絕對同意！

梅艷芳嘅故事，係一個巨星嘅傷感故事。

究竟黑衣人係邊個呢？同星師兄有咩關係呢？

同意呀！每個人都應該做好自己嘅本份，有能力就幫下人啦！

黑衣人，應該係一個殺手😬

某錯，如果幫到人之餘又有錢賺，呢啲咁好嘅事情點解唔做呢？😬

星期two，風和日麗，米雪第10話～

米雪 10

Cassy 同佢朋友兩個有講有笑，一路帶住阿星喺會場入面左穿右插，經過一個又一個嘅展區，一堆堆嘅人群，賣廣告嘅大螢幕，一路行到去會場嘅中心。佢哋搞嘅展區睇嚟應該係成個會場入面最大規模嘅一個，而且人流不斷，好多男男女女喺度問資料。阿星望下Cassy嘅朋友，見佢同Cassy企埋一邊兩個喺度密密斟，就自己一個四圍行下八卦下。圍繞展區行咗一個圈，阿星返到原本入嚟嘅時候嘅位置，見到人流少咗啲，Cassy同佢嘅朋友，同埋另外一個著到黑古勒突嘅女人三個企喺度傾緊偈，個黑衫黑裙嘅女人有啲熟口面。

Cassy見到阿星，即刻招手叫阿星過去：「呢位係我朋友嘅上司。」阿星又要四萬多一次，然後Cassy指住佢朋友：「佢頭先介紹咗啦，呢位係整個場地嘅創作總監，Shanie嘅上司，Michelle。」Michelle戴住個黑框眼鏡，伸出手同阿星握，但係握手嘅方式令人感覺拒人千里，知唔知係點？咪就係有啲人同你握手，手掌心永遠唔會掂到你嘅手掌心，令你感覺到佢對你有所保留。不過唔緊要啦，快啲介紹下你哋會點做，等阿星聽下究竟Cassy點解會覺得你哋有咁嘅能力幫阿星哋嘅公司啦。

Michelle輕輕由阿星嘅手入面抽番佢隻手仔出嚟，望住阿星一輪之後話：「你拉二胡都幾好聽吖，我以為你係果啲buskers嚟添。」你…………頭先喺牛車水大厦入面望住阿星果個黑衣人係你？ Michelle望住阿星，然後輕描淡寫咁話：「你唔可以揾個好啲嘅地方表演嘅咩？」Michelle一路講一路用手扶住佢個黑框眼鏡，用一種摟打嘅態度望住阿星。拉二胡有分好唔好地方嘅咩？Michelle再一次扶住佢個黑色眼鏡上下打量阿星，透過黑框眼鏡，阿星隱約睇到佢係皺住眉頭嘅，唔使咁厭惡啩？

正所謂：

展覽會場高大尚
星星繞場顧一圈
黑衣女士似面善
友人上司米雪也
外型高傲且冷酷
不忘稱讚樂妙韻
英雄全身遭打量

金翅太～～～cool鳥
（待續）😬

[ 本帖最後由 star_platina 於 2021-11-16 09:36 編輯 ]

早晨  星爺，寫好了   又來鳥  ........
金翅 太 cool 鳥！

展覽會場高大尚
星星繞場顧一圈
黑衣女士似面善
友人上司米雪也
外型高傲且冷酷
不忘稱讚樂妙韻
英雄全身遭打量

早晨boar師兄，師兄呢隻鳥係西方鳥嚟喎😬

哈哈，西方的鳥 ......... 好鳥  好鳥！！