第45話～
Abby XLV
阿星望住麻油味Abby，真係唔知好嬲定好笑，就放開攬住佢嘅雙手，同佢話：「阿星依家行啦。」講完就向住停車場大閘方向行過去。直到阿星行到去保安閘門前，先至擰番轉頭望住麻油味Abby嘅方向，向住麻油味Abby揮手示意佢快啲上車。麻油味Abby亦都好乖咁打開車門上咗車，仲打着咗車開埋車頭燈添。阿星耷低頭望住車入面嘅麻油味Abby，見到佢都係望住阿星，所以阿星就伸出左手，揸住拳頭，伸出手指公俾佢，等佢知道阿星準備好，麻油味Abby亦都伸出拳頭俾個手指公阿星，話俾阿星知，佢都已經準備好。
既然麻油味Abby已經準備好，阿星就擰轉身，唔再望佢，等佢開車走。深夜嘅街道算係寧靜，架車駛出咗車位離開嘅聲音傳到阿星耳仔，阿星知道，呢個嬌俏嘅小女孩終於離開咗。然後阿星摸摸啲鬚根，諗下之前兩個人嘅對話，再諗下究竟可以點樣幫麻油味Abby更加容易掌控OCD嘅問題。諗諗下，突然諗起，樓上仲有兩位美人魚喺度等緊阿星，下意識就擰轉身望下頭先麻油味Abby架車仔停泊嘅位，都望下。
唔望尤自可，一望就有火。你估阿星望到啲咩呢？阿Miss Tang同阿Gina地兩個等得唔耐煩，由樓上落咗嚟揾阿星？唔係。阿星個爛舊手機響起，阿Gina同阿Miss Tang地揾阿星？都唔係。咁唔通係麻油味Abby冇走到，架車仲喺對面？梗係唔係啦，做戲咩？咁係咩呢阿星？咪就係阿麻油味Abby真係走咗，仲要走得不留痕跡，簡直好似冇出現過一樣，所以阿星先至咁大火囉。如果阿麻油味Abby唔係好似樣樣嘢都勾住阿星嚟行，應該唔會令到阿星咁好火嘅，唔通今次阿星遇到高手高手高高手？
正所謂：
臨別手語傳訊息
麻子別如輕烟去
雙伴樓上盼回歸
如何擺平強迫症
英雄思緒泛漣漪
欲知後事如何，請看下回分解
（待續）😬
[ 本帖最後由 star_platina 於 2021-7-28 09:21 編輯 ]
