收工時間，嚟個第44話～

Abby XXXXIV

麻油味聽到阿星話已經應承咗佢聽日同佢食晏，露出滿意嘅笑容，然後同阿星話：「你個咀爆冊，要多啲潤唇油，記住唔好抹走呀。」你講到咁，即係唔會再同阿星搽潤唇油啦。好啦，你唔搽，上面仲有兩位想同阿星搽。阿星最唔中意迫人做啲佢唔想做嘅嘢，最中意慢慢做啲人哋想阿星快啲做嘅嘢，既然阿麻油味Abby都講到咁，阿星係唔會勉強佢嘅。所以阿星退後一步，同麻油味Abby互相對望，然後同佢講：「咁你上車先啦，阿星送你走。」

麻油味Abby搖搖頭話：「唔好，我睇住你走咗先我先走。」呢啲咁樣你推我讓嘅送行方式並唔會咁容易停止，要一路唔好啦唔好啦咁樣拖拖拉拉，都仍然唔會有定案究竟邊個送邊個走，而且拉鋸都要一啲時間。雖則話阿星聽日返公司冇咩做，但係一陣仲有場大戰，而且聽晚阿星地仲有聚會，都要留番啲戰力。麻油味Abby一路望住阿星，一路等阿星嘅反應，阿星知道，識咗先唔夠兩日，太過快嘅深入交往會令到大家嘅接觸點變得片面，到時容易出現好多嘅爭拗，令到關係變得唔穩定，阿星想要嘅係穩定嘅關係，縱使時間未必長久，寧願唔要都唔想亂嚟。

阿星同麻油味Abby互相對望咗一輪，見佢仍然冇上車嘅意欲，知道佢對於有人送佢走係有啲不知所措嘅情緒，退而求其次，阿星行埋去再攬下麻油味Abby，麻油味Abby亦都同阿星相擁。然後阿星同佢講：「不如咁，大家一人做一步，阿星行到去閘門，你上車打着架車；阿星擰轉身唔望你，你就開車走。咁樣好唔好？」麻油味Abby嘅眼移咗去佢嘅眼睛嘅右下角，表達緊佢有邏輯地思考緊阿星嘅提議，一秒左右之後就移到右上角，然後好快又將雙眼移到去左下角；好明顯係先作出邏輯思考，然後構想當時情境，再感受一下當時情況睇下感覺是否良好。跟住麻油味Abby笑住同阿星講：「你連體貼都同我爸爸咁似嘅。」唔好喇啩？

正所謂：

確認明日共午膳
喜見迷人妃子笑
欲護麻油登座駕
你推我讓分不下
父親形象在眼前

欲知後事如何，請看下回分解
（待續）😬

[ 本帖最後由 star_platina 於 2021-7-27 18:18 編輯 ]

星爺,近期已習慣每日追故仔,今日早上比較忙,所以錯過早餐睇故仔,,又錯過了麻油味Abby,真是慘慘鳥,😀

星爺，寫好啦，來鳥！！

確認明日共午膳
喜見迷人妃子笑
欲護麻油登座駕
你推我讓分不下
父親形象在眼前

[ 本帖最後由 boar36 於 2021-7-27 17:33 編輯 ]

師兄忙呢個係冇辦法嘅，阿星又唔會走咗去，長寫長有，師兄放心慢慢睇😬

師兄玩到妃子笑😬

星爺,故仔就話有得睇,閃咭一閃就過,😀

哈哈，咁寫過癮嗎？  

係？例如咁閃？😬

[ 本帖最後由 star_platina 於 2021-7-27 20:11 編輯 ]

簡直過癮非常啦😬

麻油味Abby都好痴纏下，哈哈🤣