師兄想睇阿星咩？😬

阿星女伴嘅,真空深入相🤤👍🏻

深入都某影相喎，阿星從來都唔辦公嘅時候影相嘅😬

師兄，點解索嘢都會失禮呢？你索得好明顯咩，哈哈🤣

星爺，寫好了   又來鳥  #93 ..........
金翅幾乎失禮鳥！！

總裁份屬老江湖
語言技兩藏不住
還要英雄當導師
查實語帶雙刃劍
美食清香撲鼻來
令人食慾涎三尺

[ 本帖最後由 boar36 於 2021-8-18 17:52 編輯 ]

失禮呢家嘢，阿星認咗天下第二失禮專家，如無意外應該可能或者有機會都唔會有人肯認第一😬

金翅直頭失哂大禮鳥啦😬

拍片又有冇呢？

某某某，相都唔影，片就更加唔會拍😬

食飽飯啦，第94話～

Abby XCIV

餐飯正如阿星之前所感覺到嘅，食得好唔自在。究竟唔自在喺邊度，真係要描述下當時嘅環境先得。

厨房係連住飯廳嘅，一邊烹調，另一邊坐定慢慢品嚐，係一件非常之愜意嘅事。呢個厨房有一個部分專門負責燒肉類，例如牛柳之類，有個叔叔喺度燒緊啲唔知嘅肉；而另一邊就係一個巨型烤箱，應該焗薄餅整印度烤餅甚至焗白汁雞皇批應該都應付有餘；而最左邊嘅，就係一個炒菜或者煮醬汁嘅西式爐頭，有幾隻煲放咗喺度，有個姨姨喺度搞緊一隻煲入面嘅湯水；灶頭嘅旁邊，有一個應該係用沙石堆砌好燒成嘅中式爐眼，應該係攞嚟炒下幾味咁嘅。喺一系列嘅灶頭爐頭同埋飯廳之間，有一張雲石造嘅類似早餐枱咁嘅位置，有水喉，亦都有個姨姨喺度整緊一啲睇嚟係餐前小食嘅嘢。母親大人拖住麻油味Abby走埋去同個姨姨講咗兩句，個姨姨俾咗個OK嘅手勢母親大人，跟住麻油味Abby就連拉帶拖咁將母親大人帶埋嚟餐枱呢邊。阿星望下呢張餐枱，一大塊不規則嘅木材打磨而成嘅枱面，究竟要點樣坐，先可以坐得舒服呢？

父親大人帶住阿星坐佢旁邊，而母親大人就同麻油味Abby坐喺對面。呢張睌餐枱真係騎呢，坐極都唔舒服，啲有錢人嘅興趣真係難明。阿星嘅胃口，由原本嘅肚餓，變得非常之肚餓，所有送上嚟嘅菜色，阿星都食到清清楚楚乾乾淨淨㗳㗳有聲。麻油味Abby一路用眼神暗示阿星唔好食到出聲，查實阿星就係要做出嚟俾佢哋睇，等佢哋明白，等佢哋清楚，等佢哋諗下。一餐住家嘅西餐，話咁快就已經食完，阿星睇住果三個厨師嘅心血並冇白費，全部都俾阿星以100米短跑世界紀錄嘅速度清理。

飲飽食醉，父親大人捉咗阿星去後花園度食煙飲咖啡，阿星知道，呢啲時候就係真心話大冒險嘅時候喇，以阿星嘅聰明才智，除咗扮傻之外，都唔會有其他更好嘅選擇。

正所謂：

廚房設備好專業
三位廚師各其職
泡制美食具特色
英雄快速祭五臟
花園交談要掩飾

金翅真係想快閃鳥
（待續）😬

[ 本帖最後由 star_platina 於 2021-8-19 10:26 編輯 ]