唔係好L型嘅咩？阻L住我唔俾我走喎，以為你好L好打原來咁L渣，俾妹妹仔我一嘢就隊冧，陰公豬咯！寸爆完佢諗住換衫走人，點知條友唔識死，死淨把口仲要吊番我老母，我㷫起上嚟擸起個裝紙巾木盒，兜頭車到佢成面血先收手，最後擸走兩個袋然後開門走人，點知閂完門先發覺，俾條pk阻一阻唔記得換衫，門都閂咗冇計啦，又入唔番去，自己套衫又攞唔番，唯有着住校服番屋企咯，落到酒店大堂發覺，自己學生妹形象惹來眾人目光，counter職員議論紛紛，心諗條靚妹半夜出現喺酒店大堂，書包都冇個，仲係攞住女人手袋，條裙又鬼死咁短，唔係玩援交就有鬼，我唔介意喎，做番一日援交學生妹又點呀？阿妹我有樣有身材，吹呀！

我問Amy:乜妳咁暴力㗎，女仔之家打到人地咁傷，Amy反駁話:你都憨9，我係喺度保護緊自己咋，比條友禁錮喺間房度，唔反抗咪俾人溶咗？所以胆粗粗搏一鋪咯，有咩錯呀？咩呀？你想我俾人老強呀！超變態！我解釋話:冇，一啲都冇，只係冇諗過妳會出咁重手啫，仲要啪到人地成面血，殘忍咗啲啫。Amy話:有句說話叫:惡向胆邊生，幾有效㗎，自此之後佢唔敢再揾我喇。我再問Amy:不如妳講埋之後點，我想聽呀。Amy都好有興趣繼續話:嗰日可謂頭頭碰着黑，俾人用(艷羡)目光掃咗一輪之後，出到酒店上咗部的士諗住返屋企啦，點知又撞正條仆街咸濕司機，一上車就問:妹妹仔咁晏先放學呀，去邊度玩嚟呀？頂你吖！又當我援交妹咁玩，我鬧佢話:關你叉事呀！開車啦，睇路呀！條友意猶未盡，見我條裙着到咁短，故意開着車頂燈，沿途不停喺倒後鏡裝下裝下，想裝我底褲咁，我嬲起上嚟吊9佢話:裝乜L嘢呀？信唔信我揾人做你吖嗱。跟住嚇佢攞起部手機影咗前面一張相，司機知驚，覺得我並非善類，可能有背景，於是即刻灑冧，猛講對唔住再熄番燈，之後再不敢造次。

返到屋企門口諗住細細聲開門費事俾人知，點知讀緊中學嘅細佬已經棟咗喺度，我問佢點解仲未瞓，佢話:阿媽叫我等妳門，佢地一早瞓咗喇，放心啦！我唔會爆響口話妳咁夜返嘅，不過...妳識做啦！妳唔係話唔返嚟瞓嘅咩？我同佢講:唔好問咁多，知你都冇咁好死㗎喇，嗱兩舊！你估我驚你呀，我費事俾人哦咋。細佬笑咪咪話:嘻嘻，多謝家姐！我再問:你咁夜唔瞓做緊乜呀？細佬話:冇咩做呀，打機囉。我用懷疑語氣話:打機？打飛機至啩，睇緊片呀？細佬轉移話題話:妳搞乜鬼呀？番工定番學呀？着住套校服嘅，扮靚妹呀？我唔出聲細佬再問:妳呢套乜嘢校服嚟㗎？冇校徽心口開得又低，仲有條裙短成咁，想引死人咩！裝下咩色先！我發火話:想死呀，家姐都玩，打少啲啦，傷身呀！細佬口沒遮欄再話:妳着成咁，想唔打都唔得啦，我見到喇，紅T吖嘛哈哈！我再話:仲玩？打柒你吖嗱！細佬邊走邊大聲話:阿爸！有人又講粗口喇，我走喇拜拜！跟住就鼠番入房。一切歸於平靜，驚心動魄嘅一夜終於過去，好攰，沖番個涼瞓覺。