哈哈，又唔可以講老屈嘅，係阿星自作孽，自己挖個窿俾自己踩咁啦😬

星爺,可能挖完個窿又有奇逢,深入連連

https://twitter.com

[ 本帖最後由 月影偷情 於 2021-11-22 14:13 編輯 ]

邊得嚟成日有得深入㗎😬

好個扭屎忽花😬

凍冰冰嘅星期二，有三美相伴，暖意綿綿，米雪第15話～

米雪 15

就喺阿星同個警務人員解釋阿星係食完煙之後興起所以先拉下二胡，而警察先生一路搖頭唔信阿星所講，而阿星已經準備去攞本護照出嚟由得佢抄嘅時候，Michelle突然間開聲：「先生，佢係我哋嘅朋友，係表演俾我哋幾個女仔睇啫，都冇賣藝。」Shanie呢個時候亦都幫口：「係囉係囉，佢係我哋嘅朋友嚟嫁，啱啱先食完飯出嚟，佢話表演俾我哋睇咋嘛！」Cassy呢個時候亦都行埋嚟開聲：「我同男朋友今日過嚟探佢（指住Shanie），夜晚出嚟食飯，佢話要表演下啫，唔使發告票咁嚴重啩？」講完之後乘機勾住阿星隻手［假扮］男女朋友咁款。阿警察先生，佢哋三個都講到咁，你放過阿星啦好嘛？

就係咁，由於有三個靚女幫阿星求情，警察先生只係警告咗阿星一輪就放咗阿星，臨走嘅時候係咁望住阿星又望住Cassy地，就好似話：「你條傻佬點會有三個咁靚嘅女仔同你走埋一齊㗎？」呢啲時候梗係俾哂禮千唔該萬唔該啦，一張告票大概60蚊獅城紙幣，大約係港紙360蚊咁上下，都差唔多180蚊榴槤紙㗎，留番嚟食又夠好啦。原來獅城喺街頭表演係要申請，而且要喺特定嘅地方，例如地鐵站或者某幾間商場嘅特定空間先可以，唔怪之得今日晏晝阿星喺牛車水大厦嘅時候阿Michelle咁嘅眼神望住阿星啦。

喺驚察叔叔走咗之後，Shanie一路拍住個軟綿綿嘅心口仔一路同阿星話：「好彩冇事，好彩冇事…………」而Michelle就開聲講阿星：「都唔知你係唔小心定係完全冇呢啲知覺，你好論盡！」阿星笑，係㗎，因為論盡所以先會有人擔心吖嘛，依家三個女仔擔心阿星，值哂啦！Cassy笑住話阿星，你真係，都唔睇地方嘅。」然後Michelle突然開口：「扮完女朋友啦，可以放開手啦！」咩呢？「做完戲啦，警察走咗，唔使再扮女朋友，可以放開手啦！」語氣帶有啲命令嘅口吻，Cassy俾佢講到有啲唔係幾好意思，慢慢鬆開手，阿星望下佢，佢又望下阿星，然後扁扁咀，哦，一陣返去阿星錫番。

正所謂：

來者獅城警察也
米雪金口來護航
解釋眾人皆朋友
飯後演奏乃自娛
最終場面歸平靜
高傲美女突嬌聲
盤繞玉手漸分離

金翅有番啲温暖鳥
（待續）😬

[ 本帖最後由 star_platina 於 2021-11-23 10:12 編輯 ]

星師兄真俾艶福不淺！

早晨  星爺，寫好了   又來鳥  ........
金翅有番啲溫暖鳥！     

來者獅城警察也
米雪金口來護航
解釋眾人皆朋友
飯後演奏乃自娛
最終場面歸平靜
高傲美女突嬌聲
盤繞玉手漸分離

差啲俾人沙拿（罰錢）呀，仲顧得住艶福定福頭咩？😬

用到金口咁犀利，不過佢係牙尖嘴利嘅😬