早晨 星爺，寫好了   又來鳥  .......... 金翅週身唔自在鳥！！   

總裁待客甚親切
香煙美酒來接待
女主笑迎星拜訪
英雄本性較內向
個人感覺顯局促

頂吖，週身唔自在鳥都出埋咁抵死😬

今翅 喺有好多品種嘅鳥，無窮無盡㗎！！

[ 本帖最後由 boar36 於 2021-8-18 09:05 編輯 ]

師兄，連auntie都唔放過，哈哈🤣

估唔到星爺都會有唔自在鳥出現在身上

金翅毛窮毛盡鳥😬

人地媽媽嚟㗎，阿星邊度有咁鹹濕㗎😬

星仔好啦r師兄，阿星都會怕生保㗎喎，尤其是要見家長，幾十年唔使見家長啦嘛，家下就嚟要做見人果個添啦😬

Abby第93話～

Abby XCIII

阿星行埋去父親大人度，問佢係咪會介意阿星除咗條呔，一路問一路除呔，都唔會俾你太多選擇。父親大人並冇太大嘅反應，反而係阿麻油味Abby覺得阿星得罪父親大人咁。父親大人拍拍阿星膊頭，笑住同阿星話：「年輕人，我好欣賞你嘅計謀，如果你可以教導我個女，陪伴佢人生嘅成長嘅話，我會好高興。」阿星喺父親大人嘅心目中應該算係後生嘅，不過查實都唔係同佢差太遠。父親大人最多係大阿星10年左右，俾佢叫阿星做年輕人又真係有啲唔自在。

之但係頭先父親大人所講嘅一番說話實在令阿星有啲搲頭，完全唔知佢嘅意思。教下麻油味Abby都應該冇乜問題，陪伴佢人生成長就真係唔知你想點喇。阿麻油味Abby都係醒目女，唔使教幾多佢就會好快學識，阿星同阿父親大人都叫做交過下手，大家惺惺相惜咁，你睇得穿阿星籠嘢，證明父親大人都同阿星一樣，識得喺語言技法嘅，無論係無師自通定係經歷有系統咁學習，都會明白阿星當時喺個會入面講咗啲咩。

食飯喇，終於行入去厨房，即係飯廳度。阿星終於見到個厨房同埋喺厨房入面嘈亂巴閉嘅人。厨房入面，除咗母親大人之外，仲有三位女士喺度好忙咁煮緊嘢食。呢個應該係法式洋蔥湯嘅味道，而且好似仲有蒜蓉蕃茜牛油焗…………田螺？

阿星一路索，一路喺度憑氣味品嚐緊前菜，麻油味Abby輕輕拉下阿星件摺咗袖嘅恤衫，話：「你索咩呀？唔好咁失禮啦！」阿星望下佢，真係要俾個叻叻你，連阿星失禮都知。

正所謂：

總裁份屬老江湖
語言技兩包不住
還要英雄當導師
查實語帶雙刃劍
美食清香撲鼻來
令人食慾涎三尺

金翅幾乎失禮鳥
（待續）😬

[ 本帖最後由 star_platina 於 2021-8-18 18:51 編輯 ]

師兄。有冇野睇架?